Свет
Купувањето кат во "Тифани" со непосредна спогодба е сомнително
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-3651.jpeg)
Не стивнуваат реакциите откако "Утрински весник" ја објави веста дека Управата за јавни приходи, преку непосредна спогодба, купила мезанин од 600 квадратни метри во објектот "Тифани" во Скопје, во сопственост на Љупчо Палевски, член на СДСМ.
УЈП и Министерството за финансии тврдат дека зделката е целосно законска, експертите критикуваат
Првиот човек на антикорупционерите, Михаил Маневски, вели дека не може да биде оправдување фактот што за набавката биле обезбедени буџетски пари
НИНА НИНЕСКА-ФИДАНОСКА
Не стивнуваат реакциите откако "Утрински весник" ја објави веста дека Управата за јавни приходи, преку непосредна спогодба, купила мезанин од 600 квадратни метри во објектот "Тифани" во Скопје, во сопственост на Љупчо Палевски, член на СДСМ. За овие простории, чија набавка даночните власти ја чуваа во тајност, УЈП ќе плати 840.000 евра, средства што биле предвидени и обезбедени со Буџетот.
И додека УЈП потенцираат дека зделката е целосно легална и во согласност со Законот за јавни набавки, експертите се категорични дека и покрај законската покриеност, даночните власти не смееле да се впуштат во таква "авантура". Според нив, оваа трансакција е недозволива, неетичка и непримерна.
Претседателот на Антикорупциската комисија, Михајло Маневски, смета дека УЈП требало да објави тендер, на кој ќе се избере најповолна локација. "Овој случај сў уште не сме го разгледувале во Комисијата. Но, доколку навистина просториите се купени по пат на непосредна спогодба, мој личен став е дека тоа е недозволив чекор", вели Маневски. Според него, таква постапка не е во согласност со Законот, бидејќи тој бара за секоја јавна набавка да се распише тендер. Тоа требало да го стори и Даночната управа.
"Не може да биде оправдување фактот што за просториите претходно биле обезбедени пари од Буџетот. Нормално е дека кога државните органи планираат нешто да купат, за тоа имаат обезбедено средства. Но, тоа не треба да значи дека секоја државна установа што за одредена набавка има обезбедено средства, може да си дозволи неа да ја изврши преку непосредна спогодба", потенцира Маневски.
Во УЈП, пак, возвраќаат дека пред да ја склучат зделката, иако немале законска обврска, ја известиле Антикорупциската комисија за своите намери за купување деловен простор, што било во согласност и со аранжманот со ММФ. "Доколку антикорупционерите имале забелешка за некаква нерегуларност, требало да реагираат уште пред склучувањето на договорот. Но, такви реакции досега немаше", вели Магдалена Чижбановска, шеф на Кабинетот на директорката на УЈП, Петра Митева.
Вчера и во Министерството за финансии целосно застанаа зад УЈП. Од кабинетот на министерот Никола Поповски велат дека таква зделка законот дозволува, како и дека апсолутно не станува збор за неморален чин.
Во Законот за јавни набавки, во делот "исклучоци", во член 5, став 1, алинеја 1, стои дека одредбите на овој закон не се однесуваат и за набавки и за "купување или најмување земјиште, градежни објекти или друг недвижен имот или права што произлегуваат од истите, освен ако за нивно купување или земање под наем е потребно обезбедување на финансиски средства (кредити или заеми)". Токму фактот што за објектот биле обезбедени буџетски пари, за УЈП ја прави законска оваа трансакција.
Професорот Живко Атанасовски жестоко реагира како УЈП вака комотно и неодговорно се однесувала кога е во прашење трошењето на буџетските средства. "Без оглед дали трансакцијата е законска или не, ова е непримерен чекор. Точно е дека тие наоѓаат законска покриеност, но кога станува збор за јавни финансии, треба да се води сметка и за оправданоста на овој трошок. Прашање е дали било толку итно да се обезбедат тие простории преку непосредна спогодба", се сомнева овој експерт. Во врска со тоа, пак, дека просториите на УЈП Ј биле потребни за посебно оданочување на големите обврзници, Атанасовски смета дека целата таа идеја е сосема непотребна и глупава. "Тие и досега добро ги знаат кои се големите обврзници и колку плаќаат даноци. Нема потреба од нивно одвоено даночење", потенцира професорот. И конечно, за Атанасовски е спорно што просториите се купени од Љупчо Палевски, член токму на најголемата владејачка партија.
Наспроти ваквиот експертски став, пак, Палевски вчера изјави дека нема ништо спорно во оваа трансакција. "Точно е дека сум член на СДСМ, но нема ништо спорно во оваа зделка. Мојата фирма функционира веќе 15 години и нормално е да работи во сите тие 15 години, и кога е и кога не е СДСМ на власт. Според вашето прашање, произлегува дека јас треба да работам само кога Љупчо Георгиевски е на власт, за да не биде спорно", вели овој бизнисмен. Тој нагласува дека е сопственик на објектот. "Објектот од 1999 година е во моја сопственост. Граден е со извесни застои, но сега градбата се интензивира. Ќе биде завршен за шест месеци", објаснува Палевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.