Шпанската Влада го одби повикот на каталонскиот лидер, Квим Тора за нови преговори. Привремениот премиер на Шпанија, Педро Санчез изјави дека Тора прво мора недвосмислено да ги осуди немирите со кои беше зафатена Каталонија.

Тој додаде дека Владата на Шпанија повеќе пати соопштила дека проблемот на Каталонија не е независноста, што нема да се случи, бидејќи е незаконска и не е желба на мнозинството Каталонци, туку коегзистенција. Претходно, Тора побара разговори со Владата во Мадрид, по пет дена немири предизвикани од изрекувањето на затворските казни за каталонските сепаратистички лидери.

„Го повикуваме вршителот на должност премиер на Шпанија да седне на преговарачка маса и да разговара со нас“, истакна Тора, додавајќи оти минатонеделното насилство не ја отсликува „мирната природа“ на движењето за независност на Каталонија.

Протестите почнаа откако шпанскиот Врховен суд на 14 октомври осуди девет каталонски претставници на затворски казни од девет до 13 години поради бунт и користење на јавни пари за организирање на референдум за независност во 2017 година, кој беше забранет од Уставниот суд и последователното еднострано прогласување на независност на Каталонија. На тројца каталонски претставници им е забрането да извршуваат јавни функции и треба да платат парични казни.

Каталонската и шпанската полиција синоќа ја презедоа контролата над улиците во Барселона и другите каталонски градови и ги растераа демонстрантите, кои шест часа го блокираа градот. Илјадници демонстранти со знамиња на Каталонија, на петтиот ден од демонстрациите, целосно го блокираа градот. Синоќа се случија најжестоките судири меѓу каталонските заговорници за независност и полицијата.

Турскиот министер за одбрана, Хилуси Акар изјави дека турската војска е подготвена да ја обнови операцијата „Извор на мир“ во северна Сирија, ако САД не ги исполнат своите обврски.

Обврска на САД е да влијаат на повлекувањето на курдските сили од турско-сириската граница.

„Во овој момент ја прекинавме операцијата на пет дена. За тоа време терористите мораат да бидат повлечени од безбедносната зона и треба да го предадат тешкото вооружување. Мораат да бидат уништени нивните позиции. Ако тоа не се случи, операцијата ќе биде обновена. Нашата војска е целосно подготвена за тоа“ рекол Акар.

Турскиот претседател Ердоган и потпретседател на САД Мајк Пенс се договорија турската офанзива во Сирија да биде прекината на пет дена поради повлекување на курдските сили од границата со Турсија. Пенс соопшти дека договорот подразбира повлекување на курдските сили и дека САД ќе допринесат во тој просец. Тој истакна дека американската војска нема да се врати во оваа област.

Маж од Украина му го одсекол пенисот на човекот кој му ја силувал сопругата, во близина на нивниот дом во Украина.

Додека се враќал дома во селото Шеченково, 27-годишниот маж видел како некој му ја силува жената, пишува „Дејли мејл“. Жената била излезена во ресторан со пријателки и заминала кон дома околу еден часот по полноќ. Била нападната недалеку од дома од 25-годишниот Дмитри Иченко, кој ѝ ја покрил устата за да не може да вика и ја одвлекол во грмушките покрај патот.

Како што пренесува „Дејли мејл“, нејзиниот сопруг пристигнал по десетина минути и слушнал некакви звуци од грмушките, па се приближил и видел како Иченко му ја силува жената. Прво го удрил по главата, а потоа извадил нож и му го пресекол пенисот. Вриштењето на силувачот ги разбудил сите околни станари.

Адвокатот на мажот, кој му го одсекол пенисот на силувачот, рекол дека неговиот клиент изгубил контрола.

„Сопругот изгубил контрола. Не бил свесен што прави“.

Сега му се заканува затворска казна повисока од казната на силувачот. Ако биде прогласен за виновен, тој би можел да добие 8 години затвор, а силувачот пет.