Свет
Државата со години го штитела Велија

Во една просторија на улица Перо Наков број 60 во Скопје, петте фирми на Рамковски со години произведуваат и тргуваат со смоки, алва, чоколатца, бонбони и други производи чии најчести потрошувачи се деца, а ин
ПОВРЗАНИТЕ ФИРМИ "СТРАТУС", "УНИПРОКОМ ВЕМАКС", "АКСТРА ТРЕЈД", "АКС-СТРА" и "ХЕДИС" ПРОИЗВЕДУВАЛЕ И СКЛАДИРАЛЕ ВО ИСТА ПРОСТОРИЈА
Во една просторија на улица Перо Наков број 60 во Скопје, петте фирми на Рамковски со години произведуваат и тргуваат со смоки, алва, чоколатца, бонбони и други производи чии најчести потрошувачи се деца, а ин
Инспекцијата дури деновиве открила дека фирмите на Велија Рамковски немаат ни минимални технички услови за работа, иако тие не се регистрирани од вчера и постојат повеќе години. Во една просторија на улица Перо Наков број 60 во Скопје, петте фирми на Рамковски произведуваат и тргуваат со смоки, алва, чоколатца, бонбони и други производи чии најчести потрошувачи се деца.
Државниот пазарен инспекторат дури завчера на фирмите "Стратус", "Уни Проком Вемакс", "Акс-стра", "Акстра-трејд" и "Хедис" им издаде решенија со кои им забрани вршење на дејност во рок од 3 дена и од газдата побара да ги отстрани неправилностите. Ако не го испочитуваат рокот и не обезбедат услови за работа, Пазаришниот инспекторат ќе ги затвори.
Од нивното основање до минатата недела ниту една инспекциска служба немаше влезено во просториите на улицата Перо Наков каде што се сместени петте фирми. Колевски се правда дека неговата иснпекција реагира само на пријава на граѓани. Инспекцијата утврдила, соопшти Колевски, дека во истата просторија каде што се произведуваат смоки, се складираат и средства за хигиена кои се водат на фирма која е се уште во фаза на регистрација.
"Вработените не знаеја да кажат кој производ на која фирма припаѓа, оти не постои физичка поделеност на просторот на производствен погон и на магацин. Повеќето од производите немаа декларација на македонски јазик со кирилско писмо, а не е ставена на увид и материјалната евиденција за вршење на трговија на големо", рече Колевски на вчерашната прес – конференција.
Од инспекцијата во "Стратус" ДОО се затечени производи со невистинити податоци во декларациите по основа на датум на производство.
Поради документациска поврзаност почнат е инспекциски надзор и во погон на "Уни Проком Вемак" во Битола, кој е за производство на зачинот "тузот", а кој се декларира како производ на "Акс- стра" ДООЕЛ Скопје.
Пазаришната инспекција, вели Колевски, за еден месец направила контроли во 1.000 трговски и производствени објекти. Тој не сакаше да каже колку казни се напишани за неправилно работење оти вчерашниот прес го свикал само за фирмите на Рамковски. "Прво и основно во Македонија е тоа кој работи легално Владата е негов партнер и е негов поддржувач", рече вчера Колевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Америка ѝ нуди на Украина заштита слична на НАТО, Путин, наводно, се согласил

Американскиот претставник Стив Виткоф изјави во интервју за „Си-ен-ен“ дека рускиот претседател Владимир Путин за прв пат се согласил да вклучи клаузула за колективна одбрана во потенцијален мировен договор за Украина.
Зборувајќи во емисијата „Состојбата на Унијата“, Виткоф појасни дека договорот е замислен како заобиколување на црвената линија на Русија – членството на Украина во НАТО. Наместо формално да се приклучат на Алијансата, САД и европските земји ќе понудат безбедносни гаранции со формулацијата „слична на Член 5“, која ги обврзува сите членки на меѓусебна одбрана.
„Се согласивме дека Соединетите Американски Држави и другите европски земји би можеле да понудат формулација слична на Член 5 како дел од безбедносната гаранција“, рече Виткоф. Тој додаде дека Путин јасно ставил до знаење дека членството на Украина во НАТО е неприфатливо, но дека тие ги започнале преговорите од претпоставката дека Украинците можат да се согласат на алтернатива.
„Сè зависи од тоа со што можат да живеат Украинците. Но, почнувајќи од тоа, успеавме да ја добиеме оваа отстапка – дека САД можат да понудат заштита слична на Член 5“, рече тој.
Виткоф нагласи дека ова е „прв пат да слушнеме дека Русите се согласиле“ на таква клаузула во кој било мировен договор.
Досега, ниту рускиот претседател ниту други функционери јавно не коментирале за толкувањето на преговорите од страна на администрацијата на Трамп.
Свет
Зеленски во Брисел: Не гледам дека Путин е подготвен за средба со мене и Трамп

