Свет
"Макстил" се жали дека плаќа најскапа струја
И покрај тоа што неговиот доскорешен прв човек седи на вицепремиерското место во Владата
И покрај тоа што неговиот доскорешен прв човек седи на вицепремиерското место во Владата
И покрај тоа, оваа компанија зад себе остава уште една успешна година и продолжува да биде лидер на националниот челичен комплекс
НИНА НИНЕСКА-ФИДАНОСКА
"Макстил" се жали дека користи најскапа струја во Македонија. Тоа што неговиот доскорешен прв човек Минчо Јорданов седи на вицепремиерското место во Владата, во ЕСМ не се посебно импресионирани. Тие сметаат дека "Макстил" плаќа според законот и дека се неоправдани нивните барања за привилегирани цени на електричаната енергија како голем потрошувач.
"Макстил" уште пред поделбата на ЕСМ до компанијата доставил барање за привилегирана цена, каква што користат многу други компании во земјава. Оттаму добил негативен одговор, со образложение дека овој производител на челик е мал потрошувач и не му следуваат вакви поволности.
"Иако имавме доставено барање до ЕСМ за бенефицирана цена на струјата, тоа не ни беше одобрено, со образложение дека ние влегуваме во категоријата мали потрошувачи", изјави вчера Александар Панов, генерален директор на "Макстил". Се размислува да се достави и ново вакво барање, но се чека целосно да се поделат надлежностите меѓу новите делови на ЕСМ.
Дури и вицепремиерот Јорданов вчера се пожали на скапата струја, во неформалниот разговор со новинарите. "Ние сме еден од ретките потрошувачи што користиме најскапа струја. Таа е 70-80 отсто поголема од онаа за населението, а повисока е дури и од увозната струја", рече вчера Јорданов.
Но, скапите киловат-часови не се единствениот проблем со струјата што ја мачи оваа компанија. Имено, во последниве неколку дена "Макстил" не добива доволни количини електрична енергија од МЕПСО, што е причина да мора да работи со 30 отсто намален капацитет. Тоа создава огромни тешкотии за навреме да се реализираат испораките на западните партнери. Објаснувањето за ваквите "рестрикции" биле техничките проблеми со испораката на струја. Она што е уште пострашно, е што од МЕПСО не можеле ниту да прецизираат датум кога ќе завршат овие ограничувања.
Веднаш по ваквите поплаки стигна и известување од МЕПСО, од каде што уверуваат дека овие рестрикции биле неопходни поради испадот на трансформаторот во ТС ,,Скопје 5". Времетраењето на вонредната состојба ќе се знаело по направените анализи од домашни и странски експерти.
Но, и покрај сите препреки, "Макстил" може да се пофали дека зад себе остава уште една успешна година. Фирмата остварила профит од 3,7 милиони евра за првите девет месеци од годинава. До крајот на годината извозот ќе достигне стотина милиони евра, со што "Макстил" ќе продолжи да биде најголем нето-извозник и цврсто да стои на позицијата лидер на националниот челичен комплекс. Компанијата го остварила целосно бизнис-планот и инвестициите, а со тоа и јавно дадените ветувања од минатата година. Во фирмата работат близу 1.000 вработени, со речиси двојно повисоки плати од државниот просек.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Силен ветер урна сцена на концерт во Мексико, седум повредени
Сцена на концерт на отворено во Мексико Сити се урна во четврток попладне по локално време, при што беа повредени седум лица, соопштија локалните власти.
Градските власти соопштија дека инцидентот се случил кога силните ветрови урнале метална конструкција што била дел од сцената.
Итните служби им пружиле медицинска помош на повредените на местото на настанот, а две лица се однесени во болница на понатамошно лекување, се вели во соопштението.
Сцената беше поставена за музички настан по повод Денот на мајките.
Европа
(Видео) Преседан во Ватикан: за прв пат објавена снимка од папата веднаш по изборот
Само неколку часа откако кардиналот Роберт Превост вчера беше именуван за нов поглавар на Католичката црква, Ватикан објави видео на кое се гледа како тој ги поздравува 133-те кардинали кои го избраа, објавува „Њујорк пост“.
Pope Leo XIV embraces each of the Cardinal electors just after he accepts his election to become the 267th Pope. pic.twitter.com/0cP28r7mam
— Vatican News (@VaticanNews) May 8, 2025
Папата роден во Чикаго ја изрази својата благодарност во Систинската капела неколку часа откако кардиналите го избраа на вториот ден од конклавата.
Видеото го прикажува папата Лав XIV додека кажува молитва од олтарот на историската римска катедрала, по што се повлекува, а потоа се моли приватно. На крајот, тој е виден како се ракува со кардиналите со насмевка.
Европа
Британскиот премиер: Ќе направиме сè за да ја уништиме операцијата на руската флота во сенка
Велика Британија објави дека ќе санкционира до 100 танкери за нафта од таканаречената руска флота во сенка, со цел да го зголеми притисокот врз Москва во нејзината војна со Украина. Бродовите од почетокот на минатата година превезле товар во вредност од повеќе од 24 милијарди долари, а некои бродови биле вклучени и во оштетување на критичната инфраструктура, соопштија Британците.
Канцеларијата на премиерот Кир Стармер соопшти дека санкциите ќе претставуваат најголем пакет мерки на Велика Британија против флотата во сенка, но не даде дополнителни детали.
Стармер ќе ги објави мерките на состанокот на лидерите на безбедносната алијанса на Заедничките експедициски сили (JEF), што ќе се одржи во петок во Норвешка. JEF се состои од 10 земји – Обединетото Кралство, пет нордиски земји, три балтички земји и Холандија.
