Свет
Идејата за банка на органи на интензивна анализа
Идејата да се формира банка на човечки органи во Скопје е на интензивна анализа кај министри, лекари и научници.
ПОЛОЖАНИ МУ ПРЕДЛОЖИ ЛЕК НА ДИМОВ
Идејата да се формира банка на човечки органи во Скопје е на интензивна анализа кај министри, лекари и научници.
На владина седница, министерот за образование Азиз Положани неодамна му предложил на министерот за здравство Владо Димов да ја разгледа таа можност како решение на проблемот со болните на дијализа, дознаваме од високи владини извори.
Димов не бил среќен со сугестијата и одбил понатаму да разговара за тоа. Положани рекол дека тоа е само идеја, дека Димов треба да ја сфати како сугестија од целата Влада и оти нема да му се меша во подготовката на стратегијата за решавање на проблемот со болните на дијализа.
– Далеку од тоа дека сакам да му се мешам на министерот за здравство, но добро е да размисли за таа можност. Треба прво да се отвори јавна расправа за ова прашање, зашто сигурно ќе има реакции, како од научниците така и од верските заедници. Ваква сугестија упатив и до некои академици – вели Положани.
Во Министерството за здравство тврдат дека Димов не го одбил предлогот и почнал да екипира врвни лекари што ќе бидат вклучени во доработка на законската рамка за трансплантација на органи.
– Треба да се донесат подзаконски акти за да се реализира идејата за формирање банка за органи. Затоа формиравме специјална работна група составена од нефролози, кои во наредната недела ќе се произнесат за тоа прашање – вели Димов.
Законот за трансплантација на органи е донесен уште пред 10 години, но се уште не се подготвени подзаконските акти за да почне да се применува трансплантација на органи од починати лица. Во Македонија досега се извршени околу 180 трансплантации на бубрези.
– Ние бевме првиот центар во поранешна СФРЈ кој почна со такви операции. Потоа се случи распадот на државата и прекинавме со трансплантации. Во последните неколку години пресадуваме бубрези кај триесетина пациенти и тоа само од живи донори, најчесто од блиски роднини на пациентите. За повеќе интервенции нема доволно простор – објаснува Живко Попов, шеф на центарот за трансплантација на бубрези и национален координатор за трансплантација на органи и ткива.
Тој вели дека националното координативно тело одамна предлага да се отвори банка за органи во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Додик сакаше да го бакне Путин три пати, наместо втор бакнеж, претседателот на РС го бакна „воздухот“
Претседателот на Република Српска, Милорад Додик во Санкт Петербург се сретна со рускиот претседател Владимир Путин.
Кликс пишува дека на средбата се случила малку смешна ситуација кога Додик отишол да го бакне Путин три пати, но очигледно еднаш му било доволно на Путин.
Изгледаше дека Путин е збунет од ситуацијата, па го потапка Додик по рамо и ги избегна другите два бакнежи.
Путин на средбата рекол дека Русија не го менува ставот во однос на Дејтонскиот договор и оти сметаат дека Дејтон е основа за зачувување на ситуацијата во Босна и Херцеговина, но и за развојот, пренесува Кликс. Путин рече дека е познат ставот на Русија и изјави дека надлежностите во Дејтонскиот договор се фиксирани и дека Русија ќе придонесе за тоа.
„Господине претседателе, драг пријателе, топло ви посакуваме добредојде во Санкт Петербург. Не толку одамна се сретнавме на спортски настан. Денес ја прифативте нашата покана да учествувате во работата на форумот во Санкт Петербург. Ние сме многу среќни поради тоа“, му рече рускиот претседател на Додик.
Додик, од друга страна, му се заблагодари на Путин за „принципиелноста за Дејтонскиот договор“.
Свет
Бајден: Нема да го помилувам мојот син доколку биде осуден
Американскиот претседател Џо Бајден изјави во четвртокот дека нема да го помилува својот син Хантер, кому му се суди во Делавер под обвинение дека го прекршил законот кој им забранува на корисниците на дрога да поседуваат огнено оружје.
Во интервју за Еј-би-си Њуз, тој одговори со „да“ на прашањето дали ја отфрла можноста за помилување за Хантер. Тој исто така одговори со „да“ на прашањето дали ќе ја прифати пресудата во судскиот процес кој почна неделава.
Доколку биде осуден по сите точки од обвинението во Делавер, Хантер Бајден се соочува со затворска казна до 25 години, иако обвинетите обично добиваат пократки казни, според американското Министерство за правда.
Хантер Бајден, чие судење започна во вторникот, е обвинет дека не пријавил употреба на дрога кога купил пиштол во 2018 година и нелегално поседувал пиштол 11 дена во октомври 2018 година. Тој се изјасни за невин.
Свет
Данска, Грција, Пакистан, Панама и Сомалија избрани во Советот за безбедност на ОН
Генералното собрание на ОН денеска ги избра Данска, Грција, Пакистан, Панама и Сомалија во 15-члениот Совет за безбедност на ОН со двегодишен мандат, почнувајќи од 1 јануари 2025 година.
Советот за безбедност е единственото тело на ОН кое може да носи правно обврзувачки одлуки како што се наметнување санкции и одобрување употреба на сила.
Има пет постојани членки со право на вето: Велика Британија, Кина, Франција, Русија и САД. Се избираат преостанатите 10 непостојани членови. Секоја година се избираат пет нови членови.
Данска, Грција, Пакистан, Панама и Сомалија ќе ги заменат Еквадор, Јапонија, Малта, Швајцарија и Мозамбик.