Свет
ЕУ е разочарана од случувањата во првиот изборен круг
Специјалниот претставник на Европската унија во Македонија, Михаил Салин, во интервју за Радио Слободна Европа изјави дека Унијата е изненадена и разочарана од случувањата во првиот круг на локалните избори.
Специјалниот европретставник во Македонија за Радио Слободна Европа
Салин:
Специјалниот претставник на Европската унија во Македонија, Михаил Салин, во интервју за Радио Слободна Европа изјави дека Унијата е изненадена и разочарана од случувањата во првиот круг на локалните избори. Тој оценува дека генерално, во повеќето општини, изборите биле в ред, но дека во некои имало многу неправилности и дека во нив изборите биле полоши споредено со минатите избори.
По сето она што се случуваше во првиот изборен круг, се стекнува впечаток дека е поважно кој ќе ја добие битката во Шуто Оризари, отколку да се добие битката за Европааи, вели Салин. Тој истакнува дека луѓето во Липково или во Шуто Оризари сў уште не разбрале дека правилата мора да се почитуваат и дека сў уште немаат стекнато политичка култура и свест. Салин изразува уверување дека во вториот изборен круг, иако, како што вели, вообичаено тогаш се бележат повеќе неправилности, работите ќе се поправат, бидејќи во спротивно, според него, тоа ќе биде лошо за Македонија.
Во врска со поведеното обвинение во Хаг против Љубе Бошкоски и Јохан Тарчуловски, Салин истакнува дека треба да му се верува на Судот и на обвинителката Карла дел Понте, кога велат дека тие веројатно извршиле воено злосторство, бидејќи нив не ги интересира од која националност е извршителот, туку само случајот. †Знам дека луѓето се прашуваат ‘Зошто само нассс’, но можам да кажам дека процесот продолжува и можеби ќе има и други случаи. Сепак, оваа состојба македонската Влада треба да ја прифатиии, вели високиот претставник на ЕУ во Македонија, Михаил Салин, во интервјуто за Слободна Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.