Свет
Месо од клонирани крави влегло во британскиот синџир на исхрана
Месо од потомок на клонирана крава влегло во Британскиот синџир на исхрана, признаа за прв пат властите, пренесува британски Телеграф.
Месо од потомок на клонирана крава влегло во Британскиот синџир на исхрана, признаа за прв пат властите, пренесува британски Телеграф. Агенцијата за стандарди на храната (Food Standards Agency – FSA), признала дека месото од тригодишен бик, потомок на клонирано животно, било исечено, продадено и изедено минатата година. Се смета дека месото, најверојатно завршило во некоја пита или бургер во Шкотска. Признанието доаѓа два дена по силните негирања од страна на ФСА како и месната индустрија дека било какво млеко или месо од клонирани животни или нивните потомци, некогаш влегло во синџирот на исхрана, пишува британскиот весник. Храната од клонирани животни, или нивните потомци е илегална, според Агенцијата за стандарди на храната (ФСА). Претходните неколку дена постоеле силни несогласувања помеѓу ФСА и Брисел за интерпретацијата на законот, додека од европските институции одговорни за поставување на сите британски закони за безбедноста на храната излегле гласини дека најверојатно илјадници млечни и месни производи кои се создадени од клонирани животни, се продаваат на британскиот пазар. Дејвид Баулс од РСПЦА – организација за заштита на правата на животните која е против клонирањето, за Телеграф изјавил дека е вџашен од фактот дека месо од клон веќе влегло во синџирот на исхрана. „Некој човек несвесно го изел ова месо. А ние не знаеме дали месото е опасно за човековото здравје или не,“ рекол Баулс. Се уште не постојат докази дали јадењето месо или млечни производи од животно кое е клонирано или неговиот потомок е штетно за човековото здравје, но борците за правата на животните тврдат дека процесот на клонирање е многу опасно за самите животни и продуцира овци и крави со скратен век на живеење./крај/телеграф/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.