Речиси половина од граѓаните на Европската Унија сметаат дека нивната земја профитирала од членството во Унијата, а довербата во европските институции паднала на 42 проценти, односно за шест проценти помалку во однос на минатата есен.

Речиси половина од граѓаните на Европската Унија сметаат дека нивната земја профитирала од членството во Унијата, а довербата во европските институции паднала на 42 проценти, односно за шест проценти помалку во однос на минатата есен.

Резултатите од истражувањето што го спровела европската агенција Евробарометар, покажуваат дека довербата на граѓаните на ЕУ во европските институции е на најниско ниво откако се спроведува анкетата.

Имиџот на ЕУ најдрастично е опаднат во очите на граѓаните на Грција, Кипар, Шпанија, Португалија, Романија, Италија и Луксембург и тоа од десет до 18 проценти во однос на минатата година.

Лошите резултати главно се припишуваат на зголемената невработеност и кризата на еврото. Всушност, невработеноста и натаму останува како најголема причина за загриженост на европјаните(48 отсто), а економската ситуација ги загрижува 40 проценти од жителите на Унијата.

Само 19 отсто од анкетираните ја гледаат Унијата како столб на демократијата. По ова прашање најкритични биле граѓаните на Финска, Велика Британија и Летонија, додека за европската демократија најдобро мислење имаат Романија, Бугарија и Кипар.

Истражувањето на Евробарометар е спроведено на примерок од 1000 испитаници во сите 27 држави-членки на ЕУ/крај/евб/бч