Свет
УНДП : Царината најкорумпирана
Граѓаните на Македонија имаат многу мала доверба во институциите на државата, поради високиот степен на корупција и злоупотреби во нив, покажала анализата на јавното мислење содржани во Извештајот за навремено предупредување на УНДП за првиот квартал од годинава.
ПОВЕЌЕ ОД ПОЛОВИНА ГРАЃАНИ НЕ ИМ ВЕРУВААТ НА ВЛАДАТА И СОБРАНИЕТО
Граѓаните на Македонија имаат многу мала доверба во институциите на државата, поради високиот степен на корупција и злоупотреби во нив, покажала анализата на јавното мислење содржани во Извештајот за навремено предупредување на УНДП за првиот квартал од годинава. "Довербата има тренд на опаѓање, а најевидентна корупција има во царината, рече постојаниот претставник на УНДП во Македонија, Норимаса Шимомура.
Преку 50 отсто од граѓаните не им веруваат на Владата и Собранието, а по нив се правосудството и претседателот. Највисока доверба имаат религиозните институции и Армијата. Професорот на Правниот факултет Ѓорѓи Иванов рече дека Македонија е соочена со еден феномен каде религиозноста и авторитарноста се на високо ниво. "Тоа укажува дека е исцедена довербата во институциите и политичарите. Политиката го губи она што е нејзина вистинска цел – да мотивира, да анимира, да стекнува доверба. Оваа интенција е загрижувачка", појасни Иванов.
Земјоделците од Повардарието и источна Македонија и граѓаните на возраст меѓу 45 и 55 години се најнезадоволни. Најголемо задоволство е регистрирано кај граѓаните во Западна Македонија. За разлика од големиот процент на недоверба во домашните институции македонските граѓани покажале висок степен на доверба во меѓународните организации. Има тренд на зголемување на процентот на Албанци кои се чувствуваат како граѓани на Република Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.
Свет
Хутите истрелаа три проектили на два брода во Црвеното Море: оштетен британски танкер
Американската војска објави дека јеменските бунтовници Хути лансирале три противбродски балистички ракети врз два брода во Црвеното Море, при што лесно е оштетен британски танкер за нафта.
Американската централна команда (CENCOM) преку соопштение на платформата „Х“ соопшти дека е оштетен танкерот со нафта „МВ Андромеда Стар“, како и дека проектил паднал во близина на друг брод „МВ Маиша“, но не го оштетил.
Хутите од ноември минатата година напаѓаат комерцијални бродови во Црвеното Море и Аденскиот Залив со ракети и беспилотни летала како знак на, како што велат, поддршката на палестинската милитантна група Хамас во конфликтот со Израел во Појасот Газа.