„Секој чекор што го преземаме за зголемување на притисокот врз Русија и постигнување праведен и одржлив мир во Украина е уште еден чекор кон безбедноста и просперитетот во Обединетото Кралство“, рече Стармер.
„Ќе направиме сè што е во наша моќ да го уништиме работењето на флотата во сенка, да ја лишиме нејзината воена машинерија од приходи од нафта и да ја заштитиме подводната инфраструктура на која се потпираме во нашиот секојдневен живот“, додаде тој.
Бродовите се осомничени за оштетување на подводната инфраструктура во Европа, вклучувајќи далноводи, кабли и цевководи во Балтичкото Море. Нордиските и балтичките земји, вознемирени од растечките ризици од саботажа, инсистираа на акција.
„Влен“: 9 и 10 мај – црни денови во Куманово, албанските куќи гореа додека министрите на ДУИ се чешлаа
„Во темната колективна меморија на Албанците во Северна Македонија, 9 и 10 мај 2015 година ќе останат засекогаш како денови...
Извршен увид по пукањето во Штип: убиениот и напаѓачот се странски државјани
Јавен обвинител од Основното јавно обвинителство Штип ноќеска вршеше увид на локација во кафе бар каде едно лице беше лишено...
Британскиот премиер: Ќе направиме сè за да ја уништиме операцијата на руската флота во сенка
Велика Британија објави дека ќе санкционира до 100 танкери за нафта од таканаречената руска флота во сенка, со цел да...
Џеј Ди Венс: Војната меѓу Индија и Пакистан не е наша работа
Американскиот потпретседател Џеј Ди Венс изјави дека Индија и Пакистан треба да ги деескалираат тензиите, но додаде дека САД не...
Американци: Вистина е, Пакистан собори индиски „Рафал“ со авион од кинеско производство
Борбен авион Ј-10 од кинеско производство, кој им припаѓал на пакистанските воздухопловни сили, собори најмалку два индиски воени авиони, потврдија...
Пукање во Штип, едно лице е повредено
Едно лице е повредено во пукање што се случило вчера вечер во кафуле на градскиот плоштад „Слобода“ во Штип. Според...
(Видео) Папата Лав 14 го одржа првиот говор: „Бог нè сака сите, безусловно“
Новиот поглавар на Католичката црква, папата Лав 14, вечерва се појави на главниот балкон на базиликата „Свети Петар“ и го...
Набавена медицинска опрема вредна 13 милиони евра никогаш не е ставена во употреба
Медицинска опрема вредна 13 милиони евра не е ставена во употреба во медицинските установи, утврди Државниот завод за ревизија. Тоа најмногу...
Порака на Гаши од Рим: Без интеграција во ЕУ на Балканот, ризикуваме создавање на географски вакуум
Претседателот на Собранието, Африм Гаши и делегацијата во посета на Италиjа имаше средба со сенаторката Ема Паванели, која е и...
По десет години затвор за сопственикот и одговорниот во „Дурмо турс“: Апелација им ги зголеми казните на дел од обвинетите за несреќата кај Ласкарци
Апелациониот суд Скопје информира дека зголеми дел од казните на обвинетите за несреќата кај Ласкарци, која ја предизвика неисправниот автобус...
Дете натепано од соученик во Ѓорче, насилството снимано со телефон и објавено на социјална мрежа
Случај со малолетничко насилство во Скопје заврши во рацете на полицијата. Според пријавеното во МВР, пред два дена, на 6...
Коцевски тврди дека истрагата за Кочани не е селективна, а можно е да биде проширена
Jавниот обвинител Љупчо Коцевски тврди дека нема никаква селективност во истрагата што се води за трагедијата во дискотеката „Пулс“ во...
Дурмиши ги предупреди трговците: Ако има енормно зголемување на цените, ќе има поригорозни мерки
Нови поригорозни мерки ќе бидат воведени доколку Државниот пазарен инспекторат утврди енормно зголемување на цените на производите по укинувањето на...
Димитриевски: Цел на лагите на СДСМ не сум јас, туку ЗНАМ како најбрзорастечка партија во Македонија
Претседателот на Движењето ЗНАМ – За наша Македонија, Максим Димитриевски, денеска одржа прес-конференција. „Од моментот на влез во политиката до...
Апасиев од Москва: „Нашите дедовци, партизаните, се бореа рамо до рамо со народите на Советскиот Сојуз“
На покана на претседателот на Комунистичката партија на Руската Федерација (КПРФ), Генадиј Зјуганов, претседателот на Левицата, Димитар Апасиев, заедно со...
Филипче за можната коалиција со ДУИ и со Таравари: Ќе разговараме со сите политички партии
Лидерот на опозицискиот Социјадемократски сојуз (СДСМ) не ја исклучи можноста за коалиција со Демократската унија за интеграција (ДУИ) и со...
30-годишник призна вина за ширење омраза: коментирал објави за Парадата на гордоста во Скопје и повикувал на насилство
Постапувајќи по поднесен обвинителен предлог од Основното јавно обвинителство Скопје, Основниот кривичен суд Скопје донесе пресуда со која осуди едно...
Изгоре стан во Кичево, загина жена
Жена загина синоќа во пожар во својот стан. Пожарот избил на улицата 4 Јули во Кичево, а починатата е 72-годишна...
„Влен“: Таравари украде пратенички мандати на граѓаните во име на промената, а сега се обидува да ги фрли во казанот на ДУИ
ДУИ не може да се дефинира поинаку освен како казан во кој вријат кражби, криминал и корупција. Токму во тој...
ДУИ разочарана: Преку самопонижување албанските партнери од коалицијата „Влен“ ги понижија сите Албанци
„Демократската Унија за Интеграција изразува длабоко разочарување од однесувањето на албанските коалициски партнери на ЛЕН во власта. На јавна сцена...
