Свет
Талибаните водат тајни преговори со авганистанската влада

Претставници на талибаните и на владата авганистанскиот претседател Хамид Карзаи започнале тајни преговори за ставање на крај на војната во Авганистан, известува денеска весникот „Вашингтон пост“, пренесува Ројтерс
Претставници на талибаните и на владата на авганистанскиот претседател Хамид Карзаи започнале тајни преговори за ставање на крај на војната во Авганистан, известува денеска весникот „Вашингтон пост“, пренесува РојтерсАнонимните извори од авганистанските Арапи, кои ги цитира весникот, велат дека веруваат оти талибанските претставници биле овластени да зборуваат во името на „Кета Шура“, организација на авганистанските талибани со седиште во Пакистан и во име на нејзиниот лидер, Мохамед Омар. „Кета Шура“ е сочинета од остатоците на талибанската влада, која владееше со земјата до 2001 година. Изворите на весникот потенцираат дека преговорите се се уште во прелиминарна фаза и се продолжение на минатогодишните преговори под покровителство на Саудиска Арабија, кои завршија без да се дојде до решение. Портпаролот на Карзаи, Вахид Омер, ниту ја потврди, ниту, пак, ја негираше оваа информација. Авганистан е без прекин зафатен со војни и внатрешни судири веќе неколку децении, а САД во 2001 година извршија инвазија врз земјата за да ги срушат талибаните, кои тогаш владее со земјата, заради нивната поддршка на Ал Каеда при нападите од 11 септември 2001 година. Борбите се развлекоа девет години. „Вашингтон пост“ известува дека во преговорите не се вклучени претставници на групата „Хакани“, која беше цел на засилените американски напади со безпилотни летала изминатиот месец во северозападен Пакистан. Весникот потсетува дека САД дури од неодамна почнале да ги поддржуваат ваквите средби и преговори. Вчера портпаролот на Пентагон изјави дека вртење на талибаните кон помирување за сега е невозможно. И талибаните јавно инсистираат дека какви и да било мировни преговори се невозможни додека странските сили не ја напуштат земјата. Но, „Вашингтон пост“ тврди дека „Кета Шура“ почнала да размислува за еден широк договор, кој би вклучувал учество на одредени талибански лидери во авганистанската влада и повлекување на странските сили во однапред одреден рок. /крај/ројтерс/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
„Повредите им се тешки, изгорениците покриваат и до 28% од кожата“: се огласија лекарите од Ургентниот центар во Белград

Најмалку 59 лица загинаа во пожар што избувна ноќта меѓу саботата и неделата во дискотеката „Пулс“ во Кочани. Најмладата жртва имала само 14 години. Меѓу повредените има 150 лица, а 12 пациенти биле донесени во Белград во неделата вечерта со авион на војската на Србија, од кои некои се во Ургентниот центар во Белград.
„Девет пациенти се примени на Ургентниот центар, а тројца се на ВМА. Дијагностичките процедури беа започнати и завршени за пациентите веднаш по приемот. Станува збор за повреди од изгореници кои зафатиле помеѓу два и 28 проценти од површината на телото. Сите пациенти покажуваат симптоми и знаци на оштетување или контакт со токсични гасови произведени за време на пожарот, но некои имаат и изгореници на горните дишни органи и тие се класифицирани како сериозни повреди опасни по живот“, изјавија од Ургентниот центар во Белград, пренесе Танјуг.
„Засега немам дополнителни информации дали ќе дојдат уште пациенти, но ние сме подготвени за тоа. Тешко е да се зборува за прогнози за изгореници, но тоа ќе стане јасно во наредните денови. Нашите пациенти се млади, на возраст од 18 до 35 години, тие се рехабилитирани и нивниот третман продолжува бидејќи тоа е долготраен процес кој бара недели лекување. Еден пациент е на механичка вентилација и е најтешко повреден“, изјавија за медиумите од Ургентниот центар во Белград.
Регион
Бугарија обезбедува превоз и сместување за семејствата на повредените во пожарот во Кочани

Бугарските дипломати обезбедуваат превоз од Македонија до Бугарија и гарантираат дека оние што ќе пристигнат ќе имаат каде да се сместат.
Амбасадата на Бугарија во Скопје, заедно со Ситуациониот центар на Министерството за надворешни работи, помага во транспортот и сместувањето на роднините и пријателите на повредените од пожарот во Кочани, Македонија, кои се пренесени во бугарските болници, јави БГНЕС.
Бугарската држава прими 14 од повредените, кои беа пренесени со воен авион „Спарта“ и шест амбулантни возила.
Бугарската амбасада во Скопје ги известила најблиските членови на семејството на лицата кои се лекуваат во Софија, Пловдив и Варна дека Бугарија е подготвена да им обезбеди превоз и сместување за потребниот период на лекување.
Свет
(Видео): Двегодишно момче во САД пронашло пиштол и го застрелало својот близнак

Двегодишно дете е во болница откако случајно било застрелано од неговиот брат близнак, пишува Дејли мејл. Полицијата на округот Хенри одговори на дојавата за пукање во дом во Хемптон, Џорџија, пред пет дена околу пладне. Детето, чиј идентитет и пол не се објавени, било пренесено со хеликоптер од домот на 200 Robin Hood Lane, во мирна населба јужно од Атланта.
Службениците за итни случаи од пожарникарската и спасувачката служба на округот Хенри му пружиле прва помош на детето на местото на настанот пред да биде пренесено во болница. Според официјалните информации, детето е оперирано и сега е во стабилна состојба. Полицијата ја опколи куќата во која се случи престрелката. Жителите на населбата изјавија за Fox5 дека полицајците блокирале дел од улицата додека трае истрагата.
Истражителите веруваат дека братот близнак на детето го пронашол пиштолот и случајно го испукал. Засега не се знае кој го поседува оружјето и за каков тип на пиштол се работи, а за инцидентот засега никој не е обвинет.
На фотографиите од местото на настанот се гледа како инспекторите ја пребаруваат еднокатната куќа, која е одвоена од остатокот од улицата со полициска лента. Пред куќата може да се видат детски играчки, вклучувајќи мал автомобил и кошаркарски обрач.