Свет
Пресудата за „Бачило“ еднаш била укината поради неправилности
Вториот заменик-јавен правобранител, кој ја застапувал државата, не поднесол жалба против втората пресуда, иако била донесена врз исти основи, смета антикорупциската комисија
ИЗВЕШТАЈ НА АНТИКОРУПЦИСКАТА КОМИСИЈА
Вториот заменик-јавен правобранител, кој ја застапувал државата, не поднесол жалба против втората пресуда, иако била донесена врз исти основи, смета антикорупциската комисија
Скопје ја укинал првата пресуда отштетата од околу 720 илјади евра за случајот „Бачило“ поради суштествени повреди на постапката, погрешно и нецелосно утврдена штета и неправилно пресметана камата. Но, откако Основниот суд 1 во Скопје повторно донесол слична пресуда за штетата, Јавното правобранителство не поднесло жалба. Тоа се главните констатации во Извештајот на Државната комисија за спречување корупција, по увидот во комплетната документација за случајот на отштета за бачило ракетирано во конфликтот. Во извештајот се истакнува дека до жалбата до Апелацискиот суд државата ја застапувал еден заменик на јавниот правобранител, а потоа друг.
„Со вештачењата не е утврдена вкупната количество изгубено млеко, односно сирење, како ни вкупниот број на загинатите овци“, се истакнува во извештајот.
Во ниедно од трите вештачења посочени во списите за случајот предмет на вештачење не бил бројот на уништениот добиток, туку просечната цена на едно животно. Приватна агенција за вештачење, посожена во документацијата, демантираше дека го вештачела тој предмет.
Судот го одредил бројот на уништените овци, коњи и количеството сирење врз основа на ветеринарни потврди од ветеринарната станица „Еуровет“ од тетовско Камењане. Сумата од 727 илјади евра, која присилно била наплатена од сметката на Министерството за одбрана на крајот на 2004 и во почетокот на минатата година се однесувала на 929 убиени овци, 31 коњ, четири ждребиња, сирење и канти за сирење, како и камата од денот на поднесување на тужбата.
Според увидот во документацијата, спорно е дали настанот воопшто се случил, колкава била штетата, висината на каматите и зошто Јавното правобранителство не поднесло жалба за пресуда што еднаш била укината од Апелацискиот суд во Скопје.
Сопственикот на бачилото, Иснифарис Џемаили од Камењане, во декември 2001 година поднесол тужба против Република Македонија за надомест на штета што му ја направил борбен хеликоптер на АРМ, кој го ракетирал неговото бачило на 27 јуни 2001 година. Џемаили барал отштета за вкупно 795 овци, 35 коњи, 3.886 канти сирење и за 1.834 празни канти за сирење. Како доказ била предложена службена белешка од полициска станица „Шар Планина“ од увид на 28 јуни 2001, ден по ракетирањето, и изјави на полицаец и тројца овчари.
Антикорупциската цитира службена белешка број 246 од18 октомври 2001 година на полициски потпоручник од станицата, кој отишол кај бачилото. При тој увид не било извршено фотографирање на местото. Полицискиот офицер напишал:
– Објектот, кој се наоѓа на предниот дел од бачилото, кое е од тврда градба, е видно оштетен, односно просториите каде што е правено и чувано сирењето, што укажува дека се целосно уништени. На 200 метри од бачилото се гледа кратер од поголем размер во и околу кој беа расфрлани телата на поголем број овци. По кажување на оштетениот, во објектот имало околу 2.000 канти сирење, кои се целосно уништени и неупотребливи, усмртени се околу 280 овци, а 50 овци се со видливи оштетувања без можност да преживеат. На источниот дел на објектот имаше околу осум трупа на коњи и четири ждребиња.
Но, Министерството за одбрана во ноември 2002 година, доставило извештај до судот, во кој пишува:
– Според добиениот извештај од Генералштабот на Армијата на Република Македонија, хеликоптери на АРМ што вршеле воздушен транспорт не биле вооружени, а во извештајот на МВР е посочено дека хеликоптерите дејствувале со проектили со голема разорна моќ. Хеликоптерите на АРМ не располагаат и не се опремени со таков тип проектили.
Во МВР не го коментираат случајот бидејќи минал во судска надлежност, но потврдуваат дека службена белешка не е исто што и увид. Во Министерството за одбрана повторуваат дека судот не ги зел предвид информациите што тие му ги доставиле.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Иран со дрон погоди пристаниште во Оман
Во Оман, во ирански напад со дрон е погоден резервоар за гориво во пристаништето Дукам, објави државната новинска агенција на таа земја.
