Свет
Таинствениот јавувач „по казна“ стана советник на Бучковски!
Митко Андреевски, сегашен советник во кабинетот на премиерот Владо Бучковски, е таинственото лице со иницијали А. М., кое наводно самоиницијативно ги злоупотребило службените телефони на министерството за одбрана за да ја намести анкетата на емисијата „Чуму“, дознава „Време“.
Емил Зафировски
Митко Андреевски, сегашен советник во кабинетот на премиерот Владо Бучковски, е таинственото лице со иницијали А. М., кое наводно самоиницијативно ги злоупотребило службените телефони на министерството за одбрана за да ја намести анкетата на емисијата „Чуму“, дознава „Време“.
Тоа е името што Министерството за одбрана во својот извештај го доставило до антикорупциската комисија, по внатрешната истрага. Претходно беше обелоденето дека анкетата на „Чуму“ за новата територијална организација, во која гостуваше тогаш министерот Бучковски, била наместена во полза на Владата, и тоа од службени телефони на МО. Според истрагата, од два телефони во МО имало 2.605 јавувања во прилог на Законот за територијална поделба.
Министерството пред комисијата доставило документ во кој е подвлечено дека Митко Андреевски е лицето вработено во МО, кое „самоволно злоупотребило два службени фиксни телефони, за што ќе мора да надомести штета од 52.000 денари и ќе биде казнет со 30 отсто од платата за време од 6 месеци“.
Дознаваме дека во времето кога се местела анкетата, Митко Андреевски не бил вработен во МО, како што првично соопшти Министерството кога најави дека против нивниот вработен А. М. ќе следуваат дисциплински казни, туку дека тој работел со договор на дело, и тоа во кабинетот на министерот Владо Бучковски.
Неофицијално дознаваме дека Митко Андреевски ноќта на 20 јули минатата година, додека траела емисијата „Чуму“, во зградата на Генералштабот на АРМ не влегол сам, туку со уште едно машко лице, кое тогаш исто така било вработено во МО со договор на дело. Со нив имало и две девојки. Вратите на канцелариите од каде што се вртело им ги отклучил редовен војник на АРМ, кој таа ноќ бил дежурен во зградата на Генералштабот.
По скандалозното откритие дека анкетата се местела од телефони на МО, Бучковски, тогаш министер за одбрана, изјави дека виновниците ќе бидат откриени и соодветно казнети. Но, освен иницијалите на лицето А. М. и тврдењата дека тоа самоиницијативно ги злоупотребило службените телефони, случајот остана забошотен. Ниту тогашното раководство на МО, ниту сегашното не сакаа да откријат кој се крие зад иницијалите А. М.. И покрај проверените и потврдени информации на „Време“ дека зад иницијалите А. М. се крие името на Митко Андреевски, сегашен советник на премиерот Бучковски, од кабинетот на премиерот и од Министерството за одбрана и вчера одбија да разговараат за тоа.
МО преку портпаролот Билјана Аврамовска одби да одговори дали лицето Митко Андреевски минатата година работело во МО и дали во моментов имаат вработен со исто име и презиме.
– За МО тој случај е затворен. Нови информации немаме – кратко одговори Аврамовска.
И Марјан Ѓуровски, шеф на кабинетот на премиерот Владо Бучковски, не сакаше да ги коментира информациите.
– Не можам ништо да кажам за тој случај. Обратете се во Министерството за одбрана – изјави Ѓуровски.
Антикорупциската комисија утврди дека во анкетата на „Чуму“ биле злоупотребени службени телефони на МО и дека биле потрошени државни пари заради манипулација на јавното мислење во полза на владин предлог. Комисијата заклучи и нагласи дека телефонирањето не било спонтано, туку однапред смислено. Целиот извештај, сработен врз основа на членот 49 од Законот за спречување корупција, комисијата го достави до Јавното обвинителство. Таа од Обвинителството побара кривично да ги гони и да ги казни службените лица во МО и во Агенцијата за спорт и млади за кривично дело злоупотреба на службената положба и овластувањата, според членот 353 од Кривичниот законик.
Во јули лани беше откриено дека од службени телефони на МО и на владината Агенција за спорт и млади биле потрошени околу 106.000 денари, или повеќе од 1.600 евра државни пари, за да се намести анкетата во полза на владиниот предлог за новата територијална поделба. Владо Бучковски и тогашниот премиер Хари Костов беа владините претставници што на таа емисија јавно го бранеа предлогот на Владата додека се одвиваше анкетното прашање дали сте „за“ или „против“ новата територијална организација.
