Свет
Парламентарни избори во Мјанмар на 7. ноември

Први избори во Мјанмар за последните две децении ќе се одржат на 7. ноември, соопшти воената хунта што управува со земјата, пренесува Асошиејтед прес.
Први избори во Мјанмар за последните две децении ќе се одржат на 7. ноември, соопшти воената хунта што управува со земјата, пренесува Асошиејтед прес.
„Повеќепартиските парламентарни избори ќе се одржат во недела на 7. ноември“, се вели во краткото соопштение од изборната комисија, која ги повика политичките кандидати да достават листи на кандидати во периодот меѓу 16. и 30. август.
Хунтата пред оваа објава усвои повеќе закони и акти, кои притворената опозициона лидерка Анг Сан Су Чи и меѓународната заедница ги оценија како недемократски и неправедни.
Според новите закони, на Су Чи и на другите политички затвореници кои според проценките ги има околу 2.000, им е забрането учество на изборите.
Националната лига за демократија на Су Чи ќе ги бојкотираат изборите. Оваа партија во мај беше прогласена за нелегална, бидејќи одби да се регистрира. Некои припадници на распуштената партија на Су Чи формираа нова партија – Национална демократска сила, за да можат да учествуваат на изборите.
Су Чи преку својот адвокат изрази незадоволство поради основањето на новата партија.
Новите закони што се однесуваат на изборната кампања, им забрануваат на партиите да организираат маршеви или на своите митинзи да кажуваат работи што би го загрозиле имиџот на земјата.
Националната лига за демократија освои мнозинство на последните избори во 1990. година, но хунтата не го почитуваше тој резултат.
Су Чи, добитничка на Нобеловата награда за мир, мина 14 години во домашен притвор, откако беше затворена во 1989. година.
Во август минатата година беше осудена поради прекршување на домашниот притвор, откако Американецот Џон Јето непоканет доплива до нејзината куќа на брегот на езерото во Јангон и кратко престојуваше таму.
Притворот на Су Чи е продолжен до ноември 2010. година, а судот во февруари го одби нејзиното барање за пуштање.
Приврзаниците на опозиционата лидерка тврдат дека пресудата е донесена Су Чи да биде тргната од изборната кампања. /крај/ап/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Утре ќе разговарам со Путин, има добри шанси да ја завршиме војната

Американскиот претседател Доналд Трамп најави дека утре ќе разговара со рускиот претседател Владимир Путин за можниот крај на тригодишната војна во Украина, по позитивниот исход од разговорите меѓу американските и руските претставници во Москва.
„Во вторник ќе разговарам со претседателот Путин. За време на викендот беше завршена многу работа. Сакаме да видиме дали можеме да ја завршиме оваа војна. Можеби можеме, можеби не можеме, но мислам дека шансите се добри“, рече Трамп за време на летот од Флорида до Вашингтон. Трамп ќе се обиде да добие поддршка од Путин за предложениот 30-дневен прекин на огнот што Украина го прифати минатата недела.
„Ќе разговараме за територии и за енергетски капацитети. Мислам дека веќе разговаравме многу за тоа со двете страни, и Украина и Русија“, рече Трамп на прашањето што ќе вклучуваат разговорите за прекин на огнот.
Американскиот државен секретар Марко Рубио и рускиот министер за надворешни работи Сергеј Лавров завчера разговараа за „следните чекори“ во предложениот прекин на огнот во Украина, пишува Политико.
Регион
(Видео) Осум од повредените во Кочани се во „Пирогов“ во Софија, три се деца, сите се во тешка состојба

Осум од повредените во пожарот во дискотеката „Пулс“ во Кочани се во тешка состојба во Софија во болницата „Пирогов“. Од нив три се деца на возраст од 15-16 години – две девојчиња и едно момче, објави БГНЕС.
Ова утрово го соопшти д-р Валентин Димитров, директор на „Пирогов“ – една од болниците каде што беа пренесени дел од повредените во трагичниот инцидент во Македонија, пренесе БГНЕС.
Уште петмина од примените во „Пирогов“ – четири мажи и една жена се во тешка општа состојба. Едно од децата е на интензивна нега. Тројца се интубирани. Изгореници има на горните екстремитети и лицето, објасни д-р Димитров.
Останатите повредени во Кочани, транспортирани во Бугарија, се сместени во Варна и Пловдив.
Д-р Валентин Димитров најави дека во моментов нема итна потреба од дарување крв за настраданите, но секогаш има потреба од крводарители. Тој апелираше да не престанува крводарителството. За повредените од Кочани, центрите за крв во Пловдив, Стара Загора и Софија се подготвени да одговорат на она што е потребно.
Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.