Европа
14 години чувал киднапирана девојка како робинка: oд кафез го слушала монструмот како убива и други жртви во Русија
Владимир Ческидов (51) од Русија е осомничен дека во ропство држел девојка која ја киднапирал 14 години.
Осомничениот, наводно, ја киднапирал Екатарина (33) на железничката станица во 2009 година. Девојчето живеело во заробеништво во селото Смолино и успеало да побегне само преку сплет на околности, пренесуваат медиумите во регионот.
Девојката 14 години била затворена во соба со решетки и постојано била малтретирана. Порталот 74.ru наведува дека никој не ја барал бидејќи е од нефункционално семејство и немало кој да се грижи за неа.
Наводно, била толку многу претепана што ги заборавила сите контакт информации на роднините и не можела да и се јави на сестра си. Владимир ја врзувал својата жртва за греда и ѝ ставал селотејп на устата секогаш кога излегувал од дома. На Екатарина и било дозволено да излезе од собата само за да работи низ куќата.
Но, на Владимир на 30 јули ненадејно му се слошило поради пијанство, по што неговата мајка која живеела во истата куќа повикала брза помош која го однела во болница. Киднаперот немал време да ја заклучи вратата од собата во која ја чувал киднапираната Екатерина, која потоа успеала да побегне.
Засега не е познато зошто неговата мајка не и помагала на Екатарина цели 14 години.
Медиумите во Русија наведуваат дека Екатерина на инспекторите им кажала и за убиство на жена извршено од мажот во периодот од 2010 до 2011 година. Таа изјавила дека Владимир и таа девојка се степале и дека слушнала како вика за помош, а при тоа ја убил и ја распарчил.
При претресот, според „МСК1“, во дворот биле пронајдени човечки останки, а против Владимир е отворен уште еден случај.
Соседите не можеле да претпостават што се случува бидејќи куќата била оградена, додека Владимир ретко излегувал. Многумина изјавиле дека мислат дека куќата е напуштена бидејќи ретко доаѓала светлина од неа.
Екатарина рекла дека не барала помош и дека долго време се плашела да побегне бидејќи Владимир ја следел со нож и дека се плашела да не заврши како другата жртва.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украина: Русите го нападнаа Харков, уништени се згради, меѓу повредените има и дете
Украина ги уништи сите 10 беспилотни летала во руски напад во текот на ноќта, но две лица се повредени, а станбени згради во регионот Харков беа зафатени од пожар, соопштија денеска украинските власти.
Воздухопловните сили на „Телеграм“ соопштија дека Русија лансирала и две противвоздушни наведувани ракети. Портпаролот на украинските воздухопловни сили во телевизиски пренос изјави дека руските ракети, најверојатно, биле насочени кон североисточниот град Харков.
Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, биле и инфраструктурата и станбените области. На фотографиите што ги објави Синехубов на „Телеграм“ се гледаат големи пламени јазици од станбените згради.
„Две лица, меѓу кои и едно 11-годишно дете, се ранети во нападот и се на медицинска помош“, рече Синехубов на апликацијата „Телеграм“.
„Ројтерс“ сè уште не ја потврди независно оваа вест. Москва негира дека цели на цивили во овие „легитимни напади врз воената, енергетската и транспортната инфраструктура на Украина“.
Европа
Повредени двајца полицајци во Париз кога маж им го украл пиштолот и пукал во нив
Двајца полицајци се повредени во престрелка во полициската станица во Париз, кога на еден од нив му бил одземен пиштолот од маж кој претходно бил приведен поради напад со нож врз жена.
„Полицијата интервенираше и го донесе овде, во полициската станица, и тој потоа му го грабна пиштолот на полицаецот“, изјави началникот на полицијата Лорен Нунес.
Обвинителството соопшти дека еден од полицајците е во тешка состојба, пренесува „Монд“.
Полицијата возвратила, а напаѓачот се здобил со повреди во пределот на градниот кош, по што бил пренесен во болница.
Како што информираат од болницата, животот на напаѓачот не е во опасност.
Европа
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот на Државната дума, долниот дом на рускиот парламент.
Откако Путин во вторникот положи заклетва за нов шестгодишен претседателски мандат, тамошната влада, според одредбите на рускиот Устав, поднесе оставка.
И додека во последните денови се шпекулираше дека може да има промени на некои важни и суштински позиции, а руските независни медиуми споменуваа евентуално заминување на Михаил Мишустин од премиерската позиција, Путин повторно го предложи за таа функција.
„Претседателот Владимир Владимирович Путин достави до Државната дума предлог за кандидатурата на Михаил Владимирович Мишустин за функцијата премиер. Денеска претставниците ќе донесат одговорна одлука за ова прашање во име на нивните гласачи“, изјави претседателот на Думата, Вјачеслав Володин на апликацијата Телеграм.
Ова е петти мандат на Путин на власт, а тој го номинираше Мишустин за премиер за прв пат во јануари 2020 година, кога Владата предводена од Дмитриј Медведев поднесе оставка по најавените важни уставни промени во политичкиот систем на земјата од страна на претседателот.
Мишустин, кој ќе зборува во Думата пред гласањето, мора да одговори како ќе реши низа задачи што Путин и ги постави на владата, вклучително и „зголемување на одбранбената способност на нашата земја“, рече Володин.