Свет
Кавга меѓу Врховниот суд и Судскиот совет
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-7908.jpeg)
Откако не е одговорено на барањето за смена на Бојан Ефтимов Дане Илиев ги сфаќа коментарите на РСС како последен обид на Советот да се докаже како експедитивен.
Откако не е одговорено на барањето за смена на Бојан Ефтимов
Дане Илиев ги сфаќа коментарите на РСС како последен обид на Советот да се докаже како експедитивен. Тој е дециден дека досега го почитувале законот. Според него, РСС се занимава само со избор на претседатели на судови, додека тие решаваат за конкретни случаи на одговорност на судии
Жаклина Ѓорѓевиќ
Двете највисоки судски институции се во кавга. Републичкиот судски совет и Врховниот суд преку медиумите се препукуваат за "случајот Верушевски", за кој ќе се испитува одговорноста на досегашниот претседател на Основниот суд Скопје 2, Бојан Ефтимов, и судијката Василка Божиновска. Од Ефтимов се бара одговорност, бидејќи наводно незаконски му го вратил пасошот на младиот Александар Верушевски, инаку осуденик на една година затвор, за да се лекува во Игало, СЦГ, иако судијката Божиновска одлучила поинаку. Откако претседателот на Врховниот суд, Дане Илиев, го обвини РСС дека намерно го одолжува одлучувањето за случајот, оттаму му реплицираа дека тој не постапил законски кога ја повел постапката за утврдување одговорност на Ефтимов.
"Претседателот на Врховниот суд, Дане Илиев, очигледно работи селективно. Од една страна, не ни одговара на нашето барање за судот да ни достави мислење за кандидатите за претседатели на судови, а од друга, кога една судијка ќе достави претставка до нив, тие експресно реагираат", вели заменик-претседателот на Републичкиот судски совет, Абдулселам Канзоски, коментирајќи ги препукувањата на двете институции околу можната одговорност на Ефтимов. РСС тврди дека досега изработиле два извештаја за одговорноста на двајцата прозвани судии, откако претходно примиле две претставки од Ефтимов и од Божиновска.
Канзоски вели дека постапката за одговорност на судии треба да биде иницирана од Општа седница на Врховниот суд, а не од Одделот за казниви дела, кој побара од РСС да се отвори постапка за Ефтимов. "Според член 7 од Правилникот на РСС, овластени предлагачи за поведување постапка за нестручно и несовесно вршење на судиската функција се претседателот на судот, претседателот на повисокиот суд и Општа седница на Врховен суд", вели Канзоски. Тој појаснува дека со тоа што постапката за Ефтимов ја покренал Одделот за казниви дела при Врховниот суд, а не самиот суд, ќе ја одолжи постапката, која во просек трае 3-4 месеци. Затоа тој претпоставува дека претседателот на Врховниот суд не го сработил предметот целосно.
Канзоски тврди дека Илиев ги опструира и со тоа што не доставува мислење за кандидатите за претседатели на судови и со недоставување критериуми за избор на судии, па сега РСС ќе мора за нив да одлучува на слепо.
Заменик-претседателот во РСС гледа опасност во кандидирањето на Ефтимов и Божиновска за претседатели на судови. "Судија во таков случај може да поднесе кандидатура, но не значи дека ќе биде избран. Секој судија за кого се води постапка треба да знае дека не треба да се јавува за повисок суд, ниту за претседател на суд, бидејќи за него се води постапка. Таквиот судија е под ембарго, под опсервација. Ако се утврди негова вина, тогаш ќе треба да се води постапка за негово разрешување од таа функција и затоа се избегнува такви лица да се унапредуваат или да се избираат за претседатели", смета Канзоски.
Претседателот на Врховниот суд, Дане Илиев, коментарите на РСС ги сфаќа како последен обид на Советот да се докаже како експедитивен. Тој е категоричен дека досега го почитувале законот по сите предмети. "Не може еден Канзоски или Републичкиот судски совет да го доведе во прашање легитимитетот на Врховниот суд. Тие од обични анонимки поведуваат постапки, а не ние. Ние и досега сме им испраќале барања за поведување постапка преку Одделот за казниви дела. Тоа не е дискутабилно", вели Илиев, додавајќи дека Судскиот совет е оценет дека не работи добро.
