Минчо Јорданов вчера соопшти дека ќе го тужи „Дневник“ за клевета изнесена во текстот „Владата со 400.000 евра ја електрифицира пругата на Минчо“, објавен на 29 март годинава.

ВИЦЕПРЕМИЕРОТ на суд Ќе ги брани Честа и угледот

Минчо Јорданов вчера соопшти дека ќе го тужи „Дневник“ за клевета изнесена во текстот „Владата со 400.000 евра ја електрифицира пругата на Минчо“, објавен на 29 март годинава.

Јорданов тврди дека насловот и дел од текстот содржат „невистинити податоци со кои се дезинформира јавноста и се извртува вистината“ и дека со тоа биле оштетени неговата чест и углед и компанијата „Макстил“.

Ниту Јорданов ниту „Макстил“ досега не ги демантираа информациите објавени во „Дневник“. Од Јорданов беше побарана изјава пред објавувањето на текстот. На прашањето од нашата новинарка дали во случајот има конфликт на интереси поради неговата вицепремиерска функција – тој одговори: „Конфликтот на интереси е во твојата глава“.

Информацијата дека Владата одобрила пари за електрификација на пругата до компанијата „Макстил“, во која Јорданов беше претседател на Одборот на директори, ја потврдија двајца директори на јавното претпријатие „Македонски железници“.

„Дневник“ сепак погреши во пресметката: во текстот пишува дека Владата одобрила 24 милиони денари (400.000 евра), а во „Службен весник“ е објавено дека Владата одобрила 30,7 милиони денари (500.000 евра) за електрификација на пругата Маџари-Железара Југ и на станицата Железара Југ.

Таа железничка делница води до фирмите во скопската железарница во која работат погоните на „Макстил“ и на „Митал стил“. Од железница тврдат (објавено во нашиот текст) дека „Макстил“ ќе ја користи тазе електрифицираната пруга, бидејќи „Митал стил“ ја користи линијата Скопје Север.

Апсурдни обвинувања

Во магацините на мојата фирма никогаш не биле пронајдени шверцувани цигари, децидно тврди Драги Попов, кого ВМРО-ДПМНЕ го обвинува дека е една од главните алки во организираниот шверц на цигари.

– Јас сум стопанственик уште од 1983 година, кога Бичиклиски бил се’ уште ученик. За сиве овие години Никола Ќуркчиев во просториите на „АБЦ“ влегол само еднаш и тоа по службена работа. Обвинувањата се ноторна лага и веднаш ќе се консултирам со адвокат дали да тужам за клевета – вели Попов.

Демант стигна и од Кичево. За Миле Симјановски, сопственик на пицеријата „Мини“, изнесените бројки се апсолутно нереални:

– Подготвени сме да ја дадеме на увид целата документација за нашето работење со РЕК „Осломеј“ за да се види дека таквите суми се апсурдни. Обвинувањата се во функција на политичка