Свет
20 килограми хероин скриени во комби
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-4627.jpeg)
Дрогата спакувана во 40 пакети тешки по 550 грама била пронајдени во специјално направен бункер во комбе кое го управувал 40-годишниот кумановец З.В. а во кое како сопатник бил М.К. (36) од селото Слупчане кои требало дрогата да ја внесат во Албанија
ПРЕСЕЧЕН НАРКОКАНАЛ НА ГРАНИЧНИОТ ПРЕМИН ЌАФАСАН КАЈ СТРУГА
Дрогата спакувана во 40 пакети тешки по 550 грама била пронајдени во специјално направен бункер во комбе кое го управувал 40-годишниот кумановец З.В. а во кое како сопатник бил М.К. (36) од селото Слупчане кои требало дрогата да ја внесат во Албанија
Дваесет килограми хероин завчера вечерта биле запленети на граничниот премин Ќафасан кај Струга во акција на полицијата и царината. Полицијата соопшти дека во акцијата биле уапсени возачот на комбито во кое била сокриена дрога и совозачот. За нив постои сомнение дека се замешани во шверцот со дрогата.
Случајот бил откриен завчера околу 23 часот кога на ГП Ќафасан пристигнало комби управувано од кумановецот З.В. (40 ). Во возилото како сопатник бил и М.К. (36) од кумановското село Слупчание. Тие дрогата требало да ја внесат во Албанија.
При претрес во комбито за кое што возачот тврдел дека е празно, полицијата во специјално направен бункер меѓу кабината и фургонот на комбито пронашла 40 паковки прашкаста материја. Секоја од паковките била обвиткана со леплива трака и со тежина од околу 550 грама. Веднаш по пронаоѓањето запленетата дрога била испратена на вештачење. Од првичните испитувања било утврдено дека се работи за хероин, а неговиот квалитет и цена на наркопазарот се утврдува.
Според најавите на полицијата по целосното расветлување и документирање на случајот против упасените ќе бидат поднесени кривични пријави и се очекува истражен судија да им одреди мерка притвор.
Ова е прв случај на запленет хероин кој требало да биде пренесен од Македонија во Албанија. Во досегашната пракса трнспорот на дрогата се одвиваше во обратна насока од Албанија во Македонија а потоа кон Зпадноевропските земји. Мал дел од дрогата останува за домашниот наркопазар. Во досегашниот тек на истрагата се уште не е утврдено зошто дилерите и организ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Руски воен аналитичар: Украинците веќе развиваат сопствено нуклеарно оружје
![](https://makfax.com.mk/wp-content/uploads/2025/02/8-2.jpg)
Украина веќе работи на развој на сопствено нуклеарно оружје, а неговото тестирање би можело да се изврши во регионот Полтава, изјави за Инфо24 воениот аналитичар и вонреден професор на Катедрата за политичка анализа и социо-психолошки процеси на Рускиот економски универзитет Плеханов, Александар Перенџиев.
Украинскиот претседател Володимир Зеленски побара од западните земји да му го „вратат“ нуклеарното оружје на Киев како компензација за нивното одбивање да ја примат Украина во НАТО. Дополнително, украинскиот лидер ги повика западните партнери да помогнат во зајакнувањето на украинската армија опремувајќи ја со најновите ракетни системи.
“Не е случајно што Зеленски постојано зборува за нуклеарно оружје. Сосема е можно Киев веќе да развива сопствено нуклеарно оружје. Има и одредени факти кои индиректно го потврдуваат тоа. Конкретно, неодамнешниот земјотрес кај Полтава може да биде поврзан со тестирање на нуклеарно оружје”, објасни Перенџиев.
Тој исто така додаде дека Украина има се што и е потребно за да направи атомска бомба. Во исто време, тој изрази уверување дека Русија нема да дозволи Киев да го добие и ќе направи се што е потребно за да го спречи спроведувањето на нуклеарната програма на Украина.
„Режимот во Киев има одредени способности да создаде нуклеарно оружје. Украина ја зачува научната база, документацијата, па дури и одреден персонал кој претходно работел во оваа област. Сепак, за нуклеарното оружје е потребна инфраструктура. Доколку се појави, Русија веднаш ќе изврши напад врз овие објекти“, заклучи Перенџиев.
