Свет
Хакери во војнички униформи

Во градчето Реинбах крај Бон германската војска се подготвува за нов вид војување – преку интерент
Операцијата ја раководи генералот Фридрих Вилхелм Крејслер кој е началник на единица војници образувани во секторите за информатички науки на германската армија, а нивното главно оружје ќе бидат компјутерите. Неговата задача е да обучи 76 војници – хакери за сајбер војување, увежбувајќи методи за интерент инфилтрација во и за уривање на противнички компјутерски мрежи, шпијунирање и манипулирање.Германската влада одбобрила нацрт-закон со кој треба да се засили безбедноста на информациите и комуникациските канлаи на државните иснтитуции. А германските војници-хакери ќе бидат обучувани и за одбрана и за напад во сајбер светот.Ова не само германска идеја, имено и други држави во светот веќе подолго време во новите субверзивни активности предвидуваат хакерски уништувања на компјутерски системи или сметање на електронските функционирања во електронските системи на цели држави, почнувајќи од доверливи владини информации, преку банкарски системи и сообраќајни системи па се’ до нуклеарните системи. Западните разузнавачи проценуваат дека главните противници се истите како и во периодот на Студената војна – Русија и Кина.Имено, во 2007 г., Естонија која беше прогласена за електрнонички најбезбедна држава во Европа, доживеа хакерски напад на банките и виталните државни институции за што беа обвинети руски хакери наводно под команда на Кремљ. За вакви напади беше известувано и минатото лето при руската интервенција во Осетија, кога Грузија се жалеше дека Русија електронски ги напаѓа нејзините интеренет системи а за случно се говореше и во Киргистан.Германските безбедносни служби уште во 2007 г. открија упорни сајбер напади од Кина врз системите на неколку министерства и владата, па канцеларката Ангела Меркел јавно побара од кинеските фукнционери да се престане со ваквата практика.Американските стручњаци сметаат дека комјутерсктие мрежи се многу ранлива инфраструктура и можна цел на терористите. Тие од поодамна ги употребуват терминтие како „електронички Перл Харбор“ или „Сајбергедон“. Во извештајот до Конгресот американските експерти предупредуваат дека Кина интензивно ги развива воените сајбер методи и технологијата и дека таа набрзо може да обезбеди значителна предност во овој сегмент. Но и покрај дебатите, ниту во НАТО се’ уште не може да се реши дали ваквите сајбер атаци може да се третираат како вооружени закани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Неколкумина загинаа откако патнички воз излета од шините во југозападна Германија

Неколку лица загинаа, а многу други се повредени откако патнички воз излета од шините во југозападна Германија, јави ДПА, повикувајќи се на безбедносни извори.
Спасувачките тимови се на местото на настанот и го пребаруваат возот и околината во потрага по патници.
Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.