Свет
Најмалку 16 загинати во судирите во Сомалија
Најмалку 16 луѓе загинаа во судирите меѓу исламските бунтовници и владините сили во главниот град на Сомалија, Могадиш.
Најмалку 16 луѓе загинаа во судирите меѓу исламските бунтовници и владините сили во главниот град на Сомалија, Могадиш.
„Повеќето жртви се исламски борци, убиени во неколку судири во главниот град“, рече Мохамед Абдирахман, задолжен за безбедноста во Сомалија, пренесува агенцијата Франс прес.
Тој додаде дека вооружени групи ги нападнале владините сили на северот на Могадиш и дека во судирите што следеле бунтовниците биле совладани. Во борбата загинале и двајца војници и тројца цивили, кои се нашле во вкрстената престрелка.
Исламските борци кои ја поддржуваат Ал Каеда водат борби со сомалиските владини сили и силите на Африканската унија во Сомалија на фронтот северно од Могадиш.
Тие сакаат да ја соборат владата на умерениот претседател Шариф Шеик Ахмед, избран на функцијата во јануари 2009. година.
Сомалиската влада контролира помал дел на Могадиш и опстанува на власт само благодарејќи на поддршката на Африканската унија во Сомалија.
Во Сомалија граѓанска војна се води без прекин од 1991. година. /крај/афп/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.