Свет
Љубе Бошковски му дал државјанство на најпознатиот албански криминалец
Решението со кое албанскиот криминалец Алфред Шкурти, алијас Алдо Баре, добил македонско државјанство го потпишал поранешниот министер за внатрешни работи Љубе Бошковски, пренесува весникот „Газета шќиптаре“.
СПОРЕД АЛБАНСКИОТ ВЕСНИК „ГАЗЕТА ШЌИПТАРЕ“
Решението со кое албанскиот криминалец Алфред Шкурти, алијас Алдо Баре, добил македонско државјанство го потпишал поранешниот министер за внатрешни работи Љубе Бошковски, пренесува весникот „Газета шќиптаре“.
Постапката за добивање македонско државјанство била регуларна, но врз основа на фалсификувани документи. Според албанскиот весник, Бошковски веднаш потоа издал и наредба со која Баре добил и македонска патна исправа под името Микел Нико Кодра, роден на 25 февруари 1970 година во Фиер, Албанија. Алдо Баре, кој беше уапсен пред две недели во Турција, го бараа албанската и италијанската полиција за поголем број убиства, киднапирања и за трговија со дрога.
Решението за државјанство било евидентирано под број 18-430201/1-2002 од 18 септември 2002 година, а било објавено и во „Службен весник на РМ“. Според албанската полиција, која е многу задоволна од соработката со македонските колеги во расветлување на случајот, добивањето на македонските документи било регуларно врз основа на фалсификувани документи. Баре во 2002 година преку еден свој пријател Македонец доставил документи и барање за македонско државјанство за себе и за својата љубовница, на кои имало печат од невладина организација од Подградец, а врз основа на потврда за македонска национална припадност. Откако добил македонски документи, криминалецот веднаш обезбедил македонски пасош и за својата љубовница Данида Кодра, со која живеел во периферијата на Скопје. Весникот тврди дека Баре имал и изолирана вила во Гостивар и оти имал поддршка од авторитети во Македонија од албанска националност. Тие го штителе криминалецот поради што Баре успеал да и’ избега на македонската полиција во април минатата година.
Алдо Баре беше уапсен пред две недели во Анкара во Турција. Во моментот на апсењето поседувал фалсификуван македонски пасош на име Артур Салабанда. Со патната исправа на име Микел Кодра, Баре патувал и во Романија преку Бугарија, а го користел исклучиво граничниот премин кај Крива Паланка.
Се очекува Алдо Баре да биде екстрадиран во Албанија деновиве. Негова екстрадиција, покрај Албанија, бара и Италија. И двете земји го товарат за тешки кривични дела, а во Албанија и за повеќе убиства. Според пишувањата на албанските весници, бандата од Лушња“, како што ја нарекуваат, најсилни бази за чување дрога имала во Македонија, но и во Бугарија и во Турција. (В.Т.) n
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.
Свет
Ирански командант: Три европски земји ќе одговараат за помошта кон Израел
Командантот на силите Кудс, Есмаил Кани изјави дека трите европски земји кои ги распоредија своите воени авиони за да го одбранат Израел од одмаздничката операција организирана од Иран ќе одговараат.
– Франција, Германија и Велика Британија не треба да мислат дека распоредувањето на авионите таа ноќ е крај на проблемот. Да, таа ноќ заврши, но ќе одговорат во догледно време – изјави бригадниот генерал Есмаил Кани.
Според него, Соединетите Американски Држави и целата западна воена алијанса на НАТО придонеле со сите свои воени капацитети за одбрана на Израел од иранската операција „Вистинско ветување“, пренесува иранската агенција „Тасним“.
– Седум или осум поморски групи се распоредени во Црното Море за да се спречи (иранската) операција – рече тој, додавајќи дека во таа операција се вклучени и повеќе од 200 авиони.
Кани оцени дека Иран ја покажа својата сила, непоколебливост и моќ на целиот свет при нападот на територијата на Израел.
– Победата на операцијата „Вистинско ветување“ не е ограничена само на бројот на ракети и беспилотни летала кои стигнаа до окупираните територии – рече Кани и ги повика земјите од регионот да учат од, како што наведе, „неспособноста на САД да го заштитат израелскиот режим за време на иранската операција“ и да не се потпираат на Вашингтон.
На 13 април Техеран истрела повеќе од 300 беспилотни летала и проектили кон Израел, како одговор на нападот врз иранскиот конзулат во сирискиот главен град Дамаск на 1 април, кога беа убиени седум членови на Иранската револуционерна гарда.
Иран тврди дека нападот „Вистинско ветување“ предизвикал голема штета на израелските воени бази.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.