Свет
Командант Баци тепа, не прашува
Екскомандантот на ОНА Изаир Самиу – Баци, завчеравечер, наводно по грешка, во Тетовската болница го нападнал Жарко Гроздановски, медицински техничар, а директорот Шинаси Гафури, наместо да пријави во полиција, самиот ја смирувал работата
ИНЦИДЕНТ ВО БОЛНИЦАТА ВО ТЕТОВО
Екскомандантот на ОНА Изаир Самиу – Баци, завчеравечер, наводно по грешка, во Тетовската болница го нападнал Жарко Гроздановски, медицински техничар, а директорот Шинаси Гафури, наместо да пријави во полиција, самиот ја смирувал работата, за да не до
Изаир Самиу, алијас командант Баци, завчеравечер упаднал во затворениот дел во Медицинскиот центар во Тетово, во одделот за интензивна нега и без никаков коментар го нападнал Жарко Гроздановски, виш медицински техничар во Центарот. Гроздановски вчера случајот го пријавил во полиција, но во Скопје, бидејќи, како што вели, на тетовската полиција, каде се сконцентрирани "луѓе на командант Баци", не и верува.
Гроздановски раскажува дека настанот се случил околу 20 часот, кога Баци дошол да го посети таткото на неговата сопруга, кој лежел на интензивна нега. "Ме викна колегата да дојдам во делот за полесните случаи во шок-соба, кај што лежеше и тестот на Баци, бидејќи крвниот притисок му бил зголемен. Влегов таму, ја видов Ѓунер, сопруга на Баци и ќерка на пациентот. Се познавам со Ѓунер, таа е психолог во Болницата. Муабетевме околу десетина минути. Одеднаш влезе нејзиниот сопруг. Кој го пуштил како цивил на интензивна нега, не ми е познато. Го фрли бурекот што го носеше на соседниот кревет, тргна кон мене и без никаков збор ме удри со бокс во главата", вели Гроздановски.
"Скокнав да се пресметаме, па нека е и со командант Баци, зашто немаше никаква причина да ме нападне. Тогаш го фати сопругата, која беше изненадена и исплашена од тоа што се случи. Го молеше да не прави глупости", раскажува Гроздановски.
Баци ја напуштил просторијата, а сакал да си замине и нападнатиот и да ја напушти смената. "Знаев дека командант Баци не е сам и дека надвор сигурно му е придружбата без која никаде не оди. Ме спречија на вратата и ме повикаа да се качам кај директорот д-р Шинаси Гафури", вели Гроздановски.
Кога се качил кај директорот, таму бил Баци. "Пушеше цигара нервозно. Не ми се ни извини, но додека д-р Шинаси ја смируваше топката, Изаир Самиу коментираше:"Зошто се викаш Жарко? Прекрсти се!"
Во разговорот со директорот Гроздановски дознал дека напаѓачот, всушност, препознал во него некој си друг Жарко, со кого требало да се пресмета. "Директорот го убедуваше дека не сум јас тој Жарко од Брвеница што го барал Баци за тепачка".
Изаир Самиу, поранешниоткомандант на ОНА од селото Шемшово, на втори февруари годинава бил избришан од евиденцијата на затвореници во КПД "Идризово", каде што издржуваше двегодишна затворска казна. Тој пред две години го држеше под оружена опсада објектот на сегашниот Тетовски универзитет.
(С.К.Д.)
***
Изел ќотек и вистинскиот Жарко
Во врска со оваа "грешка" на командант Баци, неофицијално се поврзува еден друг инцидент, кој се случил исто така завчера, но пред зелениот пазар во Тетово. Според официјалните информации од СВР Тетово, на улицата Благоја Тоска, кај зелениот пазар, Жарко Стојановски (40) исто така жител на Брвеница, се наоѓал во кафеаната "Маригона" во придружба на извесен М. И. од Тетово. Извесен Р. Љ. (44) го повикал Жарко Стојановски, кој до пред извесно време бил директор на градскиот стадион во Тетово, за да појдат заедно во дирекцијата на ЈП за стопанисување со стадиони и други спортски објекти на Р.М. за да расчистат некаков спор. Стојановски го одбил тоа, велејќи дека повеќе нема овластувања како директор. Р. Љ. потоа го удрил Стојановски со раката во лицето, нарушувајќи го јавниот ред и мир. СВР Тетово го повикала Р. Љ. на разговор заради расчистување на случајот.
