Свет
Продолжува војната за гасоводот меѓу државата и "Макпетрол"
"Макпетрол" ќе бара целосна ревизија на судскиот процес и усвојување на протоколот за заедничко управување со гасоводот
Иако Апелациониот суд ја назначи државата за сопственик на гасоводот
"Макпетрол" ќе бара целосна ревизија на судскиот процес и усвојување на протоколот за заедничко управување со гасоводот
МАЈА ТОМИЌ
"Макпетрол" ќе поднесе барање до Врховниот суд за целосна ревизија на досегашниот судски процес што се водеше за докажување на правото на сопственост врз гасоводот поради низа забелешки во судските процедури. Од оваа компанија велат дека се незадоволни од донесената одлука од повеќе причини. Во време кога с? се продава и приватизира во државата власта прави обратен процес и сака присилно да преземе објект во кој има приватен капитал, што претставува драстична повреда на приватната сопственост. Од компанијата бараат итно, до крајот на неделата, Владата да го усвои двостраниот протокол со "Макпетрол" за заедничко управување со гасоводот, што е во функција на стопанството и на домашните корисници на овој енергенс. "Доколку државата стане сопственик на гасоводот, тоа ќе биде акт на експропријација и национализација. Никој на државата не ? го оспорува фактот дека таа има капитал во гасоводот, но не може да се занемари фактот дека во него има и приватна сопственост, што е највисоко почитувана категорија во ЕУ", велат во компанијата. "Макпетрол" уште пред два месеца, додека траеше судскиот процес, најавуваше тужби поради пристрасност во вештачењето и претрпена финансиска штета.
Реакцијата од компанијата доаѓа по завчерашната одлука на Апелациониот суд дека државата е сопственик и треба да управува со гасоводот. Според одлуката, државата треба да ја преземе во владение гасоводната цевка, а "Макпетрол" доби рок од 15 дена да ? го предаде раководењето. Одлуката е конечна и без право за жалба. Останува неизвесно како и кога државата ќе стане способна да управува со гасоводот ако се знае дека "Гама", кое законски стана надлежно за управување со гасот, три години има блокирана сметка. Згора на тоа, Владата пред два месеца одобри милион евра за негово рестартирање, но досега не се префрлени никакви пари.
Спорот меѓу државата и нафтената компанија трае околу една деценија, при што државата сака да докаже сопственост од над 70 отсто. Според претходната судска пресуда од пред два месеца, државата има право на 55 отсто од гасоводот, а на "Макпетрол" му припаѓа остатокот. Пресудата беше донесена врз основа на извештаите на судските вештаци, кои работеа на докажувањето на сопственоста од јули минатата година. И Владата и "Макпетрол" не беа задоволни од утврдениот процент на сопственоста. Државата тврди дека му дала на "Макпетрол" 14,5 милиони евра за изградба на гасоводот, со што станала негов мнозински сопственик. Од "Макпетрол"обвинија дека извештајот на вештаците е фризиран и е во интерес на државата, поради што трпат штета од 13 милиони долари.
Долгогодишното натегање за сопственоста на гасоводот го одложува процесот на гасификација во земјава и влезот на инвестиции во гасоводниот систем, со кој треба да се гасифицираат и домаќинствата. Македонија се наоѓа на дното во Европа според процентот на користење на овој енергенс. Гасот покрива само два отсто од енергетските потреби во земјава, наспроти енормно високиот процент на користење на електричната енергија, која е многу поскапа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Од израелскиот затвор ослободени 55 Палестинци, меѓу кои и директорот на болницата Ал-Шифа
Неименуван функционер на палестинското Министерство за здравство во окупираниот Појас Газа потврди дека Израел денеска ослободил 55 Палестинци од заробеништво, меѓу кои и Мохамед Абу Селми, директорот на главната болница Ал-Шифа.
Мохамед Абу Селмија беше уапсен во ноември 2023 година кога израелските сили извршија рација во болницата Ал-Шифа, според АП.
Во видео изјава емитувана на палестинските медиуми по неговото ослободување, Абу Селми ги обвини израелските власти дека ги подложуваат палестинските затвореници на „секојдневно физичко и психичко понижување“, но Израел веднаш ги отфрли таквите обвинувања.
Свет
Галант: Хамас не може да се опорави од израелските операции во Појасот Газа
Израелскиот министер за одбрана Јоав Галант за време на посетата на Рафа во јужниот дел на Појасот Газа изјави дека Хамас не може да се опорави од израелските операции кои го уништија оружјето и подземните тунели на палестинските милитантни групи.
Галант оцени дека Хамас повеќе нема средства да се вооружува, да се опреми, дека не може да донесе засилување, објави Тајмс оф Израел.
„Нивниот борбен дух е скршен и времето всушност работи против нив, а не за нив“, рече Галант.
Тој повтори дека целта на израелската операција во Појасот Газа е целосно уништување на Хамас.
Регион
Нов сведок во случајот со убиството на Данка: по 5 месеци во полиција изјавил дека џогирал покрај ѓубриштето во моментот кога осомничените го фрлале телото на девојчето
Во Вишото јавно обвинителство во Заечар за 5 јули е закажано сослушување нови сведоци во истрагата за убиството на Данка Илиќ од Бор, која како што се сомнева, ја убиле работниците на ЈКП „Водовод“ од Бор, Дејан Драгијевиќ и Срѓан Јанковиќ. Како што објави Нова.рс, сослушувањето на еден од нив е од големо значење за истрагата.
„Станува збор за двајца соседи од Бањско Поље, од кои не се очекува ништо пресудно. Но, маж од Бор, кој е трет сведок, контактирал со надлежните и рекол дека џогирал точно во моментот кога осомничените биле на буништето и наводно го фрлиле телото“, вели изворот и додава:
„Што точно видел, зошто дури сега се јави, ќе се знае во петок. Постои можност неговото сведочење да докаже дека навистина го фрлиле убиеното дете на ѓубриште…“
Инаку, осомничениот Дејан Драгијевиќ, кој на рочиштето во обвинителството по апсењето го призна делото и детално го опиша, побара обвинителството повторно да го сослуша.
Адвокатката Вања Живковиќ рече дека до денес не добила потврден или негативен одговор дали обвинителството ќе го прифати повторното испитување на нејзиниот клиент Дејан Драгијевиќ.
Инаку, Драгијевиќ во образложението зошто сака дополнително рочиште вели „за да се расветлат околностите и изнесените факти кои ги ставил на записник на рочиштето на 5 април 2024 година“.
За потсетување, осомничени за убиството на Данка Илиќ се Срѓан Јанковиќ од село Лука и Дејан Драгијевиќ од селото Злот кај Бор, кој го признал делото велејќи дека го удриле девојчето со возило на „Водовод“ Бор, по што со голи раце ја задавил. Тој откри и дека неговиот татко Радослав и сега починатиот брат Далибор му помогнале да го сокрие телото на девојчето, кој, неколку часа по апсењето почина во полициската управа Бор.