Политичките пресврти во Грузија, Украина и Киргистан, каде што народните движења ги урнаа режимите што на Москва и беа релативно верни, го поттикна Кремљ да го обнови своето влијание на подрачјето на поранешниот Советски сојуз.

Политичките пресврти во Грузија, Украина и Киргистан, каде што народните движења ги урнаа режимите што на Москва и беа релативно верни, го поттикна Кремљ да го обнови своето влијание на подрачјето на поранешниот Советски сојуз. Намера е да се создаде оддел за “контрареволуција”, со цел повторно да ги „покори“ елитите во тие земји.

„Русија би требала да извлече сериозна поука од случувањата во Украина, Киргистан и во Грузија“, оцени Модест Колеров, експерт за политичка комуникација кој на чело на новиот оддел го постави рускиот претседател.

Одделот е официјално задолжен за културни врски со странските земји, но Кремљ признава дека неговото “поле на делување ќе се однесува исклучиво на поранешните советски републики”.

Револуциите во Грузија, Украина и Киргистан беа изненадување за Москва и покажаа дека Русија има доста матна слика за тоа што навистина се случува во поранешните советски републики, оценуваат аналитичарите.

Во Украина и Грузија, невладините организации со поддршка од странство, беа на првата линија на мирољубивите револуции, а истото го тврди и сменетата влада во Бишкек за Киргистан.

“Во некои земји на поранешниот СССР дојде до масовно купување на интелектуалните елити од страна на западните фондации“, истакнува политикологот Глеб Павловски, мислејќи притоа на платените стипендии за истражувачи и на финансирањето на невладините организации кои се противеле на власта.

Идејата повторно да се освојат интелектуалните елити меѓутоа е “утописка”, оценува политикологот Јуриј Коргуњок од фондацијата ИНДЕМ.

“Всушност демократските идеи делуваат на елитите, а не фондациите. Со што може да се пофали Русија: Со Чеченија и аферата Јукос”, вели Коргуњок. /крај/хн/ил