Свет
Препарирана изјава дадена во истрагата за случајот „Југ“?
Возачот Даворин Спенџарски вчера рече дека изјавата дадена пред истражен судија била различна од онаа што тој ја прочитал во записникот
ОБВИНЕТ ЗА КРИУМЧАРЕЊЕ МИГРАНТИ ОБВИНУВА
Возачот Даворин Спенџарски вчера рече дека изјавата дадена пред истражен судија била различна од онаа што тој ја прочитал во записникот
Даворин Спенџарски, еден од обвинетите за криумчарење мигранти, вчера изјави дека некој ја препарирал неговата изјава дадена пред истражен судија за случајот „Југ“. Обвинетиот Спенџарски тврди дека за време на истрагата покрај надлежните истражни органи бил присутен и некој човек кој постојано додавал зборови откако тој ќе кажел нешто.
– Подоцна кога го видов записникот од истрагата забележав дека таму пишува различно од она што јас навистина го кажав. Преку затворската управа писмено се обратив до судот за да бидам повторно испрашан од истражен судија, но не добив никаков одговор – изјави Спенџарски.
Тој кажа дека бил возач, но оти не знаел за шверцот на мигранти.
За настанот за кој судот го товари тој изјави:
– Заедно со Звонко Рушковски со камион тргнавме за Грција, каде што тој требаше да товари кокс. Пред Гевгелија јас излегов од камионот оти немав виза, а требаше да одам и на веридба во Берово. Не знам како можеле да влезат мигранти во камионот – рече Спенџарски.
Вчера на продолжението на судењето за случајот „Југ“ одбрана даде и обвинетиот возач Драган Милановски од Куманово.
Тој призна дека во еден случај шверцувал мигранти за Грција, а работата му ја понудил Дејан Стамков, првообвинетиот во случајот.
Пред да ја прифати работата Стамков му рекол оти имал негов човек на граница кој ќе го чека. Милановски со камион дошол на паркингот „Адриатику“ кај Куманово каде што биле товарени осум мигранти меѓу кои и еден малолетник. Истиот ден тој бил уапсен кај Гевгелија.
– Не знаев дека меѓу илегалците има и малолетник. Тој беше две глави повисок од мене, а беше и покрупен. За неговата возраст дознав во полиција. За превозот требаше да добијам 1.000 евра – изјави пред судот обвинетиот Милановски.
Интересно е тоа што тој за истиот случај неодамна бил веќе осуден во Основниот суд во Гевгелија на 4 години затвор. Дел од адвокатите реагираа на тоа со образложение дека со тоа е непознато каков треба да биде неговиот статус во текот на судењето.
Адвокатите објаснуваат дека Милановски во Гевгелија бил осуден за криумчарење како поединец, а во овој случај тој бил обвинет како дел од организирана група.
Судењето се одвива со голема брзина и досега се испрашани половина од вкупно 28 обвинети во случајот. Судењето продолжува во понеделник со распит на останатите обвинети.
(А.М.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.