Свет
Амнестија за Војо, Ламбе, Љубен, Даравелa…
Власта токми новогодишен подарок – амнестија за Војо Михајловски, Ламбе Арнаудов, Љубен Пауновски, Драган Даравелски и за другите што се обвинети за злоупотреба на службената положба, дознава "Дневник".
ТОКМИ ЛИ ВЛАСТА СПЕЦИЈАЛЕН НОВОГОДИШЕН ПОДАРОК?
Власта токми новогодишен подарок – амнестија за Војо Михајловски, Ламбе Арнаудов, Љубен Пауновски, Драган Даравелски и за другите што се обвинети за злоупотреба на службената положба, дознава "Дневник". Подарокот ќе биде спакуван во вид на измена на Кривичниот законик, од кој ќе се избрише членот 353, кој се однесува на кривичното дело злоупотреба на службена положба.
Нашите извори тврдат дека бришењето на овој член е дел од договорот на ВМРО-Народна партија со СДСМ. Имено, партијата на Љубчо Георгиевски се обврзала да гласа за уставните промени, а за возврат владејачката партија да помогне да се ослободат од гонење сите поранешни функционери.
Предлог-законот за измена на Кривичниот законик, поднесен од ВМРО-НП, е веќе во собраниска процедура и најверојатно ќе биде на дневниот ред на седницата на 20 декември. Ако помине, пратениците од Народна очекуваат да бидат запрени сите постапки што се водат за ова дело, според генералното правило дека новите закони важат ретроактивно ако се во полза на обвинетите. Иако тоа не би значело автоматска амнестија, зашто обвинителството ќе може да ги гони според другите одредби од законот, нашите извори претпоставуваат дека новата ситуација сепак ќе значи слобода за повеќе поранешни функционери.
– Бришењето на овој член и одговара и на власта зашто на тој начин ќе се ослободат од одговорност сите актуелни функционери за кои се утврдени ненаменски и незаконски трошења на пари. Тоа е во интерес и на самиот премиер Владо Бучковски, за кој беше утврдено дека, како министер за одбрана, ненаменски трошел државни пари. Нешто слично беше направено во 1996 година, кога од одговорност за злоупотреба на службена положба беа изземени директорите на тогашните општествени претпријатија, со што се елиминира секаква можност за санкционирање на криминалната приватизација – вели нашиот извор.
Во ВМРО-НП најостро ги отфрлаат овие тврдења и објаснуваат дека гласовите што ги дадоа за уставните промени не се поврзани со предложената измена во Кривичниот законик.
– За уставните амандмани гласавме зашто ни беа прифатени повеќе забелешки и зашто тие се во насока на нашето приближување до Европа, а не поради некаков пазар. Спорниот член е рецидив од претходниот систем. Тој треба да се избрише и како дел од приспособувањето на нашето законодавство кон европското. Никаде во Европа нема такво дело. Зборот злоупотреба е преширок и под него може да се подразбира се и сешто, а тоа на органите на прогонот им дава можност за широко толкување. Досегашното искуство покажа дека има огромен број обвиненија, а многу малку завршени случаи. Оваа одредба очигледно служи само за малтретирање на обвинетите, за политички реваншизам и за водење хајки – вели Жарко Караџовски, пратеник на ВМРО-Народна.
Идејата за бришење на членот 353, оваа партија првпат ја соопшти по обидот за самоубиство на обвинетиот Војо Михајловски. Таа веднаш наиде на остри критики и во стручната јавност и во антикорупциската комисија.
– Бесмислено и спротивно на сите трендови во меѓународната регулатива е овој член да се брише од Кривичниот законик. Сите измени во Кривичниот законик што ги направивме досега заради усогласување на домашната со европската регулатива беа за заострување на санкциите кон злоупотребите на власта и за јакнење на нејзината одговорност. Овој член го има во законодавствата на сите држави – изјави професорот по кривично право, Владо Камбовски.
Слично размислува и претседателот на антикорупциската комисија, Драган Малиновски, кој смета дека ако се избрише тој член, ќе се создаде огромна празнина во правниот систем.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Украинците објавија снимки од жестоки улични борби за важен град на северот
Украинската гранична стража објави снимка од жестоки борби за стратешки важниот град Вовчанск на североистокот на земјата, во областа Харков.
Борбите за тој град траат веќе една недела, откако руските сили почнаа ненадејна копнена офанзива преку границата. Во него тие зазедоа десетина села во регионот на Харков, но градот Вовчанск, кој беше речиси целосно евакуиран, сè уште се држи.
Русите тврдат дека во градот влегле од два правци за да воспостават позиции, а Украинците тврдат дека ги туркаат назад и го стабилизираат фронтот. Очигледно, најголем дел од борбите се водат во областа Вовчанск.
Регион
(Видео) Полуматуранти од Црна Гора го запалија училиштето
Полуматуранти од основното училиште во Долна Горица, Црна Гора, наводно го запалиле училиштето за време на матурската прослава.
На страницата на „Инстаграм“, „Подгорички времеплов“, е објавено видео од пожарот, каде што е наведено дека тој бил предизвикан од факел.
„Полуматурантите со факел го прославија крајот на школувањето, а потоа го запалија училиштето во Долна Горица“, се наведува.
View this post on Instagram
Како што можете да видите на видеото, чадот е висок неколку метри и го зафатил самиот покрив на основното училиште „Владо Милиќ“ во Долна Горица.
Поради употреба на пиротехнички средства, училиштето било опожарено, а учениците се евакуирани поради пожарот, пишува порталот „Антена“.
Свет
(Видео) Највисока тревога поради вулкан: серија ерупции на островот во Индонезија
Индонезиските власти прогласија највисоко, четврто ниво на тревога во провинцијата Северен Малуку, по серијата ерупции на вулканот Ибу.
Вулканот Ибу, кој се наоѓа на оддалечениот остров Халмахера во источна Индонезија, еруптира првпат на 11 мај исфрлајќи колона од вулканска пепел висока 5.000 метри, според агенцијата ВНА, додавајќи дека значително зголемување на вулканската активност е снимено од средината на април.
На жителите што живеат во близина на Ибу и на туристите им беше препорачано да останат на безбедно растојание од четири до седум километри од вулканот и да носат маски за лице во случај на ерупција на пепел. Индонезија, архипелаг, дом на 270 милиони луѓе, има 127 активни вулкани.
Индонезија е склона кон вулканска активност бидејќи се наоѓа покрај Огнениот прстен, серија сеизмички раседи во облик на потковица околу Тихиот Океан. Ибу е еден од најактивните вулкани во Индонезија, кој еруптира повеќе од 21.000 пати во 2023 година.
Според официјалните податоци од 2022 година, на островот Халмахера живеат повеќе од 700.000 луѓе. Во април, вулканот Руанг во провинцијата Северен Сулавеси еруптира неколкупати принудувајќи повеќе од 12.000 жители да се евакуираат на блиските острови.