Свет
Сугаревски осомничен за поткуп
По две и пол години истрага, вчера почна судењето на Владо Сугаревски, поранешен генерален директор на РЕК „Битола“ и пратеник од ВМРО-ДПМНЕ.
Пеце Стефановски
По две и пол години истрага, вчера почна судењето на Владо Сугаревски, поранешен генерален директор на РЕК „Битола“ и пратеник од ВМРО-ДПМНЕ. Обвинението го товари за злоупотреба на службената положба и овластување, примање поткуп и измама.
Пред кривичниот совет во Основниот суд во Битола, покрај Сугаревски вчера се појави и второобвинетиот Влатко Кочински, кој се товари дека како комерцијален директор на РЕК „Битола“ ја злоупотребил службената должност. Присутен беше и Мишко Миленковски, сопственикот на приватната фирма „Сокол и елен“, кој на Сугаревски му дал поткуп за да добие тендер во РЕК „Битола“.
Владо Сугаревски, според истрагата, правел малверзации во тендерите, и зел поткуп од фирмата „Сокол и елен“. Тој службеното возило го користел за патување на седници на Собранието, од каде земал пари за превоз како да патува со приватно возило, а во исто време, подигал пари за дневници и од РЕК „Битола“, во периодот од 2000 до 2002 година.
Во почетокот на 2003 година Сугаревски беше 23 дена во притвор. Во тој период битолската полиција и инспекторите на УБК упаднаа во неговите станови и пронајдоа црн тефтер во кој го водел својот дневник. Колку компромитирачки докази во него се пронајдени против Владо Сугаревски, се уште не е познато. Меѓутоа, познато е дека во 2000 година Сугаревски имал отворено штедна книшка во Алфа-банка во Лерин, за што гарант му бил грчки државјанин кој соработувал со него, меѓутоа подоцна на грчките и македонски разузнавачи им послужил како крт, за да ја фатат оваа трансакција на Сугаревски.
Во последните месеци на 2000 година Сугаревски во повеќе наврати, под параванот дека службено патува во термоелектричните централи во Птолемаида, во филијалата на Алфа банка во Лерин внесувал кеш по 100.000 германски марки, веднаш барал да се изврши конверзија во 87.000 австралиски долари што ги депонирал во Коменвелт банка во Мелбурн, Австралија. Во тој период, во РЕК „Битола“ немаше јагленови резерви на депонија и на Македонија и се закануваше мрак. За овие трансакции постојат фотокопирани документи во УБК, но не е покренато обвинение.
Неговиот адвокат вчера побара изземање на судијката Мери Радевска, а судскиот совет го задолжи ваквиот предлог писмено да го образложи до 20 декември кога ќе се изјасни претседателот на Судот. Судењето продолжува на 18 јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вели дека Америка треба да се повлече од војната во Украина
Републиканскиот претседателски кандидат, Доналд Трамп, изјави дека САД треба да се повлечат од војната во Украина и дека демократската потпретседателка, Камала Харис и претседателот Џо Бајден немаат намера да го сторат тоа.
„Бајден и Камала не’ воведоа во војната во Украина и сега не можат да не’ извлечат. Не можат да не’ извлечат“, рече Трамп во својот говор во Џорџија.
САД немаат војска во Украина, но обезбедија воена и хуманитарна помош вредна милијарди долари.
„Мислам дека сме заглавени во таа војна, освен ако не станам претседател. Ќе ја прекинам. Ќе преговарам и ќе излеземе. Мораме да излеземе“, рече Трамп.
Свет
Зеленски: Војната со Русија е поблиску до крајот отколку што мислат луѓето
Претседателот на Украина, Володимир Зеленски, денеска изјави дека војната со Русија е поблиску до крајот отколку што се мисли.
„Мислам дека сме поблиску до мир отколку што мислиме. Само треба да бидеме многу силни“, изјави Зеленски за ABC News.
Тој додаде дека победничкиот план што ќе му го претстави на американскиот претседател Џо Бајден оваа недела ќе бара од сојузниците да „помогнат за зајакнување“ на украинската армија.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.