Регион
„Многу е тешко да се предвиди што е следно“: серијата земјотреси околу Санторини ги збуни геолозите
![](https://makfax.com.mk/wp-content/uploads/2025/02/5-2.jpg)
Грчкиот остров Санторини и неговата околина продолжуваат да се тресат, а десетици илјади луѓе се евакуирани. Тековните земјотреси најверојатно се предизвикани од серија движења на раседот, но тие се многу невообичаени, изјави Дејвид Пајл, професор по геологија на Универзитетот во Оксфорд, за LiveScience.
– Проблемот со овој настан е што гледаме земјотрес по земјотрес. Сè се случува под вода и многу е тешко да се предвиди што ќе се случи следно“, вели Пајл, кој го проучувал вулканот Санторини.
Егејското Море се наоѓа на мала плоча од Земјината кора, која се протега додека африканската плоча се лизга под евроазиската плоча. Ова истегнување, додаде тој, доведува до движења на раседите кои потоа предизвикуваат земјотреси.
„Областа е малку повеќе погодена отколку во 2011 и 2012 година, а стапката на откриени земјотреси е поголема, но фокусот е надвор од вулканот“, рече Пајл.
Повеќето земјотреси се случија помеѓу вториот подводен вулкан Колумба, кој се наоѓа на 7 километри североисточно од Санторини и малиот остров Анидрос.
Иако научниците веруваат дека овој пат земјотресите се активирани од движењето на тектонските плочи, не сите се сигурни дали постои поврзаност помеѓу серијата земјотреси и потенцијалната вулканска активност кај Колумбо.
„Ние навистина не знаеме многу за системите за снабдување со длабока магма на вулканите“, рече Пајл.
Вулканот Колумбо последен пат еруптираше во 1650 година, кога предизвика катастрофално цунами што ги опустоши островите во регионот.
Санторини бил обликуван од таканаречената минојска ерупција пред околу 3.600 години. Истиот вулкан имал „една од двете најголеми ерупции во овој дел од светот“ пред околу 520.000 години.
Регион
Во петок повторно бојкот на маркети во Хрватска, се очекува да има и во Македонија, Србија, Босна и Херцеговина и Косово
![](https://makfax.com.mk/wp-content/uploads/2025/02/3-4.jpg)
Потрошувачката платформа „Ало, инспекторе“ најави обновен генерален бојкот на продавниците и услугите поради рекордни цени за петок, 7 февруари и седумдневен бојкот на еден малопродажен синџир од сабота.
Јосип Келемен, советник на платформата „Ало, инспекторе“, рече дека Србија, Босна и Херцеговина, Македонија повторно ќе бојкотираат, а ќе се приклучи и Косово.
„Потрошувачите побараа од нас да не се откажуваме и да продолжиме понатаму. Почнуваме сè повторно: од трговски синџири, пекари, услуги, производи“, изјави Келемен за новинарите во Загреб.
Тој најави дека овој петок ќе се бојкотира секоја форма на купување производи и услуги, а од сабота ќе се одржи и бојкот на еден малопродажен синџир. Граѓаните ќе одлучат за кој ланец ќе биде тоа во анкета објавена на Фејсбук страниците на платформата.
Келемен додаде дека анкетата отворена денеска побудила голем интерес кај граѓаните поради што двапати „падна серверот“.
Според него, трговците не ја разбрале пораката од претходните два генерални бојкоти.
Во Хрватска денеска завршува седумдневниот бојкот на три трговски синџири: Лидл, Еуроспин и ДМ и три производи – флаширана вода, газирани пијалоци и детергенти.
Бојкотите беа поддржани од синдикатите, опозицијата и владата.
Како мерка за помош на граѓаните во борбата против високите цени, Владата одлучи да ја прошири листата на производи со ограничени цени на 70 производи, наместо досегашните 30.
Премиерот Андреј Пленковиќ рече дека државата реагирала, но дека сега мора да се вклучат и други, оценувајќи дека „никој немаше да банкротира ако цените беа малку поумерени“.
Хрватските медиуми пишуваат дека многу хрватски граѓани кои живеат во пограничните области на земјата се повеќе избираат да купуваат во Словенија и Италија, каде што цените на разни стоки се пониски.