Светска банка и сугерирала на Владата да го обелодени купопродажниот договор за ЕСМ што неодамна го потпиша со идниот сопственик на Дистрибуцијата, австриската компанија „ЕВН АГ“, дознава „Време“ од извори во Министерството за финансии.

Светска банка и сугерирала на Владата да го обелодени купопродажниот договор за ЕСМ што неодамна го потпиша со идниот сопственик на Дистрибуцијата, австриската компанија „ЕВН АГ“, дознава „Време“ од извори во Министерството за финансии.

Мисијата за енергетика на Банката која деновиве престојува во земјава им сугерирала на министерот за финансии Никола Поповски и на неговиот колега од Министерството за економија Фатмир Бесими дека за да се запазат начелата на транспарентност при приватизацијата потребно било документот што ги уредува правата и обврските на новите мнозински акционери да биде ставен на увид на јавноста. Како што образложиле мисионерите од СБ, во процесот на приватизација мора целосно да се почитува начелото на транспарентност. Како што дознаваме, ставот на мисијата бил државата да најде начин и да го стави договорот на увид бидејќи во него немало одредба за тајност. Во случајов, рекле од мисијата, станува збор за приватизација на компанија што е во стопроцентна сопственост на државата, а не се работи за договор склучен меѓу приватни деловни субјекти.

Неофицијално, овие сугестии од Светска банка веќе ги напишале во последниот извештај што веќе наредната недела се очекува од нејзината канцеларија во Скопје да биде испратен кај премиерот Бучковски, и министрите Поповски и Бесими. Во Владата засега се молчи за ставот на мисијата.

И домашната стручна јавност инсистира Договорот за ЕСМ да биде обелоденет за да се сопрат сите шпекулации оти во него се вметнати штетни клаузули.

Владата, според последните информации најверојатно ќе стави на увид делови од договорот потпишан со австрискиот концерн „ЕВН“, но претходно секој што ќе посака да ги види ќе мора да потпише изјава оти нема да ги коментира во јавност. Австријците, пак, повикувајќи се на деловните интереси биле против иницијативата договорот да стане јавен документ.

Нашите извори велат дека една од препораките во најновиот извештај на мисијата била Владата да се заложи за зголемување на производствената цена на електричната енергија бидејќи заклучокот бил дека државната компанија „Електрани на Македонија“ (ЕЛЕМ) моментно работела на граница на рентабилноста.

М.К.