Помошникот на рускиот претседател Владимир Путин, Владимир Медински, изјави дека Киев ќе изгуби уште повеќе територија ако Украина не се согласи со условите на Русија за завршување на војната.

„Невозможно е да се води долга војна со Русија“, изјави Медински за „Волстрит
журнал“, наведувајќи ја 21-годишната војна на Русија со Шведска во 18 век како доказ дека земјата победува во долготрајните конфликти, објави „Ројтерс“.

Тој рече дека Русија сака мир, но дека ако Украина сè уште се управува од националните интереси на другите, Русија „едноставно ќе биде принудена да одговори“.

„Ние сакаме мир. Но, ако Украина продолжи да се води од националните интереси на другите, тогаш едноставно ќе бидеме принудени да реагираме“, рече Медински по последната рунда разговори во Истанбул.

Медиумите потсетуваат дека вчера во интервју за „Раша тудеј“ тој изјави дека може да има нуклеарна војна ако војната во Украина престане без постигнување вистински мир, бидејќи, според негова проценка, Киев и НАТО ќе се обидат да повратат нови територии на Руската Федерација.

Мај 2025 година беше вториот најтопол мај досега регистриран во светот, со глобална просечна температура од 15,79 степени Целзиусови, само 0,12 степени под рекордот поставен во мај 2024 година, објави службата за климатски промени „Коперникус“ на ЕУ.

Температурата беше за 1,4 степени Целзиусови над проценетиот прединдустриски просек за периодот 1850-1900 година, соопшти агенцијата со седиште во Бон.

Исклучително суво време
Делови од северозападна Европа доживеаа исклучително сува пролет, вклучувајќи ги март, април и мај со најниски нивоа на врнежи и влажност на почвата, најмалку од 1979 година.

Во мај 2025 година се забележа значителен контраст во температурите на површинскиот воздух низ цела Европа. Во источна Европа, од источна Италија и Балканот на југ до Финска на север, температурите беа претежно под климатолошките вредности за периодот 1991–2020 година.

Најголемите отстапувања кон постудено време беа забележани северозападно од Црното Море, со фокус на западна Украина и околните области, каде што можеа да предизвикаат проблеми за земјоделството.

Месецот мај 2025 во Бугарија беше еден од трите најстудени маја од 2005 година. Изолирани области со постудено време беа забележани и во Шпанија и Франција. Спротивно на тоа, западна Европа беше претежно потопла од просекот.

Службата за климатски промени „Коперник“ редовно објавува податоци за површинските температури, морската ледена покривка и врнежите. Нејзините наоди се базираат на компјутерски генерирани анализи на мерења од сателити, бродови, авиони и метеоролошки станици низ целиот свет.

Голем дел од податоците датираат од 1950 година, а некои записи датираат уште подалеку.

Помошникот на рускиот претседател, Владимир Медински, предложи на генералниот секретар на НАТО, Марк Руте, да му се испрати учебник по училишна историја за да може да научи дека „во 12 век Украина не постоела“.

„Вчера, на пример, генералниот секретар на НАТО, Марк Руте, зборуваше за потребата Русија повторно да го промени преговарачкиот тим со Украина, бидејќи таму „некој историчар држи предавање за историјата на Украина во 12 век“. Знам дека г-дин Руте студирал историја на универзитетот, но сигурно би му испратил учебник по средновековна историја, бидејќи сигурно ќе научи од него дека Украина не постоела во 12 век“, рече тој на меѓународниот форум на министри за образование „Обликување на иднината“ во Казањ.

Медински, кој ја предводи руската делегација на преговорите со Украина, нагласи дека Руската Федерација е „заинтересирана за историјата на сите народи“, особено на земјите од ЗНД, за историјата да не ги разделува народите, туку да ги обединува, за да можат во неа да ги пронајдат сите добри и убави работи што ги направиле нивните предци заедно, и за да овие земји станат посилни, а луѓето да живеат подобро.

Шефот на алијансата вчера изјави, алудирајќи на Медински, дека, според него, за да се стави крај на украинскиот конфликт, рускиот претседател Владимир Путин треба да седне на преговарачката маса, а „не овој историчар кој ја раскажува историјата на Русија и Украина од речиси 12 век“, потсетува руската агенција.