Свет
Авион со 14 лица се урна во Непал

Авион во кој се наоѓале 14 лица, од кои шест странци се урна кратко по полетувањето во Непал и се стравува дека сите се загинати, соопштија од министерството за внатрешни работи на Катманду.
Авион во кој се наоѓале 14 лица, од кои шест странци се урна кратко по полетувањето во Непал и се стравува дека сите се загинати, соопштија од министерството за внатрешни работи на Катманду.
Авионот на компани јатата „Агни Ер“ летал кон Лукла а се урнал 40 километри јужно од Катманду. Според информациите на агенцијата Хина, шестмина патници се странци, четворица Американци, еден Јапонец а за сега не е познато државјанството на шестиот патник.
Причините за несреќата се сеуште непознати.
Од министерството за внатрешни работи изјавија дека спасувачките екипи не можат да стигнат до местото на несреќата затоа што теренот е тешко пристапен.
Обилните дождови во Катманду исто така им ја отежнуваат работата на спасувачките тимови и воените хеликоптери не можат да полетаат поради слабата видливост.
Голем број на туристи секоја година одат на Лукла, 140 километри оддалечен од Катманду а пистата на Лукла се смета за една од најтешките за слетување во светот.
Последната голема авионска несреќа во Непал се случи во 2008 година кога во лукла падна авион со 18 лица и никој не преживеа./крај/хи/ит
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ ќе се обрати во 22 часот

Српскиот претседател Александар Вучиќ се огласи на својот Инстаграм профил и напиша порака од само два збора.
– Да живее Србија – напиша Вучиќ.
Како што пренесува Танјуг, Вучиќ најави дека вечерва во 22 часот ќе им се обрати на граѓаните.
Регион
(Видео) Српското МВР процени дека на протестот во Белград присуствувале 107.000 луѓе, инциденти нема

Српското Министерство за внатрешни работи соопшти дека според проценките на полицијата, на сите локации во Белград има околу 107.000 луѓе, од кои најголем број доаѓаат од внатрешноста.
Поголеми инциденти или нарушување на јавниот ред и мир досега немало, соопшти МВР.
Slavija Square,Belgrade, right now. pic.twitter.com/m6Jc9PK3Pe
— 🇺🇦 paolo rel (@paolobucci18) March 15, 2025
Во моментов, студентските редари заедно со моторџиите се обидуваат да го расчистат просторот околу Собранието и да ги пренасочат демонстрантите кон Славија за да ја намалат можноста за инциденти.
Тие велат дека треба да се пренесе дека собирот е мирен, да не се користи пиротехничка опрема и никој да не паѓа на провокации.
Во Белград во тек е протестот 15 за 15.
Регион
(Фото+видео) „Тука сме затоа што предолго страдавме, но нема повеќе“ рече студентка на протестот во Белград

Во главниот град на Србија се одржува протест организиран од студенти кои веќе три и пол месеци ги блокираат универзитетите низ земјата, барајќи политичка и правна одговорност за смртта на 15 лица при уривање на настрешница во Нови Сад. На собирот не се забележани никакви инциденти.
Студентка на Славија која читаше говор на сцената рече „ние сме тука затоа што предолго страдавме, но нема повеќе“, додавајќи дека „повеќе нема да се дозволи корупцијата да загрозува нечиј живот“.
„Тука сме затоа што повеќе нема да дозволиме да ни ја одземате слободата, затоа што меѓусебно се заштитуваме, како што го лишивте студентот Реља и другите граѓани на протестот во Нови Сад. Тука сме затоа што повеќе нема да дозволиме функционери од која било партија организирано да напаѓаат студенти, како што ги нападнаа студентите на Факултетот за драмски уметности“, рече таа.
Студентката во својот говор истакна дека студентите повеќе нема да дозволат да бидат газени, како што ги газеа музичарите на белградската филхармонија, лекарите и студентите Соња и Кристина …
„Тука сме затоа што повеќе нема да дозволиме да не тепате со палките што ги чувате во партиските простории, како што ја тепавте студентката Ана. Тука сме затоа што повеќе нема да дозволиме да не лажат и навредуваат, како што тоа го прави јавниот медиумски сервис и државниот врв од самиот почеток на студентските блокади. Тука сме затоа што повеќе нема да ви дозволуваме да споделувате отпуштања врз основа на објави на социјалните мрежи, како што споделивте со работниците на ЕПС“, рече студентката.
🇷🇸✨Београд✨🇷🇸
🇷🇸✨15.🇷🇸03.🇷🇸2025.✨🇷🇸 pic.twitter.com/incb4YLX7Y— dnevnadozaludosti (@kikiolichica) March 15, 2025
Протестот во Белград се одржува по масовните собири организирани од студентите во Нови Сад, Крагуевац и Ниш.
ŽIVJETI SLOBODNO! ❤️ #Beograd pic.twitter.com/wBAfUQEuF4
— Илијана Милановић (@m_ilijana) March 15, 2025
Неколку дена претходно, студентите тргнаа пеш од неколку правци кон Белград, каде што пристигнаа во петокот вечерта, а во главниот град им беше приреден свечен пречек.