Свет
Иранските власти ги напаѓаат умерените

Врховниот лидер на Иран, ајатолахот Али Камнеи издаде декрет со кој се отвора патот за државно преземање на најголемиот приватен универзитет во земјата, со што им нанесе уништувачки удар на умерените политичари во земјата, пренесува Асошиејтед прес
Врховниот лидер на Иран, ајатолахот Али Камнеи издаде декрет со кој се отвора патот за државно преземање на најголемиот приватен универзитет во земјата, со што им нанесе уништувачки удар на умерените политичари во земјата, пренесува Асошиејтед прес
Исламскиот универзитет „Асад“ е центарот на моќта на поранешниот претседател Акбар Хашеми Рафсанџани, прагматичар и клучен поддржувач на умерените ирански политичари. Институцијата, која е основана во 1982 година беше главното место на протестите на опозицијата против спорните претседателски избори во 2009 година, во кои повторно победи Махмуд Ахмадинеџад.
Ајатолахот Камнеи во декретот ја прогласи оставнината на универзитетот, со која тој опстојува како независен, за верски нелегитимни и со тоа неважечка. Оставнината или вак’фот во Фарси беше основана во 2009 година непосредно по спорните избори, за да се сочува независноста на универзитетот од се помоќните тврдокорни политичари во власта.
Универзитетот, кој има повеќе од 1,3 милиони студенти во 350 ограноци ширум земјата, му дозволи на опозицискиот кандидат Мир Хусеин Мусави неограничен и слободен пристап до огромните ресурси на универзитетот во текот на неговата предизборна кампања, со што му овозможи пристап д гласачите низ целата земја. /крај/ап/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Ница ја погоди земјотрес со јачина од 4,1 степени

Земјотрес со јачина од 4,1 степени според Рихтер вечерва ја погоди областа во близина на францускиот град Ница, соопшти Европскиот медитерански сеизмолошки центар (EMSC).
Земјотресот се случил на 16 километри северно од Ница, каде живеат околу 340.000 жители, додава EMSC.
Земјотресот се случил на длабочина од десет километри.
Свет
Путин ги стопира нападите врз украинската енергетска инфраструктура на 30 дена

Рускиот претседател, Владимир Путин, се согласи да ги запре нападите врз украинската енергетска инфраструктура. Руските медиуми јавуваат дека по разговорот со Доналд Трамп, Путин и наредил на војската да ги запре нападите врз овие цели на 30 дена.
Кремљ објави дека Путин и Трамп изразиле заеднички интерес за „нормализација на односите“ меѓу САД и Русија, а договорена е и размена на 175 затвореници меѓу Москва и Киев. Москва се согласи и да предаде 23 тешко ранети украински војници.
Кремљ истакна дека „клучниот услов“ за спречување на понатамошна ескалација на конфликтот е „целосен прекин“ на странската воена помош и размена на разузнавачки информации со Украина. Во текстот на Кремљ се наведува и дека Путин „одговорил конструктивно“ на предлогот за прекин на огнот на море и дека се очекуваат дополнителни преговори за ова прашање.
Белата куќа објави дека „лидерите се согласиле дека движењето кон мир ќе започне со прекин на нападите врз енергетската инфраструктура, како и технички преговори за спроведување на поморски прекин на огнот во Црното Море, целосен прекин на огнот и траен мир“.
Овие преговори треба да започнат веднаш, и тоа на Блискиот Исток.
„Лидерите опширно зборуваа за Блискиот Исток како регион на потенцијална соработка за да се спречат идни конфликти. Тие дополнително разговараа за потребата да се запре ширењето на стратешкото оружје и ќе работат со другите за да се обезбеди што пошироко распоредување“, додаде Белата куќа.
„Двајцата лидери се согласија дека иднината со подобрени билатерални односи меѓу Соединетите Држави и Русија ветува многу. Тоа вклучува огромни економски договори и геополитичка стабилност откако ќе се постигне мир“, се вели во соопштението на Белата куќа.
Трамп вчера најави дека денеска ќе разговара со Путин за завршување на војната во Украина. Белата куќа вчера објави дека американскиот претседател е „решен“ да постигне договор за ставање крај на руската војна против Украина и дека светот е блиску до мир.
Претходно, специјалниот пратеник на Трамп за Блискиот Исток, Стив Виткоф, ја посети Русија и се сретна со Путин за да разговара за предлогот на САД за 30-дневен прекин на огнот. Кремљ соопшти дека преку Виткоф му биле пренесени „дополнителни сигнали“ на Трамп.
Свет
Денеска беше најсмртоносниот ден во Газа во последните 15 месеци

Израелските воздушни напади го погодија Појасот Газа, при што загинаа повеќе од 400 луѓе во изминатите 24 часа, соопштија палестинските здравствени власти, ставајќи крај на неколкунеделната релативна смиреност откако пропаднаа разговорите за постојан прекин на огнот.
Израел и палестинската милитантна група Хамас меѓусебно се обвинуваат за прекршување на примирјето, кое во голема мера е во сила од јануари, што донесе краток одмор за два милиони жители на Газа, каде што многу згради веќе се срамнети со земја.
Хамас, кој сè уште држи 59 од околу 250 заложници за кои Израел рече дека биле киднапирани за време на нападот на 7 октомври 2023 година, го обвини Израел за поткопување на напорите на посредниците да преговараат за траен крај на конфликтот, но не се закани со одмазда.
Израелскиот премиер Бенјамин Нетанјаху рече дека ги наредил нападите бидејќи Хамас ги отфрлил предлозите за продолжување на прекинот на огнот за време на неуспешните преговори.
„Израел отсега ќе дејствува против Хамас со уште поголема воена сила“, соопштија од неговиот кабинет.
Очевидци рекоа дека нападите погодиле домови и импровизирани кампови долж целиот Појас Газа, од север кон југ, додека израелските тенкови отвориле оган преку границата.
Министерството за здравство во Газа, управувано од Хамас, соопшти дека загинале 404 луѓе, што е еден од највисоките дневни бројки од почетокот на војната.
За тоа време, најмалку 150 палестински деца се убиени во израелски воздушни напади, соопшти организацијата за човекови права со седиште во Женева.