Најмалку 16 лица загинаа во уште едно лизгање на земјиште во јужно Мексико, додека мексиканските власти се борат да се справат со непогодите од невообичаено влажното време, јавува Асошиејтед прес

Најмалку 16 лица загинаа во уште едно лизгање на земјиште во јужно Мексико, додека мексиканските власти се борат да се справат со непогодите од невообичаено влажното време, јавува Асошиејтед прес.Свлечиштето ја погодило малата населба Аматан во сојузната држава Чиапас, при што уште 13 луѓе биле повредени. Во друга лавина од земја во соседна населба исчезнале три лица. „Постојат стравувања за уште свлечишта во Чиапас, Оаксака и во планинските предели во овој појас на југоистокот на земјата, бидејќи земјата е мека и пренатопена,“, вели Лаура Гурца, шеф на федералната Агенција за цивилна заштита и итни случаи. Пред два дена огромно свлечиште уби 11 лица во државата Оакскак, во градот Санта Марија, при што првично се веруваше дека има преку илјада загинати. Во оваа држава е прогласена опасност и од поплави по трите дена непрекинати врнежи од дожд.Малата заедница Санта Марија де Тлахуитолтепек што беше првата жртва на свлечиштата предизвикани од дождовите, брои 9.000 члена и се наоѓа високо во планините Сиера Норте и е позната по негувањето на својата домородна култура, особено музиката. Жителите говорат на локалниот јазик Миксе и се познати свирачи кои настапуваат ширум Мексико. /крај/ап/сс/