Свет
Албино девојче обезглавено и убиено поради суеверие

Единаесетгодишно албино девојче од Свазиленд било убиено пред нејзините пријатели и потоа обезглавено, за што полицијата верува дека е убиство направено во ритуал, пренесува Телеграф.
Единаесетгодишно албино девојче од Свазиленд било убиено пред нејзините пријатели и потоа обезглавено, за што полицијата верува дека е убиство направено во ритуал, пренесува Телеграф. Детето ја перело облеката во река со пријателите, и на враќање кон својот дом било грабнато од маж кој носел маска. Човекот ја застрелал во позадината на главата пред да ја одвлечка. Нејзиното обезглавено тело било пронајдено кратко по убиството. Грозоморното убиство е едно од серијата убиства кои се прават врз албино популацијата во деловите на Африка, каде се концентрирани носителите на оваа ретка пигментска состојба. Полицијата смета дека децата се убиваат поради верувањата кај одредени врачеви (witch doctors) кои со крвта и деловите од телото на албино луѓето прават напивки кои според нив ако се конзумираат носат среќа и добра енергија. Албинизмот во Африка, инаку, не е ретка појава. Во Танзанија која има 40 милиони жители, дури 200 илјади ја имаат оваа пигментална аномалија. Танзанија воедно е и државата во која најмногу се убивани албино луѓето, дури 40, додека последните години во соседниот Бурунди биле убиени десет албино луѓе. Пред две години новинарка која работи во BBC изнесе новинарска истражувачка сторија, во која таа во Танзанија се претставувала како успешна деловна жена од запад. Таа од локалните врачеви добила многу понуди направени од делови на тела од албино луѓе, кои требало да ја збогатат со нивна продажба на запад. Во Танзанија убивањето албино луѓе достигнало сериозни размери, што дури бил донесен и претседателски декрет со кој строго се забранува убивање албино луѓе. Но врачевите кои се главните нарачители на тела од албино луѓе, продолжиле со нивните „медицински“ практики, па затоа во оваа јужноафриканска држава само во една година се забележани убиства на 20 албина./крај/тгф/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ ќе се обрати во 22 часот

Српскиот претседател Александар Вучиќ се огласи на својот Инстаграм профил и напиша порака од само два збора.
– Да живее Србија – напиша Вучиќ.
Како што пренесува Танјуг, Вучиќ најави дека вечерва во 22 часот ќе им се обрати на граѓаните.
Регион
(Видео) Српското МВР процени дека на протестот во Белград присуствувале 107.000 луѓе, инциденти нема

Српското Министерство за внатрешни работи соопшти дека според проценките на полицијата, на сите локации во Белград има околу 107.000 луѓе, од кои најголем број доаѓаат од внатрешноста.
Поголеми инциденти или нарушување на јавниот ред и мир досега немало, соопшти МВР.
Slavija Square,Belgrade, right now. pic.twitter.com/m6Jc9PK3Pe
— 🇺🇦 paolo rel (@paolobucci18) March 15, 2025
Во моментов, студентските редари заедно со моторџиите се обидуваат да го расчистат просторот околу Собранието и да ги пренасочат демонстрантите кон Славија за да ја намалат можноста за инциденти.
Тие велат дека треба да се пренесе дека собирот е мирен, да не се користи пиротехничка опрема и никој да не паѓа на провокации.
Во Белград во тек е протестот 15 за 15.
Регион
(Фото+видео) „Тука сме затоа што предолго страдавме, но нема повеќе“ рече студентка на протестот во Белград

Во главниот град на Србија се одржува протест организиран од студенти кои веќе три и пол месеци ги блокираат универзитетите низ земјата, барајќи политичка и правна одговорност за смртта на 15 лица при уривање на настрешница во Нови Сад. На собирот не се забележани никакви инциденти.
Студентка на Славија која читаше говор на сцената рече „ние сме тука затоа што предолго страдавме, но нема повеќе“, додавајќи дека „повеќе нема да се дозволи корупцијата да загрозува нечиј живот“.
„Тука сме затоа што повеќе нема да дозволиме да ни ја одземате слободата, затоа што меѓусебно се заштитуваме, како што го лишивте студентот Реља и другите граѓани на протестот во Нови Сад. Тука сме затоа што повеќе нема да дозволиме функционери од која било партија организирано да напаѓаат студенти, како што ги нападнаа студентите на Факултетот за драмски уметности“, рече таа.
Студентката во својот говор истакна дека студентите повеќе нема да дозволат да бидат газени, како што ги газеа музичарите на белградската филхармонија, лекарите и студентите Соња и Кристина …
„Тука сме затоа што повеќе нема да дозволиме да не тепате со палките што ги чувате во партиските простории, како што ја тепавте студентката Ана. Тука сме затоа што повеќе нема да дозволиме да не лажат и навредуваат, како што тоа го прави јавниот медиумски сервис и државниот врв од самиот почеток на студентските блокади. Тука сме затоа што повеќе нема да ви дозволуваме да споделувате отпуштања врз основа на објави на социјалните мрежи, како што споделивте со работниците на ЕПС“, рече студентката.
🇷🇸✨Београд✨🇷🇸
🇷🇸✨15.🇷🇸03.🇷🇸2025.✨🇷🇸 pic.twitter.com/incb4YLX7Y— dnevnadozaludosti (@kikiolichica) March 15, 2025
Протестот во Белград се одржува по масовните собири организирани од студентите во Нови Сад, Крагуевац и Ниш.
ŽIVJETI SLOBODNO! ❤️ #Beograd pic.twitter.com/wBAfUQEuF4
— Илијана Милановић (@m_ilijana) March 15, 2025
Неколку дена претходно, студентите тргнаа пеш од неколку правци кон Белград, каде што пристигнаа во петокот вечерта, а во главниот град им беше приреден свечен пречек.