Свет
Бирото развило бизнис со досиеја
Бирото за развој на образованието печати досиеја за оценки за децата на предучилишна возраст по двојно повисока цена од нивниот конкурент и им врши притисок на училиштата документите да ги купуваат исклучиво од нив, тврди Ѓорѓи Илиевски, просветен инспектор во скопската општина Кисела Вода.
Просветен ИНСПЕКТОР ГО ОБВИНУВА БИРОТО ЗА РАЗВОЈ НА ОБРАЗОВАНИЕТО
Бирото за развој на образованието печати досиеја за оценки за децата на предучилишна возраст по двојно повисока цена од нивниот конкурент и им врши притисок на училиштата документите да ги купуваат исклучиво од нив, тврди Ѓорѓи Илиевски, просветен инспектор во скопската општина Кисела Вода.
Илиевски тврди дека немало ниту тендер за печатење на досиејата.
Во Бирото демантираат дека вршат притисок на училиштата и тврдат оти нивните досиеја се поскапи поради високиот квалитет што го нудат. Таму потврдија оти не бил објавен тендер, но дека од Министерството за образование добиле согласност за издавање досиеја.
Децата од т.н. подготвителна година прв пат ќе се оценуваат описно и модерните "книшки" треба да ги добијат до средината на месецов. Досиејата за описни оценки ги подготвиле Бирото за образование и издавачката куќа "Просветно дело". Бирото ги продава по цена од 110 денари, а "Просветно дело" за 60 денари. Но, и двете установи една за друга имаат забелешки за квалитетот на досиејата.
– Бирото не ги почитува правилата за подготовка на досиејата. Така на пример, кај нив фотографијата на детето е на втората страница, а треба да е на првата. На задната корица никаде не пишува кој ги издава, по кој правилник и по кој закон тие се подготвени. Бирото во последно време почна да се занимава со издавачка дејност, наместо со стручен надзор – вели Ели Маказлиева, главен уредник во "Просветно дело".
Советникот Таше Стојановски од Бирото за развој на образованието, кој со години работи на програмата за подготвителната настава, пак, има забелешки за досиејата на "Просветно дело".
– Квалитетот на хартијата не е добар. Нивното досие личи на картонска папка. Нашите, пак, имаат пластифицирана корица, добар дизајн, а на последната корица има и посебна преграда каде што може да се чуваат сите творби што децата ги правеле во текот на годината. Не знаеме многу од овој бизнис, но не може да ја спуштиме цената пониско од 90 денари. Од издавачката куќа се во предност зашто тие, за разлика од нас години наназад соработуваат со училиштата – вели Стојановски.
На прашањето зошто досиејата "поминале" без тендер, тој вели:
– Немаше доволно време. Правилникот за изработка на документацијата беше донесен во септември, кога и требаше да се почне постапката за печатење. Затоа, пак, добивме директна согласност од Министерството за образование. За жал, тоа во моментов не може да не заштити. Но, ќе бараме поголеми мерки на заштита, пред се заради квалитетот што го нудиме – вели Стојановски.
Во Просветниот инспекторат не се информирани за квалитетот и за цената на досиејата.
– Ниту едните ниту другите не кажале што прават. Од директори слушнавме дека постои разлика како во квалитетот, така и во цената. Деновиве ќе провериме – велат во Инспекторатот.
Најзбунети се родителите. Тие деновиве не знаат какво досие за оценки треба да им купат. Ниту во градинките и во забавиштата не може да ја решат дилемата.
– Што да правиме кога од никого не сме добиле упатство кое досие да се користи. Затоа на родителите им кажуваме да купуваат од каде што сакаат. Не смееме да сугерираме за квалитетот – велат директори на градинки и на училишта.
Описното оценување е обврска со променетиот Закон за основно образование. Децата ќе се оценуваат за секоја помината наставна содржина. Наставниците ќе пополнуваат формулари во кои ќе треба да поднесат извештај како ученикот се однесувал кон работата, во која област од конкретен предмет имал тешкотии и за неговата редовност во наставата. Во досиејата ќе има диплома со описен извештај за нивната работа и труд. Секој наставник ќе има чек-листи со кои ќе се споредуваат зададените задачи и цели со постигнатите резултати на учениците и нивниот интерес за наставата. И родителите ќе ги добиваат чек-листите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија има сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.