Според него, РСС се занимава само со избор на претседатели на судови, додека тие решаваат за конкретни случаи на одговорност на судии. "Како може да им доставиме мислење за кандидираните судии кога за некој месец Советот треба да престане да постои и да се формира ново тело. И како да го доставиме мислењето кога за двајца од кандидатите за претседатели на судови, Ефтимов и Божиновска, се води постапка. Брзаат да ги избереме претседателите на судовите преку ноќ", рече Илиев. Тој вели дека откако ќе го добие одговорот од РСС, ќе закаже Општа седница за утврдување одговорност на судиите Ефтимов и Божиновска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
„Мамо, не те оставам“: oсумгодишно дете од Минесота убиено додека ја бранело мајка си од насилниот сопруг
![](https://makfax.com.mk/wp-content/uploads/2024/06/Minesota.jpg)
Осумгодишно дете од Минесота било убиено додека ја бранело мајка си од сопругот насилник, минатата недела, соопшти семејството на детето, пренесува Law and Crime.
Амир Демарион Харден починал на 9 јуни од компликации откако бил застрелан во главата и вратот на 6 јуни, се вели во соопштението издадено од Канцеларијата на медицинскиот преглед на округот Хенепин.
Според медиумот, на денот на пукањето, таткото на момчето, Денер Харден, бил ослободен од затвор откако платил кауција по обвиненијата за семејно насилство. Тој се вратил во семејниот стан бесен и се обидел да ја убие сопругата.
„Неговиот татко се обиде да ме убие, но мојот син беше застрелан поради мене. Амир се обиде да му го одземе пиштолот од рацете на татко му. Му викав да оди кај соседите. Тој одби и рече – мамо, не те оставам!“, напиша Чериш Едвардс“, ожалостената мајка на Амир.
Кога видел дека го застрелал синот, таткото си пукал во глава, велејќи пред тоа дека „случајно пукал“ во детето, изјави Едвардс. Мајката на момчето додаде дека четирите браќа и сестри на Амир биле сведоци на шокантното насилство.
Европа
Зеленски смета дека мировната конференција за Украина, што се одржува во Швајцарија, ќе го зголеми притисокот врз Москва
![](https://makfax.com.mk/wp-content/uploads/2024/05/zelenski1.jpg)
Украинскиот претседател Володимир Зеленски смета дека мировната конференција за Украина, што се одржува во Швајцарија, ќе го зголеми притисокот врз Москва, но другите учесници на форумот не се толку оптимисти, јави ДПА.
-На дводневниот состанок, на кој присуствуваат 92 земји и осум меѓународни организации, беше повторено дека со заеднички напори може да се стави крај на војната и да се постигне мир, рече Зеленски денеска непосредно пред делегациите да почнат да разговараат на оваа тема.
Меѓутоа, швајцарската претседателка Виола Амхерд нема толку големи очекувања, забележува ДПА.
-Нашите цели се скромни, рече таа, објаснувајќи дека целта на конференцијата е да се поттикне почеток на процес за постигнување траен и праведен мир.
Важноста на меѓународното право како основа на меѓународниот поредок е клучна за ова, рече Амхерд.
-Нападот на Русија го нарушува тоа на најнагласен начин, рече Амхерд.
Русија не беше поканета да учествува на конференцијата, а не учествува ниту Кина, важен сојузник на Москва.
На средбата станало збор и за добивање на најширока можна меѓународна поддршка за украинскиот мировен план, кој предвидува целосно повлекување на Русија од украинска територија.
Свет
Страшна глетка: 28 луѓе висат надолу откако се заглавија во забавен парк во САД (ВИДЕО)
![](https://makfax.com.mk/wp-content/uploads/2024/06/SAD.jpg)
Едно лице е превентивно пренесено во болница, но нема повреди, а 28 се спасени во инцидент во забавен парк во Орегон, САД.
„Пожарникарите успеаја да спасат 28 лица кои беа заглавени на височина од 30 метри, висејќи наопаку, за време на возењето во забавниот парк Оукс .Едно лице е превентивно пренесено во болница, но нема повредени„, соопштија од паркот.
За среќа, брзата реакција на вработените во паркот и пожарникарите спречија сериозни повреди.
Според очевидци, се се случило ненадејно. Прво слушнале татнеж, а потоа и соопштение од огласувачкиот систем внатре во забавниот парк.
Крис Рајан, посетител на паркот, опиша како тој и неговата сопруга се подготвувале да се возат панорамското тркало кога забележале дека возењето е заглавено. Слушаа луѓе како викаат, кога го кренаа погледот, останаа без зборови.
People left dangling upside down for half an hour on Oregon theme park ride. https://t.co/OkVjDTuyJa pic.twitter.com/WWGTRQRWIt
— Sky News (@SkyNews) June 15, 2024