Свет
Бомбаш самоубиец уби 25 луѓе во Ирак

Бомбаш, самоубиец, се разнесе себеси на курдски погреб во етнички мешаната провинција Дијала во северен Ирак во понеделникот, при што уби 25 луѓе, а 45 се повредени, соопшти полицијата, јавува Ројтерс
Експлозијата во северниот град Јалавла, 115 километри североисточно од Багдад, го сврте вниманието на опасниот Ирак кој се соочува со милитаристичките сили, додека насилството падна на ниво какво што не е видено од средината на 2003 година, а Соединетите Американски Држави се подготвуваат да ги повлечат своите трупи на 31 август 20010 година.“Слушнавме силна експлозија. Погледнавме над куќите во соседството и таму имаше многу мртви луѓе, насекаде“, вели Суад Ахмед, жена која живее во близина на куќата каде се случи експлозијата, пренесува Ројтерс.Дијала е мешана провинција, во која живеат Курди, Арапи и Турци со различно религиско убедување, шиити, снити, христијани и други религии.Тензијата меѓу Апарите и Курдите во провинцијата расте, поради нафтата и територијата меѓу ирачките шиити и Владата во Багдад, предводена од Арапи, како и надлежните во најголемиот автономен курдистански регион.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Очекувам да се сретнам со Доналд Трамп во следните два месеци

Српскиот претседател Александар Вучиќ изјави дека се надева дека ќе се сретне со американскиот претседател Доналд Трамп во следните два месеци.
„Очекувам да ја имам таа средба. Тој е премногу зафатен, секогаш е можно нешто да се смени, датумот се уште не е одреден, но знаете дека јас сум многу внимателен кога зборувам за тоа. Тоа би било огромна чест за нашата Србија и верувам дека е изводливо“, изјави Вучиќ.
Зборувајќи за вчерашниот телефонски разговор со францускиот претседател Емануел Макрон, како и за нивната средба во април, Вучиќ рече дека секогаш имаат неколку важни теми за разговор.
„Вчера поминавме низ неколку важни теми. Понекогаш разговараме ненадејно. Како што оди по државен протокол, тоа е закажано и се чека пет до седум дена“, рече Вучиќ.
Свет
Белата куќа: Секоја земја која неправедно се однесува кон САД ќе биде цел на дополнителни царини

Секоја земја што неправедно се однесува кон САД треба да очекува дека ќе биде цел на дополнителни царини, соопшти денеска Белата куќа, два дена пред американскиот претседател Доналд Трамп да ги објави, како што рече, сеопфатните, реципрочни царини.
„Секоја земја што се однесуваше неправедно со американскиот народ треба да очекува да добие царина во среда како реципрочна мерка“, им рече на новинарите портпаролката на Белата куќа Каролин Левит, одбивајќи да даде дополнителни детали, според Ројтерс.
На прашањето дали ќе има исклучоци за земјоделците, таа рече дека „во овој момент нема исклучоци“.
Свет
Силен земјотрес ја погоди Индонезија, се стравува од повредени

Земјотрес со јачина од 6 степени според Рихтеровата скала е регистриран во 17:54 часот во Индонезија.
Според достапните податоци, епицентарот на земјотресот бил лоциран во областа со географски координати на географска ширина -10,1246 и географска должина 119,0393.
Хипоцентарот на земјотресот, според Европско-медитеранскиот сеизмолошки центар, се наоѓал на длабочина од приближно 37 километри под површината на земјата во близина на островот Сумба.
Засега нема извештаи за материјална штета или повредени, а надлежните служби ја следат состојбата.
Во Мјанмар минатата недела беше регистриран разорен земјотрес со јачина од 7,7 степени.