Свет
Нобелова награда за пионерот на вонтелесното оплодување
Нобеловата награда за медицина за 2010. година ја доби Роберт Едвардс, научник од Велика Британија, за развојот на постапката на вонтелесно оплодување што им помогна на милиони неплодни парови да имаат деца.
Нобеловата награда за медицина за 2010. година ја доби Роберт Едвардс, научник од Велика Британија, за развојот на постапката на вонтелесно оплодување што им помогна на милиони неплодни парови да имаат деца.
„Неговите постигнувања овозможија надминување на неплодноста, медицинска состојба што погодува поголем дел од човештвото, како и повеќе од 10 отсто од сите парови во светот“, соопшти денеска Комитетот за доделување на наградата во Стокхолм, пренесува Асошиејтед прес.
Едвардс, заедно со соработникот Патрик Стептоум уште во текот на 1950. година започна да го развива вонтелесното оплодување на јајце клетката надвор од женското тело, а потоа уфрлање на таа клетка во матката.
Луиз Браун од Велика Британија на 25. јули 1978. година стана првото бебе родено преку вонтелесно оплодување, што значеше револуција во лечењето на стерилноста.
Соработникот на Едвардс почина во 1988. година.
Како што соопшти Нобеловиот комитет, „околу четири милиони луѓе се родиле благодарејќи на вонтелесно оплодување, а визијата на Роберт Едвардс денеска е стварност и носи радост на стерилните луѓе ширум светот“.
Веројатноста парот погоден од неплодност да добие бебе со помош на вонтелесно оплодување денеска изнесува еден спрема пет, што е иста веројатност што важи и за здравите парови при зачнувањето. /крај/ап/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Саливан: САД нема на располагање ниту еден „Патриот“ систем за противвоздушна одбрана што би можел да го достави до Киев
Советникот за национална безбедност на американскиот претседател, Џејк Саливан, рече дека Вашингтон во моментов нема достапни системи за противвоздушна одбрана „Патриот“ што би можел да му ги достави на Киев.
„Американските системи „патриот“ се распоредени низ целиот свет, вклучително и на Блискиот Исток, за да ја заштитат американската војска. Доколку има можност да се ослободи батерија, ќе ја испратиме во Украина“, рече тој, а пренесе телевизијата „Ем-ес-ен-бси“.
Истовремено, Саливан додаде дека Америка, додека не дојде во ситуација да испрати свои „патриотски“ системи во Украина, ќе работи да ги убеди своите сојузници од Европа да ги испратат своите системи за противвоздушна одбрана.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.