Свет
Шварценегер на чело на трговска мисија во Русија

Гувернерот на Калифорнија Арнолд Шварценегер ја возвиши Русија како „златен рудник“ за странските инвеститори, при неговата трговска мисија во земјата со цел да се помогне развојот на компаниите од калифорниската Силиконска долина, пренесува Асошиејтед прес
Гувернерот на Калифорнија Арнолд Шварценегер ја возвиши Русија како „златен рудник“ за странските инвеститори, при неговата трговска мисија во земјата со цел да се помогне развојот на компаниите од калифорниската Силиконска долина, пренесува Асошиејтед пресШварценегер е на чело на делегацијата составена од бизнисмени од Силиконската долина и друг инвеститори, кои би требало да ги продлабочат своите врски со руските колеги, особено по најавите за отворање на рускиот технолошки парк во предградието на Москва, Сколково.„Потенцијалите за раст се толку големи, што ви се чини дека гледате во златен рудник. Се што треба да сторите е да влезете и да го земете златото“, им рече тој на бизнисмените при заедничкиот појадок со рускиот претседател Дмитри Медведев. Денеска рускиот претседател го отвори технолошкиот парк во Сколково што, според руските планови, треба да стане руска верзија на Силиконската долина. Аналитичарите, пак, покажаа голема скептичност кон Сколково и предупредија дека Русија мора да понуди многу потранспарентни правила за бизнис и да го реформира својот судски систем кој е метастазиран со корупција, ако сака да привлече повеќе странски инвестиции. /крај/ап/сс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.
Свет
Ница ја погоди земјотрес со јачина од 4,1 степени

Земјотрес со јачина од 4,1 степени според Рихтер вечерва ја погоди областа во близина на францускиот град Ница, соопшти Европскиот медитерански сеизмолошки центар (EMSC).
Земјотресот се случил на 16 километри северно од Ница, каде живеат околу 340.000 жители, додава EMSC.
Земјотресот се случил на длабочина од десет километри.