Свет
Шверцот на цигари расцвета на југ
Шверцот на цигари во земјава најмногу се одвива преку границата на Македонија со Грција, особено на гевгелискиот премин Богородица, тврдат за „Време“ извори во МВР и во Царинската управа.
Дејан Николовски
Шверцот на цигари во земјава најмногу се одвива преку границата на Македонија со Грција, особено на гевгелискиот премин Богородица, тврдат за „Време“ извори во МВР и во Царинската управа.
Нашите извори велат дека откако цигарите ќе влегле во земјава, се складирале во магацини, распоредени на неколку тајни локации во јужниот дел на Македонија.
На завчерашната седница во собранието, пратеничката на ВМРО-ДПМНЕ упати прашање до премиерот Владо Бучковски, што се случило со 20 тони цигари запленети на граничниот премин кај Гевгелија и што барал Захарие Ќуркчиев, брат на генералниот секретар на СДСМ Никола Ќуркчиев, во ресторан во Петрич со браќата Артемидас, државјани на соседна Грција, кои биле фатени во шверц на 10 тони цигари.
Координаторката на пратеничката група на ВМРО-ДПМНЕ, го праша премиерот и дали по налог на Ќуркчиев се заташкал случајот со 20 тони цигари запленети кај Гевгелија. Таа од говорницата рече дека зголемена била фреквенцијата на камиони со двојни документи, кои се движеле од Деве Баир кон Дојран, а биле обезбедувани од ДБК и од припадници на полициската единица „Тигри“.
– Дали бугарската и грчката мафија платиле пет милиони евра за Бучковски и претседателот Бранко Црвенковски да дозволат транзит на 225 шлепери од Бургас преку граничниот премин Деве Баир за Косово? – праша Бонева.
Бучковски пак одговори дека македонското МВР соработувало за решавање на случајот „Докторот“, во кој биле вмешани функционери од ВМРО-ДПМНЕ, во времето кога министер за финансии беше сегашниот лидер Никола Груевски.
– Кога ќе одговорите на овие прашања, може да зборуваме за доктори и за пациенти. Во случајот вие сте пациенти, бидејќи МВР соработуваше во големата акција за Докторот, каде што ВМРО-ДПМНЕ беше посочена за организатор на шверцот со цигари. Во тоа време на функцијата министер за финансии беше Груевски. Не може директорите на Царинската управа или на УЈП да прават нешто, а министерот за финансии да не знае – рече Бучковски.
Српскиот неделник „Време“ на 2 март годинава, само десетина дена по убиството на Бугаринот Иван Тодоров-Докторот, објави дека шверцот на цигари од Бугарија во Македонија се одвивал преку поранешниот директор на македонската царина, Драган Даравелски. Според текстот на неделникот, во времето на владеењето на ВМРО-ДПМНЕ, кога министер за финансии бил Никола Груевски, Докторот во Македонија успеал да испере околу 50 милиони тогашни германски марки.
„Драган Даравелски, кој во Македонија поседува 14 компании, од шверцот со цигари заработи десетина милиони евра и влезе во бизнис со српската мафија во шверц на течни горива. Кога ВМРО-ДПМНЕ ја изгуби власта во Македонија во 2002 година, многу информации за бизнисот со цигари стигнаа во Софија што резултираше со кривични пријави за Иван Тодоров и за уште неколку лица“, објави неделникот „Време“.
Црвенковски: Бонева кажа ноторни глупости
Претседателот Бранко Црвенковски ги оцени како ноторни глупости тврдењата на Силвана Бонева, пратеник на ВМРО-ДПМНЕ, на завчерашната собраниска седница.
– Ништо не е точно од тоа. Се работи за ноторна глупост, што навистина не заслужува никаков коментар.
Она што мене ме загрижува е како што тргнаа работите, пред избори ќе се изнагледаме вакви работи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Јас сум единствениот американски лидер за време на чиј мандат Русија не ги нападна соседите
Поранешниот претседател на САД и кандидат на републиканците на претстојните претседателски избори, Доналд Трамп изјави дека тој е единствениот американски лидер во последните години за време на чиј мандат Русија не ги нападна своите „соседи“, вклучително и Украина.
Во интервју за „Вашингтон пост“, Трамп изјави дека рускиот претседател Владимир Путин никогаш немаше да започне војна против Украина додека е тој на власт.
„Ние би разговарале за тоа, тоа би било негов сон, но тој никогаш не би го направил тоа со мене на власт“, истакна тој.
Свет
Путин го унапреди својот поранешен телохранител во член на Советот за безбедност на Русија
Рускиот претседател Владимир Путин денеска го унапреди Алексеј Дјумин, неговиот поранешен телохранител, во член на рускиот Совет за безбедност.
„Да се вклучат следните лица како членови на Советот за безбедност на Руската Федерација: А. Г. Дјумин – помошник на претседателот, А. Л. Линка – шеф на ГУСП, Д. В. Мантурова – прв заменик претседател, В. И. Скворцова, шеф на ФМБА“, наведено е во декретот на претседателот на Русија, објави РИА Новости.
Путин го исклучи од Советот за безбедност вршителот на должноста секретар на Генералниот совет на Единствена Русија, Владимир Јакушев, кој минатата недела премина во Советот на Федерацијата.
Свет
Редакцијата на „Њујорк тајмс“ јавно ја поддржа Камала: „Таа е единствениот избор“
Уредничкиот одбот на „Њујорк Тајмс“ ја поддржа Камала Харис, нарекувајќи ја единствениот патриотски избор за претседател.
Наместо да ги наведе позитивните аспекти на Камала Харис, уводникот се фокусираше на набројување на она што го смета за дисквалификувачки аргументи против Трамп.
„Тешко е да се замисли кандидат кој е понедостоен да ја извршува функцијата претседател на Соединетите држави“, пишува во едиторијалот за Трамп.
„Оваа недвосмислена, обесхрабрувачка вистина – Доналд Трамп не е соодветен за функцијата претседател – треба да биде доволна за секој гласач кој се грижи за здравјето на нашата земја и стабилноста на нашата демократија да го оневозможи реизборот“, се вели во соопштението за печатот, потпишано од 14 новинари.
„Поради оваа причина, без оглед на политичките несогласувања што гласачите може да ги имаат со неа, Камала Харис е единствениот патриотски избор за претседател“, се додава.
Одлуката за поддршка на Харис не е изненадувачка. Редакцискиот одбор не одобрил републиканец за претседател уште од Двајт Ајзенхауер во 1956 година.
Во јули, 10 дена пред претседателот Џо Бајден да се откаже од трката, уредничкиот одбор објави остра критика во пет дела за Трамп.
Весникот ја нарекува Харис „посветен јавен службеник“ кој е „повеќе од неопходна алтернатива“. Тврдат дека нејзините планови за економијата, здравството, надворешната политика и имиграцијата се причина да ја изберат на претседателските избори во ноември.
Признаваат дека некои од тие планови не се толку детални колку што би сакале гласачите, но повторуваат дека опасноста е многу поголема од вториот мандат на Трамп. Тие посочуваат дека Трамп најавил дека ќе ја искористи владата за да ги нападне своите политички непријатели.
„Ако американските гласачи не му се спротивстават, Трамп ќе има моќ да предизвика длабока и трајна штета на нашата демократија“, предвидува уредникот, заклучувајќи дека Камала Харис е единствениот избор.