Свет
Прчевски се вози во конфискувани возила
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-10804.jpeg)
Ревизорите укажуваат на многу неправилности во работата на седумте јавни обвинителства во државава
Ревизорите укажуваат на многу неправилности во работата на седумте јавни обвинителства во државава
Сметководството препуштено на архивари, уписничари место на сметководители
Првиот човек на Обвинителството, Александар Прчевски, се вози во конфискувани возила. Во возниот парк на Јавното обвинителство на Македонија владее вистински хаос. Со пререгистрирање на запленетите автомобили јавниот обвинител успеал прилично да го збогати службениот паркинг. Ги имало премногу за Обвинителството, па ќарот од вишокот, со преотстапување, го виделе и хиерархиски пониските – некои виши и основни обвинителства. Службените возила најчесто стекнати со конфискација по завршена судска постапка или со одлука на Влада можеле да се користат само привремено, но не и трајно да се преотстапат. Овие неправилности ги констатирале ревизорите, ѕиркајќи цели два месеца во поединечните финансиски книги на седумте јавни обвинителства во државава во 2004 и во документи од минатата година. Директната одговорност за неправилностите во работењето ја сноси првиот човек на Обвинителството, Александар Прчевски.
"Службените возила не секогаш се евидентирани во сметководствената евиденција на основни средства според сопственоста. Ваквата состојба влијае на нереално искажување на вредноста на материјалните средства во поединечните годишни сметки по обвинителства и во консолидираната годишна сметка", укажува главниот државен ревизор, Драгољуб Арсовски. Препорачува да се направи попис на возилата по обвинителства, пописни листи за туѓите автомобили и усогласување на книговодствената со фактичката состојба според сопственоста.
Интересно е тоа што вработените во Обвинителството се одморале и се рекреирале во станови во Охрид за кои во текот на 2003 и 2004 биле платени 77.000 денари државни пари. Меѓутоа, Заводот за ревизија не можел да утврди во чија сопственост биле становите, бидејќи за користењето не бил склучен договор со Јавното претпријатие за стопанисување со станбен и деловен простор во Охрид. Значи, немало ниту имотен лист, ниту извршен попис, ниту договор за закуп. "Не е утврден сопственичкиот статус на становите. Добиените фактури од ЈП за станбен простор – Охрид и наплатените средства за престој се на посебна благајна кај ЈО на Македонија. Не може да се потврди остварениот приход и да се даде препорака за правилно евидентирање на становите", заклучува ревизорот во својот извештај.
Кога станува збор за Прчевски, тој бил многу галантен функционер и двапати плаќал за исти услуги. На фирмата "АГ ССМ" потрошил 100.000 денари за репрезентација, иако овие трошоци веќе биле предвидени со договорот. Ревизијата укажува на прекумерно трошење пари за хигиена, чуварски служби, комунални услуги. За тековно одржување на деловен простор, закупнина, струја, вода, одржување, лифтови, Основното јавно обвинителство – Скопје склучило договори со Советот на ССМ и фирмата "АГ ССМ" на околу 11 милиони денари. Овие високи бројки се провлекуваат повеќе од седум години. Ревизорите оценуваат дека трошоците се огромни и дури предлагаат начин за нивно намалување, сугерирајќи Обвинителството да се смести во простории кои би биле сопственост на државата. За набавки на канцелариски материјали и мебел, за поправка и сервисирање возила и опрема, како и за молерофарбарски услуги нема соодветни документи -испратници, работни налози, сметкопотврди со кои би се покриле трошоците.
Прчевски нема назначено внатрешен ревизор, ниту одговорни сметководители по обвинителства. Државните ревизори утврдиле дека во некои обвинителства сметководството било препуштено на архивари, уписничари и надворешни лица наместо на сметководители. Еден вработен истовремено се занимавал со сметководство, ликвидатура и благајна, а контролорите предупредуваат дека тоа може да произведе злоупотреби и несовесно користење на средствата и имотот на јавните обвинителства. Актуелниот јавен обвинител ги избегнувал тендерските постапки и го кршел Законот за јавни набавки. Набавил плакари за 202.000 денари, а за да ја избегне законската процедура, трошокот го поделил на три дела. Слични аномалии се констатирани и за вариолајт завеси во вредност од 49.000 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.