Свет
Бан Ки-мун: Под итно да се прекине блокадата на Газа
Израелската блокада на Појасот Газа мора да биде под итно прекината, изјави во Њујорк генералниот секретар на ОН Бан Ки-мун.
Израелската блокада на Појасот Газа мора да биде под итно прекината, изјави во Њујорк генералниот секретар на ОН Бан Ки-мун.
Тешкиот инцидент во кој израелската војска во меѓународните води ги нападна бродовите со хуманитарна помош “укажува на тоа дека блокада се уште постои“ рече Ки-мун.
„Блокадата е контрапродуктивна, неодржлива и неморална. Казнува невини цивили и најитно мора да биде укината. Мора да се направи се за да се избегнат ваквите инциденти. Сите држави мора да бидат одговорни и да се однесуваат во склад со меѓународното право“, изјави генералниот секретар на Обединетите Нации (ОН).
Бан Ки-мун разговараше со амбасадорите на Израел, Турција, арапските земји и пет постојани членови на Советот за безбедност за последиците од инцидентот во кој загинаа најмалку девет лица./крај/хи/ит
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Ловец на бури објави снимка од центарот на ураганот Хелен
Ник Андервуд, ловец на бури, кој со години лета низ бури, денеска објави видео од центарот на ураганот Хелен.
„Ве молиме, бидете подготвени ако сте на патот на ураганот. Слушајте ги вашите локални власти и грижете се за вашите соседи“, рече тој.
Flew with Miss Piggy (#NOAA43) into a strengthening Hurricane #Helene this morning.
Please be prepared if you are in the path.
Follow @NHC_Atlantic and @NOAA_HurrHunter for official updates.
Listen to your local officials. Care for your neighbors. pic.twitter.com/Dfh5lxXUP2
— Tropical Nick Underwood (@TheTropicNick) September 26, 2024
Свет
(Видео) Камала Харис: Путин може да ја заврши војната утре
По претставувањето на неговиот план за победа пред Бајден во Белата куќа, украинскиот претседател Володимир Зеленски одржа прес-конференција со демократската претседателска кандидатка Камала Харис.
Американската потпретседателка почна со ветување за поддршка на Украина во нејзината борба против Русија и дека ќе продолжи да го прави тоа доколку биде избрана на претстојните избори.
Таа рече дека Америка мора да се спротивстави на агресорите како рускиот претседател Владимир Путин.
Харис предупреди дека другите потенцијални агресори ќе следат што се случува во Украина и дека мора да им се покаже дека постапките на Путин не се прифатливи.
Додаде дека Путин утре би можел да ја заврши војната доколку ја повлече војската од Украина.
„Украина се спротивстави на руската агресија и денес Киев е слободен и силен“, рече Камала Харис.
„Претседател Зеленски, разбирам. Путин ја започна оваа војна и може да ја заврши утре ако едноставно ја повлече својата војска од украинската суверена територија“.
Без да го именува директно, Камала Харис го повика својот противкандидат на претстојните избори, републиканскиот кандидат Доналд Трамп, велејќи дека има некои луѓе во Америка кои ќе бараат Украина да прифати неутралност и да се откаже од безбедносните односи со другите нации.
„Ова не се предлози за мир. Наместо тоа, тие се предлози за предавање“, додаде таа.
Свет
Палестинскиот претседател повика на прекин на огнот во Газа и Либан
Палестинскиот претседател Махмуд Абас повторно повика на прекин на израелската офанзива на Појасот Газа и побара запирање на испораката на американско оружје за Израел.
Абас излезе на говорницата на Генералното собрание на Обединетите нации во Њујорк и, пред официјално да им се обрати на делегатите, трипати ги повтори зборовите „нема да заминеме“, мислејќи на палестинската определба да не бидат принудени да ја напуштат Палестина среде војната во Газа и нападите од израелски доселеници на окупираниот Западен Брег.
Тој постојано го критикуваше Израел, велејќи дека тој врши геноцид во Газа, кој според него сега се подготвува и за Либан.
Во жестоките забелешки до Вашингтон, кој ја поддржува Палестинската управа што тој ја предводи, Абас го критикуваше континуираното снабдување со американско оружје за Израел, истовремено блокирајќи ги резолуциите на Советот за безбедност на ОН кои повикуваат на прекин на огнот претходно во конфликтот.
Тој не ги спомна Хамас, лутите ривали на секуларната партија Фатах предводена од Абас, но се осврна на нивните напади врз Израел на 7 октомври и рече дека го осудува убиството на цивилите од двете страни.