Околу 70 луѓе во Бангкок се повредени, а продолжуваат судирите меѓу демонстрантите и тајландските војници, јавува Ројтерс

Демонстрантите запленија возило за транспорт на гас и се закануваат дека ќе го испуштат гасот ако полицијата ги нападне. Возилото е паркирано во близина на станбена зграда, а нејзините станари веќе го напуштиле објектот. Приближно 37.000 војници се обидуваат да воспостават контрола во Бангкок.Откако премиерот, Абхисит Веџаџива, прогласи вонредна состојба во Бангкок, тајланската армија синоќа интервенираше против антивладините демонстранти. Војниците пукаа во воздух додека демонстрантите фрлаа со камења и молотови коктели.Денеска во Тајланд почнува тридневната прослава на Нова година, па армијата се обидува да ја деблокира улицата која води кон излез од градот. Пожарникарите го гасат огнот предизвикан од молотовите коктели, а полицајците на мотоцикли кружат во просторот меѓу војската и демонстрантите обидувајќи се да спречат ескалација на насилството.Премиерот Веџаџива вчера издаде наредба за апсење на организаторите на протестите. Поради поттикнување за кршење на законот приведен  е лидерот на групата „Црвени кошули“, популарниот пејач Арисмун Понгруенгронг, соопшти полицијата.