Командант Баци, инаку успеа да го преземе директорувањето врз градските стадиони во Тетово уште додека се наоѓаше на издржувањето на затворската казна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Макрон: Расте непријателството кон Евреите, сите мораме да се мобилизираме
Францускиот претседател, Емануел Макрон, повика на зајакнати напори во борбата против антисемитизмот во Франција, откако нови владини податоци покажале дека непријателството кон Евреите останува на високо ниво, и покрај падот на регистрираните инциденти во 2025 година.
Франција, која има најголема еврејска заедница во Европа, минатата година евидентирала 1320 антисемитски дела, што претставува 53 отсто од сите инциденти поврзани со религија, според извештајот на Министерството за внатрешни работи објавен денеска.
Иако бројот на инциденти се намалил за 16 проценти во однос на претходната година, Министерството соопшти дека тие остануваат на „историски високо ниво трета година по ред“. Зголемувањето е забележано особено по нападот на Хамас врз Израел на 7 октомври 2023 година и последователниот конфликт во Газа.
„Училиштата, правосудниот систем, избраните претставници – сите мора да се мобилизираат“, порача Макрон на церемонија по повод 20 години од смртта на Илан Халими, 23-годишен Евреин кој беше киднапиран и држен во заложништво 24 дена, пред да биде убиен. Водачот на бандата беше осуден на доживотен затвор во 2009 година.
Макрон го осуди, како што го нарече, „отровот на омразата на интернет“, и побара од Европската комисија да ги повика големите онлајн платформи на одговорност.
Свет
Мерц: Русија сè уште не е подготвена за сериозни мировни преговори
Германскиот канцелар, Фридрих Мерц, изјави дека Русија сè уште не е подготвена за сериозни преговори за мир во Украина, иако западните сојузници се подготвени за дијалог кога ќе има смисла.
Говорејќи за време на Минхенската безбедносна конференција, Мерц го почна излагањето со критика на унгарскиот премиер Виктор Орбан, раскажувајќи за „еден премиер од ЕУ“ кој заминал во Москва без мандат и „не постигнал ништо“. Според него, една недела по таа посета, Украина претрпела некои од најжестоките напади врз цивилната инфраструктура.
„Ако разговорите имаат смисла, ние сме подготвени. Но, како што гледаме и од американска страна – Русија сè уште не е подготвена сериозно да разговара“, рече Мерц.
Тој додаде дека војната ќе заврши дури кога Русија ќе биде барем економски, а можеби и воено, исцрпена:
„Се приближуваме до тој момент, но сè уште не сме таму. Русија мора да се откаже од овој ужасен напад врз Украина, а ние мора да направиме сè што е потребно за да ги доведеме до точка кога повеќе нема да гледаат корист од продолжување на оваа војна“, истакна германскиот канцелар.
Регион
На Мерц му е непријатно оти е закочено членството на Западен Балкан во ЕУ
Германскиот канцелар Мерц во Минхен зборуваше за иднината на проширувањето на Европската унија, откако расправата беше поттикната од прашање на претседателот на Црна Гора.
Тој призна дека чувствува „сè поголема непријатност“ поради тоа што Европската унија не успева да постигне значаен напредок во пристапните процеси со земјите од Западен Балкан и соседството.
„Мораме да осмислиме нова стратегија за да ги доближиме овие земји до ЕУ. Не сакам да ве изгубам“, порача Мерц.
Како главна пречка го наведе принципот на едногласност, со посебен акцент на постојаното блокирање од страна на Унгарија, која ја опиша како „слон во просторијата“. Тој изрази надеж дека ова може да се надмине.
„По изборите што ќе се одржат во април, се надеваме дека ќе можеме да ги отвориме следните поглавја и да ви се приближиме уште повеќе кон Европската унија“, заклучи тој.
Цвета Ристовска поднесе оставка од Антикорупциската комисија: „Никогаш немав намера да прикријам информација“
Членката на Државната комисија за спречување на корупцијата (ДКСК), Цвета Ристовска, поднесе неотповиклива оставка од функцијата, која ја доставила до...
Суспендирана полицајка од Кочани: се сомничи дека насилно внела колешка во возило и не ѝ дозволила да излезе
МВР поднесе кривична пријава против припадничка на полицијата од Кочани, поради сомнение за кривично дело „противправно лишување од слобода“, предвидено...
Манасиевски: Обвинителката Кадриу сведочи дека Филипче немал ниту елаборат за струја за модуларната болница во Тетово
Членот на Централниот комитет на ВМРО-ДПМНЕ, Валентин Манасиевски, на денешната прес-конференција изјави дека, според сведоштвото на поранешната обвинителка Лејла Кадриу,...