„Штетата е ставена под контрола и нема човечки жртви“, се наведува, повикувајќи се на неименуван безбедносен извор.
Истото пристаниште било цел на напад и за време на викендот, кога според извештаите бил повреден еден работник. Објавена е и снимка од ударот.
Moment Iranian drone strike hit the Port of Salalah in Oman. pic.twitter.com/OGQs7CYqr3
— Clash Report (@clashreport) March 3, 2026
Во соседен Катар вчера беше запрено производството на течен природен гас по ирански напади врз дел од постројките, додека Саудиска Арабија ја суспендирала работата во својата најголема домашна рафинерија.
Оман со години е клучен посредник во разговорите меѓу САД и Иран, а последниот круг преговори бил одржан минатиот месец токму таму.
Свет
Багеи: Иран во моментов е единствената преостаната сила што се спротивставува на злото
Портпаролот на иранското Министерство за надворешни работи, Есмаил Багеи, денес изјави дека Иран во моментов е единствената преостаната сила што се спротивставува на злото и рече дека „вечен срам“ ќе ги снајде оние што тврдат дека ја следат дипломатијата, но, соочени со аргументите на Иран, попуштија и решија да прибегнат кон воени средства.
Тој нагласи дека Техеран верува дека е посветен на хуманитарните принципи, пренесува „Ал Џезира“.
„Ционистичкиот режим не се воздржува од никаков злобен чин. Ги молам моите арапски пријатели внимателно да размислат. Режимот не се двоуми да го прошири опсегот на војната, да го расипе угледот на Иран и да изврши злосторства во други земји“, додаде Багеи, пренесува Танјуг.
Свет
Песков: Путин вложува напори за намалување на тензиите на Блискиот Исток
Портпаролот на Кремљ, Дмитриј Песков, изјави дека рускиот претседател Владимир Путин ги продолжува напорите за намалување на тензиите на Блискиот Исток и најави дека рускиот лидер денес ќе одржи меѓународен телефонски разговор. „Претседателот денес треба да има уште еден меѓународен телефонски разговор. Ќе објавиме релевантни информации и повеќе детали малку подоцна“, изјави Песков за новинарите, објави РИА Новости.
Според него, Путин вчера разговарал со лидерите на Обединетите Арапски Емирати, Катар, Бахреин и Саудиска Арабија и во сите разговори, ситуацијата на Блискиот Исток била главна тема, а рускиот претседател ја пренел својата длабока загриженост за нападот врз иранската инфраструктура, што станало централна точка на разговорот.
„Вчера разговаравме со практично сите наши соговорници дека Путин ќе ја пренесе својата длабока загриженост за нападот врз нивната инфраструктура на нашите колеги во Иран, користејќи го дијалогот што го водиме со иранското раководство“, рече Песков.
Тој негираше дека Путин има какви било планови да разговара со американскиот претседател Доналд Трамп. „Не, во моментов нема планови за разговор со Трамп“, рече Песков, нагласувајќи дека Путин нема такви настани на својот распоред.
Зборувајќи за ситуацијата на Блискиот Исток, Песков нагласи дека Русија останува посветена на принципите на меѓународното право и почитувањето на суверените држави, коментирајќи ги заканите на сенаторот Линдзи Греам кон Куба по воените операции на САД против Иран.
Песков рече дека Русија отфрла какво било мешање во внатрешните работи на други земји и смета дека таквите дејствија се некомпатибилни со меѓународното право.
„Искрено, претпочитаме да не зборуваме за ова. Ние сме поддржувачи на меѓународното право. Министерството за надворешни работи е посветено на принципите на почитување на суверените држави и на принципот на немешање во нив како внатрешно прашање. Ова е суштината на нашата позиција и претпочитаме да се придржуваме до неа. Сè друго го сметаме за некомпатибилно со принципите на меѓународното право“, изјави Песков пред новинарите, пренесува Танјуг.
Песков, исто така, рече дека е малку веројатно дека во овој момент ќе се одржи трилатерален состанок во Абу Даби во врска со украинското решение.
„Јасно е дека е малку веројатно дека сега можеме да разговараме за можноста за состанок во Абу Даби токму од очигледни причини. Сè уште не е јасно каде и кога ќе се одржат разговорите. Штом ќе биде јасно, ќе ве информираме“, рече тој.

