Свет
Работници го држат директорот на „Сони“ како заложник

Работници го држат како заложник директорот на филијалата на „Сони“ во Франција, во обид да го натераат јапонскиот електронски гигант да им исплати поголеми отпремнини.
Гневните работници сметаат дека со овој чин ќе го натераат јапонскиот електронски гигант ќе им исплати повеќе од тоа што им ветил, по затворањето на фабриката. Серж Фушер вчера заминал во фабриката во Понто-сур-л’Адур во југозападна Франција за уште еднаш да се сретне со 311 работници пред затворањето на фабриката на 17 април, пренесуваат новинските агенции.Работниците, меѓутоа, кои велат дека нивните отпремнини се момали отколку оние на останатите работници во фабриките во Франција кои се веќе затворени, одлучија да одржат штрајк, го блокираа влезот во кругот на фабриката со три камиони и го спречија Фушер да замине.„Тој беше држен во текот на целата ноќ во салата за состаноци“, изјави претставникот на ЦГТ синдикатот Патрик Хачхагуер.„Од нас беше побарано да го ослободиме Фушер од фабриката рано утринава за да се сретне со префектот и со работниците. Но работниците, кои побараа од префектот да дојде во фабриката“, одбија да го сторат тоа, додаде тој.Хачхагуер изјави дека заменик префектот ќе дојде во фабриката, но официјални извори велат дека нема да го стори тоа се додека не добие гаранции дека Фушер ќе биде ослободен.„Сони Франција“ го најави во декември затворањето на фабриката во Понто-сур-л’Адур, која од 1984 година се специјализира за производство на видео ленти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски: Веќе работиме на специфичната содржина за безбедносните гаранции

Американскиот претседател Доналд Трамп објави дека започнале подготовките за средба меѓу рускиот и украинскиот претседател Владимир Путин и Володимир Зеленски.
Во изјава на социјалната мрежа Truth Social, Трамп ја опиша средбата со украинскиот претседател и другите европски партнери „многу добра“.
Во Белата куќа присуствуваа францускиот претседател Емануел Макрон, италијанската премиерка Џорџа Мелони, германскиот канцелар Фридрих Мерц, финскиот претседател Александар Стаб, британскиот премиер Кир Стармер, претседателката на Европската комисија Урсула фон дер Лајен и генералниот секретар на НАТО Марк Руте.
Yesterday, important talks took place in Washington with the President of the United States and European leaders. This was truly a significant step toward ending the war and ensuring the security of Ukraine and our people. We are already working on the concrete content of the… pic.twitter.com/FXGnQfcdzz
— Volodymyr Zelenskyy / Володимир Зеленський (@ZelenskyyUa) August 19, 2025
Зеленски се огласи на социјаните мрежи
„Вчера во Вашингтон се одржаа важни разговори со претседателот на Соединетите Американски Држави и европските лидери. Ова беше навистина значаен чекор кон завршување на војната и обезбедување на безбедноста на Украина и нашиот народ.
Веќе работиме на специфичната содржина на безбедносните гаранции. Денес продолжуваме со координацијата на ниво на лидери. Ќе има дискусии и подготвуваме соодветни формати. Ќе продолжиме да работиме утре. Советниците за национална безбедност сега се исто така во постојан контакт. Ќе има безбедносни гаранции.
Им се заблагодарувам на сите наши партнери за нивната решителност и поддршка. Украина ја чувствува оваа сила. И ние ќе направиме сè за да го направиме патот кон мирот реалност – преку партнерство, преку безбедносни гаранции и преку храброста на украинскиот народ“, објави Зеленски на Икс.
Регион
Затвореник им побегна на полицајците во Грција кога излегол на цигара: „Опасен е, отворете четири очи“

Дваесет и осумгодишен маж вчера избега од Општата болница во Костур во Грција, каде што беше задржан под полициска придружба по операцијата. Во тек е општа потрага по него, па властите апелираат до јавноста да отори четири очи.
Според извештаите на грчките медиуми, затвореникот, државјанин на Албанија, ја искористил небрежноста на двајца полицајци кои го чувале. Наводно, тој успеал да избега кога му дозволиле да излезе надвор на цигара.
Мажот неодамна беше уапсен за кршење на законот за странци, поседување дрога и непослушност, додека против него се водеа неколку многу сериозни судски постапки – 12 години затвор и парична казна од 50.000 евра за кршење на законот за дрога, а за негово апсење има и налог од Апелациониот суд во Солун.
Полицијата интензивно го бара на северот од земјата, со континуирани проверки на раскрсниците, патиштата и возилата што се движат кон Лерин, Кожани и границата со Албанија. Во исто време, се истражуваат околностите под кои затвореникот успеал да избега, додека случајот покрена прашања за начинот на кој бил приведен.
Треба да се напомене дека бегалецот неодамна бил повреден во обид да избега преку нерегулиран граничен премин кон Албанија со помош на 29-годишен сонародник, при што ја скршил ногата и бил префрлен во болница во Костур на операција, од каде подоцна успеал да избега.
Свет
„Леново“ отвора регионално седиште во Саудиска Арабија

Кинескиот производител на компјутери „Леново“ објави планови за отворање регионално седиште во Саудиска Арабија, со цел да го зајакне своето присуство на Блискиот Исток.
Групацијата го назначи ветеранот Лоренс Ју да го води новото седиште во Саудиска Арабија, соопшти кинескиот производител.
Џовани Ди Филипо е исто така назначен за генерален директор на „Леново“ за Саудиска Арабија, а Зоран Радумило е назначен за технолошки директор на компанијата.
Производствениот објект ќе започне со работа во 2026 година.
„Леново“ исто така соработуваше со локална компанија за изградба на производствен објект за кој се очекува да започне со производство на персонални компјутери, лаптопи, паметни телефони и сервери од 2026 година.
Главниот извршен директор на „Леново“, Јанг Јуанкинг, минатата недела изјави дека компанијата гледа силна побарувачка за вештачка интелигенција во своите три главни деловни сегменти, при што кинеската побарувачка за инфраструктура поврзана со вештачката интелигенција го надминува остатокот од светот.
фото: принтскрин