Свет
Бунтовници од Уганда убиле 255 луѓе, претежно деца

Една од најсуровите африкански бунтовнички групи „Божјата армија на отпорот“ убила најмалку 255 луѓе во последниве 18 месеци, тврди организацијата „Хјуман рајтс воч“, пренесува Асошиејтед прес
Организацијата во својот извештај посочува и дека светските медиуми речиси воопшто не известувале за кампањата на масовни убиства, грабнувања и масакри во Конго и во Централната африканска република во измината една ипол година. „Божјата армија на отпорот“ (БАО) започна да дејствува во Уганда пред 20 години и од тогаш е постојано потиснувана кон запад. Групата е сега активна во триаголникот што се протега на границите меѓу Конго, Централната африканска република и јужен Судан. Таму бунтовниците ги обновуваат своите редови преку грабнувања, во кои се вклучени и деца, кои се присилени да станат деца – војници или сексуални робови. И возрасните, кои ги користат како носачи, исто така се честа цел на грабнувачите. БАО по грабнувањето безмилосно ги убивала оние кои се движеле пребавно или кои паѓале под тешките товари што биле принудени да ги носат. Многумина од нив биле убиени со кршење на черепите, а децата биле присилувани да тепаат и да убиваат други деца, вклучувајќи ги и нивните браќа и сестри, се вели во извештајот. Малкуте кои успеале да побегнат живи од нападите на БОА раскажуваат дека во последно време групата е во потрага по места каде што има основни училишта, што значи дека имаат потреба и ќе грабнуваат уште деца. БОА е позната по тоа што своите редови најмногу ги пополнува со деца , од кои некои имаат по само 10 години, затоа што децата лесно се контролираат. Ги челичат со тоа што ги дрогираат и ги тераат да изведуваат незамисливи ѕверства. Од 45 деца кои ги интервјуирале од „Хјуман рајтс воч“, речиси сите признале дека биле присилени да убијат друго дете. На своите почетоци во текот на 1980-те години, БОА имала поддршка од локалното население на северот на Уганда, кои се чувствувале запоставени од централната влада. Поголем дел од грабнувањата и убиствата не се пријавуваат со месеци, бидејќи областите каде што делува БОА се толку зафрлени, што до таму немаат пристап ниту ОН ниту хуманитарните организации. /крај/ап/ссе/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Заменик началникот на ВМА: Состојбата на пациентите од Македонија е тешка

Заменикот началник на воената медицинска академија, Иван Лековиќ, денес изјави дека шест пациенти биле транспортирани во оваа здравствена установа и дека еден пациент е згрижен во воената болница во Ниш и посочи дека сите се во тешка и сериозна состојба.
Во изјавата на Министерството за одбрана се наведува дека пациентите биле транспортирани во три медицински возила и транспортниот авион на српската армија и дека еден пациент е згрижен во воената медицинска болница во Ниш. Сите пациенти кои биле примени во Воената медицинска академија се на помлада возраст, од 1998 до 2007 година, и тие се на единици за интензивно леќење, а нивната состојба е тешка и сериозна. „Ги преземавме сите мерки на интензивно лечење и ги искористивме сите наши ресурси за да им помогнеме на овие луѓе и да им помогнеме на луѓето од Северна Македонија“, рече Лековиќ.
Зборувајќи за процесот на повреди тој истакна дека сите пациенти биле во многу сериозна состојба.
„Покрај изгорениците што ги имаат сите, пациентите имаат и знаци и симптоми на труење од чадот, како и инхалациони повреди, односно оштетување на органи за дишење со топол воздух и материјали од пожарот. Лечењето е долготрајно, изискува бројни операции, вклучување на бројни други специјалисти – пулмолози, кардиолози, невролози, пластични хирурзи“, рече Лековиќ, според тамошните медиуми.
Тој додаде дека сите оперативни интервенции се изведуваат во повеќе акти и дека ќе треба да направат одредени засеци, да ги елиминираат овие оштетени површини и да ги покриваат изгорените површини со различни видови трансплантации.
„Сето тоа бара време и многу напор“, рече полковникот Лековиќ, додавајќи дека пациентот кој бил примен во болницата во Ниш, бил опериран и дека е во сериозна состојба.
Тој изјавил дека тие испратиле тим од шест члена до Македонија, кој се состои од двајца хирурзи пластичари, анестезиолог, анестетичар и двајца медицински техничари.
„Тие останаа во Скопје за да им помагаат на колегите од Северна Македонија во операцијата на пациентите. Ќе бидат таму сè додека е потребно“, истакна Лековиќ.
Македонија
Вучиќ ги посети повредените од пожарот во дискотеката од Македонија: Ќе биде добро, лекарите велат да не се грижите

Српскиот претседател Александар Вучиќ ги посети повредените во пожарот од дискотеката во Северна Македонија кои се на лекување во Клиничкиот центар на Србија.
„Ќе биде добро. Лекарите велат да не се грижите“, му кажа претседателот на еден од повредените, кој лежи во болнички кревет покриен со завои.
– Ви благодарам, тие се одлични лекари – одгови младиот пациент.
„Само држете се, ви посакувам се најдобро, не плачете, ќе бидете добро“, и рече претседателот на девојка додавајќи дека состојбата е донекаде сериозна, но нејзиниот живот не е во опасност.
„Имав можност да ги посетам луѓето кои беа повредени во страшната трагедија во Македонија. Тука лежат 9, во КЦС“, забележа тој на почетокот.
– Степенот на изгореници се движи од 4 проценти до многу повисоко ниво, за да не се исплашат семејствата. Најголем проблем за неколку пациенти се повредите на белите дробови. Но, тука. Невозможно е да се најдат подобри услови некаде во Европа. „Ќе ни дојдат уште 12 пациенти, со што вкупниот број ќе се искачи на 29“, нагласи Вучиќ.
„Уште еднаш изразувам сочувство до братскиот македонски народ“, рече тој.
Слушнавте, потсети претседателот, млад човек на триесет години кој рече „само да можам ова да го преживеам“.
Во Србија синоќа пристигнале 17 повредени, а се очекува да пристигнат уште 12.
Македонија
Утре ден на жалост и во БиХ поради трагедијата во Македонија

Владата на Босна и Херцеговина на денешната итна седница донесе одлука со која 18 март 2025 година го прогласи за Ден на жалост во Федерацијата Босна и Херцеговина поради трагедијата во Северна Македонија.
Оваа одлука е донесена за да се изрази сочувство до семејствата на жртвите од трагедијата што се случи на 15 март 2025 година во градот Кочани, Северна Македонија, кога најмалку 59 лица ги загубија животите во пожар.
Денот на жалост се одбележува со задолжително истакнување на знамето на Босна и Херцеговина на половина копје, или на јарболот, на зградите на законодавните, извршните и судските власти, јавните институции, институциите и другите правни лица на територијата на Федерацијата БиХ.
На Денот на жалост не може да се одржуваат културно-забавни програми на јавни места во Федерацијата БиХ, а медиумите на територијата на Федерацијата БиХ се обврзани да ја усогласат и прилагодат својата програмска содржина на Денот на жалоста.