Свет
Младенов со нови сметки кај Прчевски и кај Маневски
Никола Младенов, директорот на неделникот „Фокус“, со новите информации за наводните трансфери на пари на сметки на македонски политичари и бизнисмени од денеска ќе оди по институциите на прогонот и лично ќе им го предава новиот комплет.
Никола Младенов, директорот на неделникот „Фокус“, со новите информации за наводните трансфери на пари на сметки на македонски политичари и бизнисмени од денеска ќе оди по институциите на прогонот и лично ќе им го предава новиот комплет. Тој овие информации претходно веќе им ги предаде на „Време“ и на повеќе други медиуми и реши да не ги објавува се додека не реагираат одговорните во обвинителството, во антикорупциската комисија и во Дирекцијата против перење пари. За денеска веќе била закажана средба со Михајло Маневски, новиот претседател на антикорупциската комисија. Младенов чека одговор на барањето за средба и со Александар Прчевски, јавниот обвинител и со Владо Наумовски, директорот на Дирекцијата за спречување перење пари.
„Изминатите три недели се тажен показател за неподготвеноста на нашето општество да се фати во костец со својот најсериозен проблем. Очигледно, определбата за борба против организираниот криминал си останува на ниво на гола декларативност. Јавноста, со чесни исклучоци, повеќе одмагаше во расчистувањето со сомнежите за случајот ‘Швајцарски сметки’. Од тие причини, последните информации за нив ќе ги проследиме ‘само’ до јавниот обвинител, антикорупциската комисија и борците против перењето пари!’, пишува Младенов во денешниот напис во „Фокус“.
Според новите документи, повторно станува збор за трансфер на милионски суми, овојпат преку банки во Кипар, Хонг Конг, Лихтенштајн и во Германија, а има основани сомневања дека се вмешани и неколку македонски бизнисмени и големи компании.
Денеска почнува четвртата недела откако „Фокус“ ги објави првите документи за трансфери на милионски суми на пари на име на Хари Костов и на Бранко Црвенковски. Се уште ниту обвинителството, ниту пак полицијата не покажале интерес за швајцарските сметки на двајца бивши премиери и на сегашниот претседател на државата. „Фокус“ пред три недели објави факсимили од кои се гледа дека Црвенковски имал 12 милиони американски долари, а Костов 338.000 долари во две банки во Швајцарија. Сметките наводно биле отворени во времето кога Црвенковски бил премиер, а Костов министер. Обајцата изјавија дека веќе поднеле приватни тужби за Младенов.
А. Д
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вели дека Америка треба да се повлече од војната во Украина
Републиканскиот претседателски кандидат, Доналд Трамп, изјави дека САД треба да се повлечат од војната во Украина и дека демократската потпретседателка, Камала Харис и претседателот Џо Бајден немаат намера да го сторат тоа.
„Бајден и Камала не’ воведоа во војната во Украина и сега не можат да не’ извлечат. Не можат да не’ извлечат“, рече Трамп во својот говор во Џорџија.
САД немаат војска во Украина, но обезбедија воена и хуманитарна помош вредна милијарди долари.
„Мислам дека сме заглавени во таа војна, освен ако не станам претседател. Ќе ја прекинам. Ќе преговарам и ќе излеземе. Мораме да излеземе“, рече Трамп.
Свет
Зеленски: Војната со Русија е поблиску до крајот отколку што мислат луѓето
Претседателот на Украина, Володимир Зеленски, денеска изјави дека војната со Русија е поблиску до крајот отколку што се мисли.
„Мислам дека сме поблиску до мир отколку што мислиме. Само треба да бидеме многу силни“, изјави Зеленски за ABC News.
Тој додаде дека победничкиот план што ќе му го претстави на американскиот претседател Џо Бајден оваа недела ќе бара од сојузниците да „помогнат за зајакнување“ на украинската армија.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.