Украинскиот претседател Володимир Зеленски изјави дека не гледа индикации дека Русија е подготвена за трилатерален самит меѓу него, американскиот претседател Доналд Трамп и неговиот руски колега Владимир Путин.
„Во оваа фаза, нема индикации од Русија дека трилатералниот самит ќе се одржи“, рече тој за време на кратката заедничка прес-конференција со претседателката на Европската комисија Урсула фон дер Лајен.
Претседателката на Европската комисија изјави дека се надева на трилатерален самит „што е можно поскоро“.
Преговарачка позиција на Украина
Украинскиот претседател изјави дека сегашните фронтовски линии во војната на неговата земја против Русија треба да бидат основа за мировни преговори.
„Ни требаат вистински преговори, што значи дека можеме да започнеме таму каде што е сега линијата на фронтот“, рече Зеленски, додавајќи дека европските лидери го поддржуваат тоа.
Зеленски го повтори својот став дека е потребно да се воспостави примирје за потоа да се преговара за конечен договор.
Дипломатска офанзива со европските сојузници
„Важно е Вашингтон да биде со нас“, рече украинскиот лидер. На разговорите со Трамп во понеделник, тој ќе биде придружуван од неколку европски сојузници.
Украинскиот претседател отпатува во Брисел за да учествува на видеоконференција на „коалицијата на добронамерните“, која ги собира поддржувачите на Киев, вклучувајќи го францускиот претседател Емануел Макрон, британскиот премиер Кир Стармер и германскиот канцелар Фридрих Мерц. Потоа тој ќе отпатува за Вашингтон заедно со европските лидери за да се сретне со Доналд Трамп во Белата куќа.
„Не знам точно за што разговарале Путин и претседателот Трамп“ за време на нивниот самит во Алјаска, рече Зеленски. „И би сакал претседателот Трамп да сподели многу детали со мене и со европските лидери“, додава тој.
Безбедносни гаранции и руски барања
Она што „претседателот Трамп ни го кажа за безбедносните гаранции за мене е многу поважно од мислите на Путин. Бидејќи Путин нема да ни даде никакви безбедносни гаранции“.
Украинскиот лидер, исто така, рече дека Путин, има „многу барања“ за прекин на конфликтот во Украина, но дека „не ги знае сите“.
„Ако навистина има толку многу колку што слушнавме, тогаш ќе биде потребно време да се разгледаат сите“, рече тој.
Зборувајќи заедно со Володимир Зеленски, шефот на Европската комисија го поздрави предлогот на американскиот претседател Доналд Трамп да ѝ се понудат на Украина безбедносни гаранции слични на оние на НАТО.
Свет
„Би-Би-Си“: Европа сака да покаже дека е клучна за договорот за Украина

И покрај неуспехот да се обезбеди прекин на огнот, Европа сега се обидува да му покаже на американскиот претседател Доналд Трамп дека е клучна за мировниот договор што тој го сака, пишува „Би-Би-Си“.
Откако Вашингтон првично ја исклучи ЕУ од своите дипломатски напори, европските лидери сега ќе бидат претставени во поддршка на Володимир Зеленски на утрешниот состанок во Белата куќа. За украинскиот претседател, ова е и можност да го поправи впечатокот по последната, озлогласена посета на Белата куќа и конфликтот со Трамп и неговиот потпретседател Џ.Д. Венс.
Според Би-Би-Си, Европа веќе ја поддржа одлуката на Трамп да го прескокне прекинот на огнот, и останува да се види дали ќе се обидат да го убедат да заземе поцврст став кон Владимир Путин.
Светските медиуми претходно пренесоа дека Зеленски во Вашингтон ќе стигне со тешка артилерија, придружуван од првите луѓе на ЕУ и НАТО.