Мицкоски во Германија: Разговараме и привлекуваме реномирани светски компании кои веруваат во потенцијалот на нашата држава
Денеска во Минхен остварив работна средба со менаџментот на германскиот гигант Schwarz Group, под чија капа работат светски познатите брендови...
(Фото) Инспекциска акција во Центар, нема да толерираме диви депонии и небезбедни напуштени објекти, порача Герасимовски
Инспекциските служби на општина Центар започнаа со расчистување на два напуштени објекти на улиците „Тетовска“ бр. 20 во Ново Маало...
По информациите за енормно загадување на водата за пиење во Струга, обвинителството оформи предмет
Во врска со информациите за енормно загадување на водата за пиење и за основни животни потреби на подрачјето на градот...
(Видео) Страшна сообраќајна несреќа во Сараево: 23-годишник загина кога го удри трамвај на станица
Окружното обвинителство на Сараево денес ја продолжи истрагата за околностите околу тешката сообраќајна несреќа што се случи претходниот ден кога...
„Филипче ја составил документацијата за модуларната болница во Тетово без елаборат за електрична енергија, кој ќе сноси одговорност за техничките пропусти поради кои загинаа 14 луѓе“, прашува ВМРО-ДПМНЕ
„Поранешниот министер за здравство Венко Филипче, бил директно инволвиран во процесот на изработка на техничката документација за модуларната болница во...
Поголем пристап до американскиот пазар, Македонија и САД усогласија рамка за договор за реципрочна, фер и балансирана трговија, соопшти МНР
Република Северна Македонија и Соединетите Американски Држави усогласија Заедничка изјава и Рамка за договор за реципрочна, фер и балансирана трговија,...
Шефот на Пентагон им порача на членките на НАТО да ги зајакнат своите борбени капацитети
Високиот функционер на Пентагон, Елбриџ Колби, им порача на европските министри за одбрана во Брисел дека мора да ги зајакнат...
Рубио во пресрет на Минхенската конференција: Стариот свет повеќе не постои, време е да се стави крај на војната во Украина
Државниот секретар на САД, Марко Рубио, изјави дека Соединетите Американски Држави интензивно работат на завршување на конфликтот во Украина, нагласувајќи...
Откриена масовна измама со билети за Лувр: Запленети 130.000 евра
Париската полиција уапси десет лица осомничени за организирање масовна измама со билети во музејот Лувр. Меѓу уапсените наводно има вработени...
Трамп сè уште одбива да се извини за видеото на кое Обама и неговата сопруга се прикажани како мајмуни
Доналд Трамп продолжи да ги игнорира широко распространетите критики за расистичкото видео објавено на неговиот профил на социјалните мрежи минатата...
Нови е-пораки откриваат: Епстин нарачал скриени камери за куќата во Флорида
Објавена е преписка од е-мејл од 2014 година на која се гледа како осудениот сексуален престапник Џефри Епстин бара од...
Зеленски: За Трамп, прекинот на огнот во Украина е само политичка победа и прашање на наследство
Украинскиот претседател Володимир Зеленски во интервју за „The Atlantic“ изјави дека претпочита да не склучува никаков мировен договор со Русија...
„Не сум магионичар“: Кос за идејата сите земји од Западен Балкан да влезат во ЕУ одеднаш
„Живееме во геополитички чувствително време. Може да има мир во Украина и тоа ќе донесе нова реалност во Европа“, изјави...
Касами: Собранието го разреши раководството на партијата, важен чекор кон спојување на ВЛЕН во еден субјект
Централното собрание на Движењето Беса со мнозинство гласови ја одобри одлуката за распуштање на Централното претседателство на Движењето Беса, во...
Скандал во ЕУ: полицијата упадна во просториите на Европската комисија
Белгиската полиција спроведе претрес во просториите на Европската комисија во Брисел. Станува збор за истрага за можни неправилности во продажбата...
ССМ: Ако газдите не се одважат да дадат дел од колачот на работниците, ќе бидеме приморани секојдневно да бидеме на улица
Сојузот на синдикати на Македонија (ССМ) денес напладне ги блокираше стопанските комори во Скопје кои одбиваат да се согласат минималната...
Трендафилов треба да ѝ се извини на Стојановска, смета Мицкоски: Со крвави зеници и белки во очите напаѓа мајки, сестри и сопруги
Ниту истраги од МВР и Обвинителството ниту одземање на имунитетот, премиерот Христијан Мицкоски смета дека претседателот на Сојузот на синдикати...
