Свет
Смртта на 89 луѓе поврзана со проблеми на „Тојота“ возилата
Неконтролираното забрзување кај Тојота автомобилите можеби е причина за загинувањето на 89 лица од САД во текот на изминатава деценија, соопшти денеска владата во Вашингтон.
Неконтролираното забрзување кај Тојота автомобилите можеби е причина за загинувањето на 89 лица од САД во текот на изминатава деценија, соопшти денеска владата во Вашингтон. Од Управата за безбедност на патиштата соопштија дека од 2000 година до средината на овој месец примиле 6.200 поплаки за неконтролирано забрзување на возилата на Тојота. Извештајот вклучува и 89 смртни случаи и 57 повреди во текот на изминатите 10 години. До сега, смртта на 52 лица, загинати во сообраќајни несреќи е поврзана со најголемиот произведувач на автомобили во светот.
Јапонскиот автомобилски гигант доживеа голема криза зимава кога мораше да повлече околу 10 милиони возила во светот поради различни технички причини. Компанијата деновиве и плати казна од 16,4 милиони долари на американската власт бидејќи се двоумела јавно да објави информации за техничките проблеми./крај/бт/ит
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Претседателството на Босна и Херцеговина добило извештај за поставена бомба
Претседателството на Босна и Херцеговина денеска доби дојава за поставена бомба.
Во електронската пошта на Претседателството на БиХ пристигнала дојава за експлозивна направа, пишува Klix.ba.
„Во администрацијата на претседателот на Босна и Херцеговина беа поставени експлозивни направи. Ова е поради вашиот лош однос кон Руската Федерација“, се вели во дојавата, пренесува порталот Сараево.
Свет
Нетанјаху: Израел ќе употребува сила против Хезболах додека не се вратат жителите на север
Израелскиот премиер Бенјамин Нетанјаху денеска изјави дека неговата земја ќе употребува сила против Хезболах во Либан додека жителите на северен Израел не се вратат дома.
„На Хезболах му нанесуваме удари кои не можеше да ги замисли, тоа го правиме со сила и со трикови. Можам да ви ветам едно: нема да застанеме додека не се вратат дома“, рече Нетанјаху во видео пораката што ја објави неговиот кабинет, пренесе Франс прес.
Неименуван израелски функционер во меѓувреме изјави за Си-Ен-Ен дека Нетанјаху и дал дозвола на неговата влада да се приклучи на напорите на САД да посредува за прекин на огнот во Либан.
Нетанјаху даде одобрение под услов каков било договор да им дозволи на израелските цивили да се вратат во своите домови во северен Израел и подоцна додаде дека нема да мирува додека тоа не се случи.
Советникот на Белата куќа Амос Хохштајн е вклучен во преговорите за прекин на огнот, но Американците не разговараат директно со Хезболах.
Си-Ен-Ен денеска објави дека САД итно работат на план за намалување на тензиите меѓу Хезболах и Израел поради зголемената загриженост дека конфликтот може да ескалира.
Свет
Експлозија во судница во Калифорнија, двајца повредени: „Експлодираше торба“
Две лица се повредени во експлозија во судница во Санта Марија, Калифорнија, соопшти канцеларијата на шерифот на округот Санта Барбара.
„Ве молиме избегнувајте ја областа. Местото на настанот не се смета за безбедно. Следуваат повеќе информации“, соопшти канцеларијата на шерифот во објавата на X.
Time of call is 8:48. We have two reports of non- life threatening injuries. One person of interest detained immediately. Scene remains active. Please continue to avoid the area. https://t.co/AQoU7cIH6x
— PIO Raquel Zick (@SBSOPIO) September 25, 2024
Две лица се здобиле со повреди кои не се опасни по живот, изјавија од канцеларијата на шерифот за локалните медиуми.
Осомничениот бил во судницата и фрлил торба во судницата која потоа експлодирала, објави Noozhawk, локален портал во округот Санта Барбара, цитирајќи го извршниот службеник на Врховниот суд, Дарел Паркер.
Канцеларијата на гувернерот на Калифорнија, Гевин Њусом, соопшти дека тој и Канцеларијата за итни служби на државата активно ја следат ситуацијата и се координираат со органите за спроведување на законот.