Свет
Запленети 460 килограми кокаин во Австралија
Австралиската полиција заплени околу 460 килограми кокаин кој од Јужна Америка бил префрлен со катамаран во Австралија.
Австралиската полиција заплени околу 460 килограми кокаин кој од Јужна Америка бил префрлен со катамаран во Австралија.
Станува збор за трета по големина заплена на кокаин во историјата на Австралија, а вредноста се проценува на повеќе од 160 милиони австралиски долари (159 американски долари), соопшти заменик комесарот на полициското одделение за борба против наркотици Ендрју Колвин.
Според него, бродот со шверцуваната дрога бил надгледуван два дена од хеликоптер, кога било пријавено дека пренесува кокаин.
Под надзор бил од петокот, кога се наоѓал на 800 километри од австралискиот источен брег, а полицијата го пресретнала во средата на пристаништето Бризбејн.
При тоа на бродот биле уапсени тројца Австралијци од кои двајца се осомничени за увоз на кокаин, а еден за поседување. Полицијата претпоставува дека дрогата требало да биде претоварена на пристаништето Бризбејн.
Операцијата за заплена на кокаин во пристаништето Бризбејн била со широки размери, рече министерот за внатрешни работи и правда Брендон О Конор, прецизирајќи дека во две австралиски држави се приведени уште 12 лица и откриена лабораторија за дрога во Еден, во државата Нов Јужен Велс.
Полицијата сеуште го истражува тој случај и се уште е неизвесно од која земја во Јужна Америка е упатена дрогата во Австралија./крај/бл/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.