Свет
Каде отиде провизијата од продажбата на „ЕСМ дистрибуција“?
Дистрибуција“ се продаде со меѓународен тендер и трансакцијата на Берзата беше само техничка реализација, вели министерот Фатмир Бесими
Брокерите и банкарите прашуваат
„Дистрибуција“ се продаде со меѓународен тендер и трансакцијата на
Берзата беше само техничка реализација, вели министерот Фатмир Бесими
Владата ги налути брокерите во земјава бидејќи ги исклучи од берзанската трансакција на 175,2 милиони евра, кои во петокот ги уплати австриската компанија ЕВН за купување на „ЕСМ дистрибуција“. Дознаваме дека брокерските куќи преку својата групација во Стопанската комора наскоро ќе објавата официјална реакција за овој случај.
Нивниот револт се должи на тоа што изгубиле најмалку 1,1 милион евра зашто не посредуваа во трансакцијата.
Од целата постапка се исклучени и банките бидејќи парите се префрлени во девизи на посебна сметка во Народната банка. Ако се конвертираа во денари во некоја банка, таа ќе заработеше провизија од најмалку 175.000 евра и курсна разлика од минимум 420.000 евра.
Банкарите сметаат дека оваа трансакција се коси со Законот за платен промет, кој налага сите плаќања во земјава да се вршат во денари и да поминат низ некоја од домашните банки.
Брокерите не знаат зошто Владата се решила на ваков чекор, за што била донесена и посебна владина одлука.
Министерот за економија Фатмир Бесими вели дека блок-трансакцијата не прекршува ниеден закон, ниту берзанските правила. Тој тврди дека постапката е во согласност со Законот за продажба на државен капитал.
– Продажбата на „Дистрибуција“ одеше преку меѓународен тендер и трансакцијата на Берзата беше само техничка реализација. Парите влегуваат во девизните резерви како прилив на девизната сметка. Тие пари не се пуштаат во промет и не мора да се претворат во денари – вели Бесими.
Министерот вели дека при оваа трансакција провизија зеле само Македонската берза и Централниот депозитор, а таа била платена од купувачот.
Директорот на Берзата, Иван Штериев, не кажува колкава провизија наплатила оваа институција. Тој ја целата постапка оправдува со владината одлука и со Законот за трансформацијата на ЕСМ.
– Берзата и Депозиторот ја комплетираа постапката од претходно завршениот меѓународен јавен тендер што го водеше Владата. Овие две институции беа вклучени во целата постапка како технички сервис – вели Штериев.
Здружението на граѓаните „Акционер“ смета дека берзанската трансакција за „ЕСМ дистрибуција“ е незаконска и не е во согласност со Законот за хартии од вредност и бара да се поведе постапка за нејзино поништување.
„Трансакцијата не е законска бидејќи не се направени купопродажни налози од брокер. Комисијата за хартии од вредност треба да поведе постапка за поништување на трансакцијата“, соопшти „Акционер“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Либанците да останат во својата земја, повика папата Лав Четиринаесетти
Поглаварот на Римокатоличката црква, папата Лав Четиринаесетти денеска ги повика Либанците да „останат“ во својата земја, каде што економскиот колапс ја засили масовната емиграција, и повика на „помирување“ за надминување на длабоките поделби во Либан.
Папата, кој дојде во Бејрут од Турција, донесе порака за мир во Либан, земја која стравува од враќање на отворениот конфликт со Израел.
Во говорот во претседателската палата кратко по неговото пристигнување, папата ја нагласи потребата да се работи за „мир“ без да ги спомне регионалните тензии или неодамнешните израелски бомбардирања.
Тој, исто така, ја нагласи потребата властите и институциите да препознаат дека „општото добро е поголемо од доброто на која било група“ и ја повика владејачката класа да „му служи на народот со посветеност и преданост“.
Свет
Зеленски: Ова се важни денови за Украина
Претседателот на Украина, Володимир Зеленски објави дека денеска разговарал со генералниот секретар на НАТО, Марк Руте.
„Разговарав со Марк Руте и ќе разговараме повторно во наредните денови. Ова се важни денови и многу работи можат да се променат. Тесно се координираме и во нашите активности и во активностите на сите партнери, заедничките акции, заедничките позиции ќе бидат исклучително ефикасни. Ви благодарам за вашата поддршка“, напиша Зеленски на Телеграм.
Тој наведе дека телефонски разговарал со претседателката на Европската комисија, Урсула фон дер Лајен.
– Продолжуваме да бидеме во целосна координација со Европската комисија, благодарен сум за поддршката. Разговаравме за ситуацијата во дипломатијата и имаме заеднички став за клучните прашања. Исто така е важно што Урсула е многу внимателна кон потребата од зајакнување на нашата отпорност во услови на постојани руски напади врз инфраструктурата и енергијата. Ја ценам подготвеноста да ѝ се помогне на Украина!, напиша Зеленски.
Свет
Папата Лав Четиринаесетти пристигна во Либан
Папата Лав Четиринаесетти пристигна во Либан во рамки на неговата прва турнеја во странство, објави ДПА.
Светиот Отец пристигна попладнево во либанскиот главен град Бејрут, по посетата на Турција.
Посетата на папата се смета за причина за надеж за мир и стабилност во земјата загрозена од воени конфликти и зафатена од кризи.
Тој ќе се сретне со либанските лидери, ќе посети христијански објекти и ќе одржи литургија. Околу 30 отсто од населението на Либан се христијани, додека мнозинството жители се муслимани.

