Свет
МПЦ и Владата со различни оцени за вратениот имот на Црквата
Владиците незадоволни од бавноста во спроведувањето на денационализацијата
Владиците незадоволни од бавноста во спроведувањето на денационализацијата
Актуелната власт ни оспорува 70 насто од она што ни беше вратено во Пелагониско- преспанската епархија, тврди владиката Петар
Билјана Јовановска
Македонската православна црква не е задоволна од бавноста со која ? се враќа денационализираниот имот и има генерална забелешка дека во одделни епархии вратеното е симболично. Владата, пак, посочува официјални податоци според кои од 161 пристигнато барање, позитивно е одговорено на 70, додека другите се во постапка.
Во Преспанско-пелагониската епархија, вели надлежниот митрополит г. Петар, не само што е вратен само мал дел туку актуелната власт ни ја оспорува сопственоста на 70 насто од имотот кој ни е вратен. Ни се бараат дополнителни тапии за имотот кој е одземен по Втората светска војна, за кои не биле издавани реверси, а имаме сознанија дека власта дури и ја крие документацијата која ? е доставена. Таков бил случајот со имотот во Демир Хисар, за кој барањата биле доставени во дебела фасцикла, за сега документацијата да се сведе на две-три ливчиња. На некои службеници, пак, им било речено да не им даваат поконкретни документи за имотот кој го побарувале старешини од Македонската православна црква, тврди владиката Петар. Во Преспанско-пелагониската епархија неспорна е зградата на поранешната општина во Битола, на локалната единица на Министерството за образование и зградата до неа, потоа ректорската и уште една куќа. Овој дел од имотот власта не ни го оспорува, појаснува митрополитот и додава дека затоа, пак, с? уште се одолжува враќањето на објекти кои се сопственост на МПЦ, а кои се во владение на државата. Во тој контекст, г. Петар ја посочува зградата на Универзитетската библиотека во Битола, објектот во кој е сместено седиштето на ВМРО-НП, потоа онаа на Основното училиште "Кирил и Методиј"…
Во Дебарско-кичевската епархија или, поконкретно, само во Охрид, каде што МПЦ има околу 80 барања за враќање на денационализираниот имот, според надлежниот архијереј г. Тимотеј, "вратено е нешто што не заслужува внимание, додека од капиталниот манастирски имот с? уште нема ништо". Станува збор за имотот кој им припаѓа на манастирите "Свети Наум", "Св. Стефан", "Св. Спас", "Богородица Перивлепта"… Впечатокот, вели владиката, е дека нема желба и добра волја да ни се врати имотот.
Слична е и состојбата во Скопската епархија, каде што МПЦ го побарува земјиштето на кое се изградени значајни објекти – дел од Градскиот трговски центар, претседателската резиденција на Водно, парцелите на кои се наоѓаат Комерцијална банка, Македонскиот народен театар, паркингот спроти "Холидеј ин"…
Во однос на враќањето на имотот најдобро поминале Струмичката и Брегалничката епархија, каде што позитивно се решени речиси сите побарувања. Во Струмичката епархија, манастирскиот комплекс Водоча е вратен меѓу првите, поточно непосредно по осамостојувањето на државата, додека сега се во постапка за враќање уште дел од пасиштата, земјоделско земјиште и шуми.
Наспроти ваквите тврдења на одделни владици, во Владата го говорат спротивното. За решавање на прашањето на денационализираниот имот, вели Марјан Ѓуровски, советник за односи со јавноста во Кабинетот на премиерот, по иницијатива на Владата, а во соработка со МПЦ, формирана е заедничка работна група која го разгледува секој предмет, а преку своите служби, Владата дури ? помага на МПЦ во надминувањето на одредени правни недоследности.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Подготвен сум да го обновам конзервативниот сојуз со Орбан
Поранешниот американски претседател и републикански претседателски кандидат Доналд Трамп изјави дека е подготвен да го обнови конзервативниот сојуз со унгарскиот премиер Виктор Орбан.
Во видео пораката Трамп изјави дека со нетрпение очекува блиска соработка со Орбан кога, како што наведе, повторно ќе положи заклетва како 47-ми претседател на САД, пренесе АП.
Во својата порака Трамп го нарече Орбан голем човек и истакна дека додека бил претседател на САД, работел со него на подобрување на вредностите и интересите на САД и Унгарија.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.