********
Андреевски: „Јас не можам ништо да кажам, прашајте го Ѓуровски“,
„Време“ завчера телефонски го доби Митко Андреевски во неговата советничка канцеларија во кабинетот на премиерот Владо Бучковски.
Еве како се одвиваше разговорот:
Андреевски: Јас не можам ништо да кажам за тоа. Подобро јавете му се на Марјан Ѓуровски
„Време“: Но, Вашето име е посочено кај антикорупциската комисија од страна на МО. Обвинет сте дека самоволно сте злоупотребиле службени телефони.
Андреевски: Сега сум на состанок и имам многу работа. Не можам да разговарам. Јавете се подоцна.
Подоцна тој не беше достапен за разговор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски прогласи вонредна состојба во енергетскиот сектор
Украинскиот претседател Володимир Зеленски прогласи вонредна состојба во енергетскиот сектор, со посебен фокус на Киев, кој се соочува со последиците од руските напади што ги оставија жителите без струја, греење и вода при температури под нулата. Откако руските напади пред пет дена ја оштетија енергетската инфраструктура во главниот град, големи делови од Киев се соочуваат со прекини во снабдувањето со електрична енергија, пишува „Киев Индепендент“.
Зеленски најави дека во Киев ќе биде формирана работна група која 24 часа дневно ќе го координира одговорот на кризата, додавајќи дека напорите за поддршка на граѓаните и заедниците во рамки на вонредните мерки ги предводи новоименуваниот министер за енергетика Денис Шмигал.
„Последиците од руските напади и влошувањето на временските услови се тешки“, напиша Зеленски на својот канал на Телеграм.
Портпарол на најголемата украинска приватна енергетска компанија ДТЕК изјави дека сериозноста на ситуацијата во Киев и низ цела Украина бара координација без преседан меѓу властите и снабдувачите со енергија.
Владата ќе ги засили напорите со странските партнери за да обезбеди критична енергетска опрема, да го зголеми увозот на електрична енергија и да обезбеди дополнителна поддршка. Истовремено, ќе се поедностават правилата за приклучување резервна енергетска опрема на мрежата за време на вонредната состојба.
Се очекува Министерството за образование и локалните власти да достават предлози до владата за форматот на похаѓање на наставата за децата за време на вонредната состојба.
Фото: Depositphotos
Европа
Герасимов: Во јануари окупиравме 300 квадратни километри во Украина
Руските сили зазедоа повеќе од 300 квадратни километри украинска територија во првата половина на јануари, изјави началникот на рускиот Генералштаб, Валериј Герасимов. Русија соопшти дека минатата година зазела 6.640 квадратни километри во Украина.
Украинскиот парламент во среда го назначи младиот технократ Михаил Федоров за министер за одбрана, додека владата се стреми да ги поттикне иновациите за да ја зајакне војската за време на тешката фаза од речиси четиригодишната војна.
Претседателот Володимир Зеленски изјави дека му наредил на 34-годишниот Федоров да спроведе брзи одлуки за заштита на украинското небо, зајакнување на линиите за снабдување на фронтот и воведување други технолошки решенија за запирање на руското напредување.
Исцрпената украинска армија е побројна и пооружена на фронтовските линии откако започна руската инвазија во февруари 2022 година. Руските сили бавно напредуваат во источниот регион Донецк и се обидуваат да ги пробијат одбранбените линии на југ и североисток.
Бидејќи дипломатските напори за завршување на војната не даваат опипливи резултати, Киев се соочува со потребата да ги зајакне своите вооружени сили, кои бројат околу милион припадници.
Европа
Поранешен руски заменик-министер пронајден мртов: „До телото пронајдено оружје“
Поранешниот руски заменик-министер за труд и социјална заштита Алексеј Скљар изврши самоубиство, објави „Московски комсомолец“. Според весникот, телото на поранешниот функционер е пронајдено во неговиот дом во селото Поповка, во областа Филимонковски. Веста ја објави и руската државна новинска агенција ТАСС.
„Московски комсомолец“ објавува дека пред смртта, Скљар оставил проштална порака на социјалните мрежи во која изјавил дека сè е вина на неговата сопруга. Итните служби пристигнале на местото на настанот и забележале дека вратата од домот на Скљар е отворена.
Неговото тело било веднаш на влезот. Во близина на телото е пронајден пиштол.
Алексеј Скљар бил заменик-министер за труд од 2018 до 2022 година. Тој бил одговорен за развој на информациски системи и обезбедување на владини услуги по електронски пат. Пред тоа, тој работеше во канцеларијата Краснодар на Федералното министерство за финансии од 2002 до 2013 година, а потоа во Сметководствената комора на Руската Федерација од 2013 до 2018 година.

