Свет
Иселениците побројни од доселениците во Германија
Минатата 2009 година, од Германија се иселиле поголем број луѓе, отколку што се доселиле во неа , соопшти германскиот Завод за статистика.
Минатата 2009 година, од Германија се иселиле поголем број луѓе, отколку што се доселиле во неа , соопшти германскиот Завод за статистика.
Во 2009 година вкупно 734.000 лица ја напуштиле Германија, а 721.000 се доселиле.
За разлика од 1985 до 2007 година кога бројот на доселеници во Германија беше поголем од бројот на иселеници, ова е вторпат кога бројот на доселеници бележи пад, пренесува Дојче Веле.
Најголем број лица заминале во Полска, Романија, Турција, САД и Швајцарија, а најголем број луѓе се доселиле од Полска, Романија, САД, Турција и Бугарија.
Според статистичките податоци, како најпожелни покраини за доселениците се Северна Рајна Вестфалија, Баден Виртенберг и Баварија.
Мемет Килич, експерт за миграциски прашања од Партијата на зелените, оцени дека ваквата статистика зборува оти Германија не е веќе толку привлечна за доселениците.
„Тие меѓутоа ни се неопходни, ако ништо друго, тогаш за одржување на социјалните системи во земјата поради големиот процент на старо население“, порача Килич./крај/дв/ир/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

