Свет
Државата нема пристап во слободната зона во "Фени"
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-1878.jpeg)
Дирекцијата за слободни економски зони нема увид во работењето на бесцаринската зона во кавадаречкиот комбинат "Фени".
НАДЛЕЖНИТЕ ОРГАНИ ИЗБРКАНИ
Светлана Дарудова
Дирекцијата за слободни економски зони нема увид во работењето на бесцаринската зона во кавадаречкиот комбинат "Фени". Обезбедувањето на фабриката вчера не сакаше да го пушти во зоната ни првиот човек на Дирекцијата, Ракип Дочи, кој требаше да учествува на трибината за предлог-законот за слободни економски зони. Откако Дочи со својата заменичка и со уште еден вработен во Дирекцијата успеа да влезе во фабриката, се пожали дека вакви инциденти во "Фени" не му се случуваат првпат.
– Навистина нема смисла. Кога веќе ме влечете за јазик, мора да кажам дека ова не ни се е случува првпат. Ние сме тука заради вашето работење – истакна Дочи во салата за состаноци во "Фени".
Раководството на комбинатот го пречека Дочи со забелешки за новиот закон бидејќи тој им ги зголемувал давачките.
– Не можеме да ги пресметаме трошоците за производство бидејќи се уште не знаеме кои давачки треба да ги платиме. Во новиот предлог-закон за слободни економски зони пишува дека енергетските материјали не се ослободени од даноци. Во Европа, ако станува збор за извозна фирма, како "Фени", не се плаќаат даноци за суровини, опрема и за резервни делови ако додадената вредност на увезените материјали е повеќе од 50 отсто. Кај нас додадената вредност е 1.000, а не 51 отсто – изјави генералниот директор на "Фени", Константинос Даскалакис.
Правничката во "Фени" Лидија Бошкова истакна дека новиот закон за слободни економски зони го фаворизира "Бунарџик", а не го регулира статусот на веќе постојната зона во "Фени".
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Пет лица загинаа во напад со беспилотно летало во руската област Курск, меѓу нив и деца
![](https://makfax.com.mk/wp-content/uploads/2017/09/jak-130-rusko-solsko-letalo-2.jpg)
Пет лица загинаа во напад со беспилотно летало во руската област Курск во близина на границата со Украина, објави регионалниот гувернер Алексеј Смирнов на Телеграм.
„Меѓу жртвите има и две деца. Удрена е куќа во селото Городиште во Рилската околија. Двајца други членови на семејството, од кое се жртвите, се во тешка состојба“, додаде Смирнов.
Претходно руското Министерство за одбрана соопшти дека се уништени шест украински беспилотни летала над неколку руски региони, вклучувајќи ги Тверската, Белгородската и Брјанската област, како и над Крим.
Сообраќајот по Кримскиот мост бил во прекин околу еден час рано утринава и сега вкупно околу 600 автомобили се собрани од двете страни на мостот
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.