Свет
Изборите во Венецуела – референдум за популарноста на Чавез
Венецуеланскиот претседател Уго Чавез ќе се бори да ја задржи доминантната контрола врз конгресот на Венецуела на денешните избори, кои претставуваат критичен тест на неговата популарност во земјата, пишува Асошиејтед прес
Венецуеланскиот претседател Уго Чавез ќе се бори да ја задржи доминантната контрола врз конгресот на Венецуела на денешните избори, кои претставуваат критичен тест на неговата популарност во земјата, пишува Асошиејтед пресОпозицијата пред овие избори покрена одлучна кампања, во обид да го разбие монополот на моќ во националното собрание, за прв пат по речиси 12 години откако Чавез е на претседателската функција. Сојузниците на Чавез имаа речиси тотална контрола откако опозициските партии ги бојкотираа последните парламентарни избори во 2005 година поради сомневање во изборни измами. Ако опонентите на Чавез овој пат успеат да му го одземат барем двотретинското мнозинство, тие веќе ќе имаат сериозен удел во одлучувањето и ограничувањето на неговата неприкосновена моќ. Гласањето, исто така, се доживува како еден вод референдум за самиот Чавез, во пресрет на претседателските избори во 2012 година. Анкетите покажуваат дека тој и натаму е најпопуларен политичар во Венецуела. Сепак, истражувањата покажуваат и пад на неговата популарност во изминативе две години, откако восхитеноста од не го почна да исчезнува како што растеа проблемите, кои вклучуваат се посилниот криминал, лошо водените јавни сервиси и инфлацијата која во моментов достигнува дури 30 проценти. Чавез, пак, го опиша гласањето како избор помеѓу неговата социјалистички ориентирана партија „Боливарска револуција“ и „неранимајковците“ од опозицијата, кои се слуги на богатите и на непријателите на Чавез од САД. „Сакам овие избори да ги добијам со нокаут!“, и порача на загреаната публика Чавез во текот на финалниот митинг. Тој предупреди дека неговите непријатели ќе се обиделе да ги попречат напорите на неговата влада ако им се даде шанса.Во текот на кампањата, Чавез со гласачите се однесуваше како продавач, нудејќи им нови кредитни картички со ниски камати и апарати за домаќинство, како машини за перење и телевизори, по ниски цени. Опозициските кандидати ги нарекоа изборите клучна шанса да се добранат демократските принципи и слободата, тврдејќи дека националното собрание едноставно ги спроведува наредбите на Чавез кој, според нив, сакал земјата да ја однесе во марксизам. Венецуеланските гласачи и замеруваат на опозицијата дека единствена цел и е да влезе во парламентот за да создава опструкции и дека не понудила никаков план за иднината на земјата. /крај/ап/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.